عربيتى لانوس 2008 ومركبلها جنط نيكل كروم وكاوتش كومهو 195\50\15

عندى سؤالين مهمين اوى ويا ريت حد يفيدنى

1- ايه معنى الدايره الحمراء والصفراء اللى بتبقى على جنب الكاوتش وهو جاى زيرو وهل ليها فايده فى الترصيص ؟

2- بعد ما ركبت الجنط الجديد العربيه بقت بتشد يمين
رحت اظبط زوايا العفشجى قاللى العربيه سليمه بدل اماكن الكاوتش

طيب هو الكاوتش علاقته ايه بالشده اليمين ؟

ملحوظه الاربع فرد جداد ونفس النقشه

حد يفيدنى لانى قربت اتجنن
كل ما جيب جنط جديد اقعد ارصص فيه 3 او 4 مرات والمره ترصيص فى دمياط ( رصاص لصق جوه وبره ) ب 60 جنيه

يعنى الجنط على ما يزبط بيصرفله رنجات وترصيص ونيتروجين حركة 300 جنيه

حاجه تخنق

مستنى الاجابه ولكم جزيل الشكر