الموضوع: الحضانة

ربنا يكون في عونك ابقي طمنا عليك

العربيه رجعت الحمد لله انا معرفتش اقول لكم حاجة الايام الي فاتت علشان كنت مشغول :) كان تاني يوم كلاتي : انا رحت علي مرور المديرية القديمه علشان اجيب رخصة العربيه بعد قضاء وقت طويا اوي هناك لاقتها كانت راحت الملف و دفعت 400 جنيه غرامتها وكانت : تعمد اشغال الطريق,تجاوز محددات وانوار مبهرة وبعدين رحت ابيس جبت رخصة القيادة ودفعت 200 جنية و كانت التحدث في المحمول.بعدين رحت الحضانة جبت ورق افراج عن السيارة وبعدين رحت بيه علي المحافظة علشان اللواء عادل لبيب لازم يمضي بنفسه علي الخروج وطبعا قالولي بكره رحت تاني يوم جبت الورقه دي وطلعت بيها علي الحضانة قالولي تمام بس لسه الفحص علشان في انوار مبهرة (زينون) المهم فكوا الزينون ودفعت 500 جنيه غرامة الحضانة..انا صورت كام صورة بس بصراحة مكنتش مركز اوي علشان كنت في موال تاني بس انا صورتها ليكم مخصوص. ومعرفتش اصور العربيات ال جوا علشان ممنوع انك توصلها.وفي جزء مخصص حوالي في 30 عربيه وكلهم مكتوب عليهم اشتباه ولما سألت قالولي ان العربيات دي مزوره ملهاش ورق بيبقي واحد جايب نصف امامي وخلفي وعملهم عربية وقصص كبيرة بيجيبوا عليها لوحات..حانزل ان شاء الله الصور بكرة علشان مسافر كمان شوية..شكرا

المشاركة الأصلية كتبت بواسطة د.محمود صلاح

الموضوع ده كان في قنا في عهد المحافظ عادل لبيب وانتقل الى الإسكندرية مع المحافظ .
لما ذهبت قنا كان يحكى لي أن أي سيارة تنقط زيت على الأسفلت الجديد تترحل على الحضانة وغرامة 1000 ج

الله يكون في عونا بقي يا استاذ محمود ده انا اتكلمت مع ناس كتير هناك ال معاه تاكسي والظابط اخدها علشان نزل زبون وقاله تعطيل حركة المرور مع انه بيحلفلي ان ماكنش حد وراه

المشاركة الأصلية كتبت بواسطة eng.geo

معلش يا باشا
انا رحت الحضانة قبل كدة ( انا مش من اسكندرية ) ودخلت كان الجو مش لطيف ومرعب من كمية العربيات والتكاتك والنقل وكل ما تتخيل من عربيات جوة
ان شاء الله تطل بسرعة
عايز اقولك ان بتوع القاهرة مايعرفوش يعني ايه حضانة ( بشد الضاض ) الا اللي راح اسكندرية وسمع اهلهلم بيقولوا عنها
احنا عندنا بنقول العربية هتتكلبش وتتحبس :)

والله نفسي اعيش عندكم في القاهرة :) هو فعلا والله عندك حق منظر مؤسف جوا

حسبى الله ونعم الوكيل فى المحافظ الى منه لله وربنا مش حيسيبه على الى عامله فينا وفى اسكندريه الى مش شايفه يوم حلو من ساعه ممسكها
منه لله حسبى الله ونعم الوكيل فى التكسير والمطبات والحفر والبلاعات الى ماليه الشوارع وطريق البحر الى هو المفروض انضف طريق فى اسكندريه
لا وكمان عاملنا حضانه مهى نقصاه
ده يظهر عنده عقده وبيعاقبنا اننا راكبين عربيات

المشاركة الأصلية كتبت بواسطة misoalex

حسبى الله ونعم الوكيل فى المحافظ الى منه لله وربنا مش حيسيبه على الى عامله فينا وفى اسكندريه الى مش شايفه يوم حلو من ساعه ممسكها
منه لله حسبى الله ونعم الوكيل فى التكسير والمطبات والحفر والبلاعات الى ماليه الشوارع وطريق البحر الى هو المفروض انضف طريق فى اسكندريه
لا وكمان عاملنا حضانه مهى نقصاه
ده يظهر عنده عقده وبيعاقبنا اننا راكبين عربيات

موافق تماما معاك

معلش مش تضايق نفسك
اهم حاجه العربيه رجعت الحمد لله