شكرا لحضرتك
عرض للطباعة
معلش انت شكللك محترم جدا بص خد الكلام ده مني وروح اعملو بكرة
اطلع علي جهاز حماية المستهللك وقوله عاللي حصل بالكامل هايطلعو معاك واحد من الجهاز تروح بيه علي التوكيل وماتنساش يبقي تديلو 50 او 25 جنيه واراهنك مشكلتك هاتتحل وانت واقف ومعلش ماتزعلش مني انا مش شمتان
بس حد يسيب الالماني ويركب الكوري
يالا حصل خير
انا فعلا بدأت اتاكد من نظرية ان الكورى دة بينزل منظر ويشتغل شهرين تلاتة وبعد كدة يبان اعطالة
ربنا يسترها عليك ويجيبلك حقك ان شاء وربنا يكون فى عونك بس ماتسكتش عن حقك
ومعلش طريقة القيادة اللى حضرتك بتعملها عشان العربية ماتبطلش لو اى حد استمر عليها يبقى هتجيب اسطوانة وديسك بسرعة ,هضيعلك كبالن عشان كتر الملفات اللى بتتاخد على سرعات والمفروض انك جايب عربية جديدة عشان تستريح مش عشان تفكر بطريقة صعبة عشان ماتبطلش
واعتقد عيب انها بتبطل فجأءة دة خصوصا مع الضغط على الدبرياج او التهدئة ,او الدخول فى ملف وتحريك الدركسيون ,غالبا ممكن يكون عيب فى بلف الايدل بتاعها عشان طلملة الباور بتاخد من الماتور والفرامل كذلك فاميش حساس سلانسية يقدر يعلى قدرة الماتور وهو علية حمل
دة استنتاجى
ايه الاخبار
انا مهتم قوي اني اعرف الجديد
يارب خير
معلش ياباشا لغاية دلوقتى مقابلتش حد من حماية المستهلك اول لما اشوف حد فيهم ان شاء الله هسألهم تعمل اية بالضبط واقولك علطول
أسف جدا جدا جدا يا جماعة
أولا أنا أحب أعتذر لغيابى الفترة الطويلة دى بس غصب عنى
ثانيا أحب أشكر كل من أهتم و شارك فى الموضوع و أهتم فعلا لمشكلتى
لأن الموضوع شكلة هينتهى قريب
و يتقفل
لسبب من أتنين
يا هبيع العربية لبتوع الخردة
لأن حرام حد ياخدها
أو أنى أكون مت
و أحب أبلغكم بالجديد
طبعا كان فى ناس من كوريا المفروض أنهم جاين مصر زى ما كنت حكيت قبل كدة علشان موضوع تبطيل السيارات
و لكن المفاجأة
أن ولا عربية من الـ 4 عربيات اللى فى مصنع جينرال موتورز بطلت
و الجماعة الكوريين قالوا و أكدوا أن بعد السوفت وير الجديد اللى أتحط على كمبيوتر السيارة حل المشكلة دى بصورة نهائية
و طبعا أنا عربيتى قعدوا يجربوها هنا فى إسكندرية نفس الحكاية
و حلفت طلاق تلاتة مهى مبطلة تانى
و بالفعل أنا زى ما قلت قبل كدة أنى سحبت العربية و لما يجى الكوريين و يوفروا عربية مؤقتة تانية أستخدمها
ساعتها أبقى أديهم العربية يجربوا تانى
و بالفعل طلبوا منى الناس بتاعة جينرال موتورز التواجدعندهم
فى مصنع 6 أكتوبر علشان أقابل الخبراء الكوريين
و لو قدرت أجيبلهم العربية يبقى أحسن
الكلام دة يوم الأحد اللى قبل اللى فات يعنى داخل فى أسبوعين
فقلت أنى أسافر يوم السبت بالنهار و أقضى اليوم هناك و أستريح علشان أروحلهم بدرى و فايق
و حصل اللى حصل
العربية فى أحد تحويلات الطريق الصحراوى القاهرة - الأسكندرية
بعد أول ملف و خلاص داخل فى التانى
و العربية بطلت
عارفين يعنى أية تبطل فى نهاية تانى ملف بتاع التحويلة
يعنى الطريق بيبقى أوسع و الكل حاااارق علشان يجرى
و العربية طبعا بتقطع الصحراوى علشان بطلت
و فى جزء أقل من الثانية العربية أبتدت تخرج عن الطريق طبعا ماشية بعرض الطريق
و عربية تانية بتفادينى بالعافية خبطتنى من ورا بس جامد و كنت فى نفس الوقت وش العربية كان بيشيل شكاير أسمنت خاصة بأعمال الطريق و طبعا شالت كل دة و نطت من فوقيهم و لبست شوية لبس زى الفل
و بقيت أنا برة الطريق خالص
المهم الناس أتلمت عليا
علشان يطمنوا عليا
و أنا نزلت أبص على العربية
و أفاجأ بقى بالأتى
العربية من الضهر الشاسية الحديد اللى المفروض ورا الأكصدام و تحت الشنطة بقى برة الأكصدام
يعنى قطع الأكصدام و الباقى الأكصدام بقى جوة
و بالنسبة للوش بتاع العربية
الأكصدام الأمامى أتكسر
و الفوج أتكسر و قاعدة الفوج أتكسرت
و الفايبر بتاع الفوج الكبير أتكسر
و الفايبر اللى راكب فوق فردة الكاوتش اليمين قدام أتفرم
و العتب اليمين أتعوج
دة المنظر الخارجى بس
بقت شبة الصرصور اللى حد ضربة بالشبشب فكل حتة فية بقت فى حتة و بقت خارجة منة
المهم
قلت ابص على أثار الحادث على العربية من تحت
و أبص ألاقى أن العربية قاعدة على شكاير أسمنت و على حبال و بلاوى محشورين تحتها
طبعا أول حاجه قلت أطلعهم علشان أطمن
و لسة بشيل أول ورقة بتاعت شكارة الأسمنت
ألاقى فى نار طالعة من تحت العربية
الورق و الحبال أشتعلوا و النتيجة أن الأسمن سخن و فى طريقة هو كمان
طبعا كلة قعد يضرب فى طفيات
و حركنا العربية من غير ما ندور العربية علشان لو فى حاجة أتكسرت
و فعلا ربنا ستر
و طفينا الحريق
و شيلنا كل حاجة تحتها
و المفاجأة العربية أتبهدلت من تحت بشكل مش هقدر أحكى علية
أول حاجة أتصلت بجينرال موتورز و قلتلهم أنى هروح أعمل محضر علشان أثبت حقى
قالولى دقيقتين و نرد عليك
و كلمونى قالولى فى كساحة هتجيلك دلوقتى تاخد العربية
و تجيبها على أقرب نقطة
لينا
المهم
العربية دارت و مشيت عادى بس صوتها عالى بصيت فى العربية لقيت أن ماسورة سحب الهواء الخاصة بالمتور أتكسرت و مرمية بين الشبكة اللى قدام و بين الرادرياتير
و مرضيتش أستنى عقبال العربية لما تيجى من القاهرة خصوصا أنى أعتبر قريب جدا للأسكندرية
أخويا جالى طبعا بعربيتة
و ربطنا القاطرة فى بقايا شاسية العربية الخلفى و سحبناها من الرمل اللى جنب الطريق
لغاية ما العربية طلعت تانى على الأسفلت
و مشينا أنا و هو على أسكندرية تانى
و رجعنا و حطيت العربية قدام التوكيل
لأن دة كان يوم واحد مايو و طبعا أجازة
و النتيجة
خدوا العربية و قالولى أنها هتتصلح بالكامل على حسابهم عن طريق أرضاء العميل
و تانى يوم جت الكساحة و رفعت العربية و خدتها مصنع 6 أكتوبر علشان الكوريين يلقوا نظرة عليها
و المفاجأة أنهم قالولى أن العربية لم تعطى الخطأ اللى بيتسجل كل مرة بتاع سويتش البدال الخاص بالدبرياج
و أنهم مستنين الكوريين يوصلوا فيها لحل أو لسبب
و بعد أسبوع و زيادة
أتوصلوا للسبب فى نظرهم
أن فى مسافه بين مفتاح العربية لما بيدخل فى سلندر الكونتاك بتاع العربية
فالمسافة دى بيدخل فيها شحم
فمع درجة حرارة و ظروف معينة
العربية تبطل
كأنك شيلت المفتاح بس المفتاح بيبقى موجود
و بالفعل
غيروا السلندر
بعد ما أنا حكيت ليهم أن العربية بعد السوفت ويير الجديد بطلت 3 مرات منهم مرة فى التوكيل قدام المهندس و هو راكب معايا فى العربية
و الجهاز كان واصل على كمبيوتر العربية
بس للأسف انة مكانش بيسجل اللى بيحصل
و المرة التانية لما بطلت كانت هتشيل البوابة و الكشك بتاع منصور شيفرولية العامرية
و نزلنا وش العربية من على الرصيف
و التالتة كانت الحادثة الكبيرة
و دة اللى خلاهم يكملوا بحث لما أتوصلوا لحل اللى هو بتاع سلندر الكونتاك
و فى المقابل باقى العربيات مبقتش بتبطل بعد ما عملوا فيهم نفس الحكاية
و دة السبب اللى يخليها تبطل من غير ما تدى خطأ على الكمبيوتر
و بالفعل وصلت العربية أمس للعامرية أسكندرية
علشان بقى تتصلح و المفروض أنها ترجع زى ما كانت
فالموضوع شكلة مطول
لسة هيقيموا أية اللى هيتعمل
و أية هيتغير
و يحددوا الوقت اللى هستلم فيه عربيتى
فأنا خلااااص زهقت من الموضوع دة
لدرجة أن خدمة حماية المستهلك قالولى العربية هستلمها مافيهاش خربوش حتى
و لما كلمت منصور شيفرولية أبوا رواش زى ما الجهاز بتاع حماية المستهلك قالى
قالولى الموضوع فى سوء تفاهم مافيش أى حاجة من دى
و محدش بقى عارف أى حاجة فى أى حاجة
و النتيجة ان أمبارح بس العربية المفروض أن تمت 3 شهور بالظبط من يوم ما أشتريتها و النتيجة كأنى هركب عربية أستعمال طالع بووووز أبوها
بجد أنا بقيت مش عارف أعمل أية
أنتوا اية رأيكم يا جماعة ؟؟
؟
؟
؟
ربنا يكون ف عونك ياباشا معلش اصبر وان شاء الله تنحل المشكله دي
صح انه الواحد مش حيجي نفس انه يركب العربيه بعد المشاكل دي بس لو العربيه بتحبها ومعملتش المشكله دي تاني كل اللى حصلك دا ح تنسى خااالص
ربنا يوفقك ياباشا
ربنا يصبرك و يقويك
و انا من رأيي بعد لما تتصلح أنشاء الله تبيعها لبتوع الخردة
او ممكن تتمسك انها ترجع لمنصور و يخصموا منك مبلغ الأستخدام ( مع ان انا عارف انك تعتبر ما استخدمتهاش )
ربنا يقويك و يصبرك يارب
بجد انا حاسس بيك قوي
لا حول ولا قوة الا بالله .... بجد ربنا يصبرك ياباشا ....
الواحد مش عارف يقولك ايه بجد حاجة تزعل .....
لا حول ولا قوة الا بالله
والله الواحد مش عارف يقولك ايه بس
ربنا معاك ويقويك وحمدالله على سلامتك لتانى مرة
المفروض يجبولك واحدة غيرها ده ايه الإستهبال بتاعهم ده
لا حول ولا قوة الا بالله الف حمد الله على سلامتك و دي اهم حاجة لأن حادثة زي دي كانت ممكن تتسبب لاقدر الله في وفاتك لولا ستر ربنا اللي الهم السواق اللي وراق انو يفاديك كدة و ظروف الحادثة كلها
انا رأيي انك ترجعها لمنصور مع خصم مبلغ الاستهلاك لأن حرام تبقى العربية جديدة و متصلحة قبل كدة 100 مرة دي حاجة و الحاجة الثانية انا بصراحة مضمنش منصور و انا دافعلو فلوس فمابالك بلو هو اللي عاملها على حسابو و اكيد لو رجعت لمنصور و اتخصم مبلغ استهلاك هيكون افضل 100 مرة من لما تبيعها خردة
اخى الفاضل لا ضاع حق وراءه مطالب
اتصل ب 139 شكاوى الجمهوريه و حمايه المستهلك وكلم اى حد من برامج التوك شو وصل الموضوع لفوق قد ما تقدر
المفروض كنت تعمل محضر لاثبات الحاله فى اى حادثه وترفقه بالورق بتاع العربيه فى حمايه المستهلك
و صر على حقك فى تغيير العربيه من غير دفع اى فرق من ناحيتك
الله يكون فى عونك تبقى ماشى بالعربيه ازاى كده وتبقى على اعصابك طول الطريق بجد حسبى الله ونعم الوكيل
ربنا يعوضك عن كل ده خير ان شاء الله
يعني هما بيجربوا فيك يعني !! أنا مش عارف ميدولك عربية جديده هو منصور فقير ؟؟ ويوفر علي نفسه السمعه الوسخه ... أيه السفالة دي . أنا بجد متغالظلك جدا
للاسف حضرتك ضيعت اخر فرصه لتغيير السياره ..
كان لازم تعمل محضر قبل ما تحرك العربيه من مكانها وتتعمل معاينه تثبت انه في عيب فني في السياره ووقتها كانوا هيعرفوا ان موقفهم صعب وهيجروا وراك علشان تاخد عربيه جديده بدالها وتتنازل عن القضيه لانك لو كملت فيها هتاخد تعويض يجيبلك بدل العربيه اتنين علي الاقل والدليل علي كده انهم اول ما عرفوا انك هتعمل محضر كانو عايزين يرفعوا العربيه بسرعه من مكان الحادثه..
[overline] [/overline][overline][/overline][overline]
لا حول ولا قوه الا بالله ربنا يصبرك ويقويك بس انا مستغرب ازاى تسوق العربيه وهيه بالحاله ديه وتعرض نفسك للخطر لازم ما تاخدش العربيه ديه تانى بعد كل الاصلاحات اللى حتحصل فيها وربنا يعينك.
[/overline]
ربنا يصبرك ويعوضك على صبرك خير ان شاء الله
ربنا يكون فى عونك و يقويك
بس احب اقولك ان العبقرى ( الوكيل ) كل يوم اللينك دة موجود كدة للداخل و الى خارج شوف بقى بيخسر قد اية
انا طبعا بعتة لجميع زمايلى فى الشغل اللينك دة عن طريق الميل و معاة لينك تانى عن الكروز كان قديم
و منهم اتنين كانو ناويين يجيبوها و لما قرو المسخرة - حلفو طلاق تلاتة ما هو مقربيين منها لا مانيول و لا اتوماتيك و لا من منصور اصلا
و الله عباقرة التوكيل دول عاجبنى قوى - خليكو على الدرب دة متغيرهوش علشان نخلص منكم فى القريب العاجل
لان دوم الحال من المحال
خلينا كدا للغايه ما نجيب اجلو لمنصور
لا و اية 6000 و شوية قرو الموضوع
يعنى جرسة جرسة
و الله مش خسارة فى طيبة قلبهم
أولا ألف مبروك يا باشا على التوصل للعيب
ثانيا أتمنى أن تتم الإصلاحات سريعا حتى تركب سيارتك من جديد و صدقني سوف تنسى متاعب هذه الشهور بمجرد أن تركب سيارتك اسبوعا كاملا دون حدوث مشاكل
ثالثا ما وصفته من إصابات و إصلاحاتها هو شيء بسيط لا يؤثر على كون السيارة حديثة و كمالياتها كثيرة و أنا أعدك أنك ستتمتع بها و لن تشعر أنها مستعملة كما قلت فقط واليها بالمتابعة في الورشة و والي القائمين عليهل بالرشاوي البسيطة و ستكون النتيجة جيدة انشاء الله
رابعا العيب الذي كانت تعاني منه سيارتك هو عيب نادر جدا و هو من مجموعة عيوب ال لوووس و هي تلك العيوب التي لا يمكن تتبعها بطرق بحث الخطأ المنطقية و لا ترصدها كمبيوترات تحديد الأعطال بدقة في أي معدة و تنتج مجموعة الأعطال هذه عندما يحدث توقف لحظي لأحد أجزاء دوائر التحكم نتيجة عدم الإحكام الميكانيكي لمكوناتها مثلما حدث لسلندر الكونتاكت عندك مثلا حيث لم يعشق المفتاح ميكانيكيا بإحكام في مكانه مائة بالمائة و عند اهتزازه يؤدي لعدم إحساس السيارة بوجود المفتاح فيها و هو ما أدى بدوره لقيام دائرة منع سرقة السيارة بفصل الطاقة عن دوائر الإشعال و منع الوقود عن المحرك و توقف السيارة.
و الجدير بالذكر أن مجموعة العيوب هذه صعبة الإكتشاف حتى على الخبراء و تحتاج للتفرغ و التركيز كما أنها تحتاج في اكتشافها إلى قدر كبير من الخبرة و هو ما لن يتوفر بأي حال من الأحوال في مراكز خدمة منصور
صدقني ما حدث لك هو محض سوء حظ و عدم توفيق و أنا طبقا لتجربتي مع منصور أعلم أن أسوأ ما يحدث لك أن تشتري منه سيارة و تكتشف بها عيوب تضطرك للتعامل مع مراكز خدمته المليئة بالمهندسين قليلي الخبرة و الفنيين الأشبه بقراصنة بحر الشمال
تحياتي لك و تمنياتي لك بنسيان ما فات و التمتع من جديد بسيارتك التي هي حقا جميلة سيارات هذا العقد
تابعت هذا الموضوع بمنتهى الاسى عمالحق بالعضو الزميل منصعوبات بالغة أثناء تعامله مع التوكيل وتراوحت ردود الاعضاء مابين المواساة وتشجيع العضو على اتخاذ اجراءات أكثر صرامة ازاء التوكيل ولكن ماذا يفعل العضو بمفرده امام اى توكيل ملئ بالمهندسين و المديرين و العضو وقته موزع بين عمله ورعاية اسرته ودائرة اتصالاته ومعلوماته محدودة ففكرت لماذا لايتم انشاء قسم خاص بمنتدانا يتولى مساعدة العضو على الحصول على مطالبه العادلة منالتوكيل بعد التأكد من عدالة هذة المطالب بتوفير الدعم المعنوى والفنى للعضو وتبنى قضيته امام مختلف الجهات
باشا ,,,\
الف سلامة عليك ، و فعلا حاجة تحزن و تضايق ... ولا كأنك جايب عربية بالشئ الفلواني ..
بس حضرتك ارجووووووووووووووك لا تترك حقك ابدا .. حارب معاهم حتي الاخر و طبعا لما تروح حماية المستهلك لازم تقولهم انهم لم يرضو ان يدولك امر الشغل ..
ده نصب علني و علشان هما عارفين انهم ضعاف - عملو كده -
باشا ارجوك طمني ايه اللي حصل و عملو معاك ايه ...
و ربنا يسترها معاك و يهديهملك يـــــــــــــــا رب
و طمني ارجوووووووووووووووووووووو ووووووووووووووك -- انا لسه قارئ الرسالة دلوقتي معلش ..!!
[QUOTE=zakiali;3872664315]كلامك متناقض مع بعضه منين بتشتم في منصور ومنين بتشكر في السياره ؟؟ مش السياره هي منصور برده كمنظومة متكاممله؟؟؟؟[/QUOTE
انا اختلف معك يااخي
انا لازلت معجب بالسياره شكلا وموضوعا ومع ذلك انا طبعا احتقر التوكيل الفاشل الذي كاد ان يودي بحياة زميلنا
واريد ان اذكرك بكلامه هو شخصيا انه معجب بالسياره وثباتها بالذات وده راجل كان راكب بي ام وانه جاب بيها سرعات عاليه
ماعلينا......اريد ان اقول ان السياره لاتزال في بدايت انتاجها وبالتاكيد سوف يتم تلافي هذه العيوب في المستقبل
كما لاننسي ان السياره صناعه كوريه وهذا الاخطاء وارده وشركة جنرال موتورز شركه عريقه ويادوب لسه طلعين من مطب الافلاس مش هايقدروا يعدوا من المطب الصغير ده.
اخيرا انا ناوي اشتري السياره دي بس ان شاء الله في 2011 ده لو مانزلشي حاجه احسن منها في السعر والكماليات
وشكرا لكم جميعا علي الحوار الرائع واسف للاطاله ولكني نادرا ما اشارك في اي موضوع
متابع باهتمام والحمد لله انى معايا نوبيرا ومفرطش فيها
السلام عليكم
الاخ الفاضل ، قدر الله وما شاء فعل ، حضرتك عليك الاتي بدون اي تردد
1- ارسال خطاب رسمي الي جنرال موتورز العلمية بالولايات المتحدة (ديترويت -ميتشجان) لرئيس الشركة مباشرة تحكي باختصار استيائك من الشركة لعد اهتمامها بحياتك و حياة اسرتك بعد هذا الحادث الفظيع وان الصورة العظيمة التي كنت متخيلها لقوة و مكانة جنرال موتورز تلاشت لعدم وقوفهم بجانبك في حل مشكلة السيارة التي ابلغت عن مشكلتها منذ 3 شهور و انا متمسك بارجاع السيارة لعدم قدرتي علي قيادة هذه السيارة مرة اخري بعد ما تركته من اثر سلبي علي .
2- عدم استلام السيارة من منصور و ابلاغهم انك متمسك بتغيير السيارة و انك حترجع عليهم بالحق المدني
3- ابلاغ حماية المستهلك رسميا بخطاب موجه للسيد المهندس / سعيد الالفي تطالبه بحقق في ترجيع السيارة كليا او تغييرها بجديدة و عدم تنازلك عن هذا المطلب
و ربنا يعينك و لا تستلم هذه السيارة مجددا مهما حدث
وهدد برفع المشكله للصحف و التليفزيون حتي يحدث قلق علي السمعة
لا حول ولا قوة إلا بالله . والله إنى كنت ناوى أغير وأشتريها . لكن كده خلاص ولا مجرد تفكير فيها حتى .
بس إن شاء الله مشكلتك تتحل . بس لو إتحلت وجربت العربيه (وإتأكدت ١٠٠% إن المشكله إنتهت ) عليك ببيعها حتى ولو كنت حاببها وكمان يا ريت تطلع أى حاجه لله على اللى حصلك مع العربيه دى .
اوعى تتنازل عن حقك انك تاخد سيارة اخرى جديدة
يا جماعة خلينا واقعيين منصور عمرو ما هيديلو فلوسو و لو ادهالو لا يمكن تكون كاملة
موضوع العربية الجديدة دي فيها قولان و لو حصلت ياخدها و ياخد ورقها و يطلع بيها على السوق و يعرضها للبيع على طول و اللي ياخدها يا ياخد خيرها كلو يا ياخد مشاكلها و يبقى هو و نصيبو
يااااااااااااااه و انا اللى كنت مستغرب ان احد الأعضاء كاتب تغور من وش منصور
دا انت ليك ألف حق دا ايه دا ايه اللى بيحصل دا
دانا لو مكان صاحب المشكلة دانا هعلى صوتى و أتخانق فى التوكيل مع أتخن تخين
دانا ممكن أجر عيال صغيرة واطبع ورق بالمشكلة وأخليهوم يوزعوه على باب كل معرض عربيات
دانا أجمع صحابى و أوصيهوم يجيبو التوكيل الارض
أعمل بوسترات على حسابى و الزقها على عربيات أصحابى و معارفى ضد منصور
دانا لو هصرف تمن العربية على انى اشرد لمنصور هعملها بس تبرد نارى
ربنا معاك يا رب وطمنا عليك ديماً
أعتقد منصور مش هيديله فلوس أو هيبدل العربية :khd: .... بالكتير هيصلحله العيب و يرجع العربية زي ما كانت على حسابه
و يمكن يلعب الدنئية :_Alshmokh08[1]: و يظبط العيب و يعمله تخفيض على تكاليف أصلاح التلفيّات اللي حصلت بسبب الحادثة
أخوانى الكرام بعد طول غياب
سواء بغيابى عنكم و دة غصب عنى علشان مكانش فية جديد
و غياب عربيتى عنى
أولا عربيتى أستلمتها من التوكيل أمبارح و الحمد لله
أولا
العربية أتصلحت بالكامل و أخدت اللون بتاعة و بقت زى الأول بس أسوء
لأن الدهان باين أنة كان معمول مش فى فرن للدهان
بس الظاهر أنة كان فرن بلدى
و طبعا صباح التجريح اللى فية مطرح ما أتحط على الأرض و اتركب و أتشال و اتهبد
ثانيا الكلفة الكلية للسيارة كانت على حسابهم تحت بند إرضاء العميل
كدة كان العربية عندهم من يوم ما جبتها شهر و نص عندى و شهر و نص عندهم
و طبعا مشكلة التبطيل أنتهت تماما و العربية بقت زى الفل
دة اللى عرفتة منهم
و الكارثة طبعا هى الحقيقة
العربية تانى يوم ما أستلمتها بطلت تانى لنفس العيب
و جابت أخرى معاها
بجد خلاص أنا أتقرعت من الحوارات بتاعتهم دى
و جهاز حماية المستهلك مستنى علشان يعمل لجنة فنية للفحص
علشان يقول كلمتة
حتة حاولت أنى أبيع العربية
رغم أن الشغل اللى أتعمل فيها المفروض شغل توكيل بس النتيجة
أنت يا أستاذ عربيتك شكلها كانت مخيشة
دى مغسرة أكصدمات و كمان رشت رفارف و عتب لا يا أستاذ مش هينفع أقول على سعر
علشان متزعلش منى
و دة فعلا اللى حصل
كلة خايف من حوار التبطيل و محدش عايز يشترى
دة الجديد و أسف مرة تانية أنى بوجع دماغكم بقصص مغامرات الكروز ضد منصور
و بجد ربنا يستر
دة أنا و أنا بعمل تصريح خروج السيارة
بقول للمحاسب ربنا يستر و مرجعش المرة اللى جاية العربية تبقى محتاجة تغير نص مثلا أمامى أو خلفى
لأنى مش متفائل خلاااص بعد ما دخلت عند منصور
و ربنا يستر علينا و عليكوا أجمعين
انا عندي صحبي عنده وحده وخرب عليه القير
وداها لتوكيل قعدت عندهم اكتر من شهرين وكل مره بيقولو لسى القطعه موصلتش
وهو مقضيها أجار
ووعدوه مرتين وكل ميروح ليهم بيقولو لسى واخر مره اتخانق معاهم امو مدينه افيو لحد مايخلصو ^_^
وخلصت وهو نفسه يبيعها دلوقتي
ربنا معاك ان شاء الله
معلش بس مش عارف مادام هما عرفوا ان التبطيل من الكونتاكت علي قد ما فهمت والمفروض انهم غيروه ايه اللي حصل تاني طيب زاللي انا فهمته برضك من حضرتك ان فيه عربيات غيرك مشتركه في نفس العيب وجري عليهم اصلاح ذيك هل ممن الممكن انك تتواصل معاهم عشان تشوف الكلام ده حصل معاهم برضه ولا العيب ده لسه عندك برضه .
طبعا متسبش التوكيل واعتقد انك لازم تبتدي اجرائات التعويض القضائيه معاهم لان اللي بيحصل ده تهريج .
ربنا معاك واوصيك بالصبر وربنا ان شاء الله يجزيك خير