السلام عليكم
نخش فى الموضوع
من حوالى شهر تقريبا واحد زميلى فى الشغل جابلى كيس نايلون عادى
فى كميه بسيطه من سائل عامل زى الصابون السائل كده
هو عباره عن معطر مركز والكميه تقريبا 5سم ب2جنيه بس
هو بريحة الخوخ بس ريحته فظيعه جدا جدا
ومش عاوز اقولكم انى فى اليوم ده لمجرد انى مسكت الكيس بايدى
فضلت الريحه بتاعته فى ايدى لمدة يومين
بس ماكنتش عارف افرغ العبوه دى فى ايه
روحت واخد الكيس زى ماهو وحطيته فى الجيب البلاستيك بتاع الباب
اليمين والكلام ده من شهر وانا سايبه فى الكيس زى ماهو
ومخلى ريحة العربيه فظيعه جدا بريحة الخوخ حتى الان
اللى عرفته ان زميلى بيشتريه من محلات الصابون
وفى روائح تانيه زى التفاح والفل والياسمن بس انا لسه ماجربتهمش
طبعا قولت لازم اعرف حبايبى واصدقائى اعضاء نايل موتورز
ولما تجربوه هتعرفو انى مش ببالغ فى كلامى
وخلو بالكم مجرد ان اى حد يمسك الكيس بايده بتفضل الريحه معاه
طول اليوم واى حد بيشمها كأنه برفان