الموضوع: البارومة وما أدراك ما البارومة..........هل من حل يشفي غليلي منها؟

المشاركة الأصلية كتبت بواسطة د.محمود صلاح

بعض العربيات الحديثة معالجة ضد الصدأ ( البارومة )

على ماأظن يا دكتور دى العربيات إلى بتعدى الـ200 ألف جنيه مستريح أو الـ180 ألف
الباقى كله أة مقاوم للصدى لكنه مع الطين و المايا و الرمله هيصدى

المشاركة الأصلية كتبت بواسطة kaza

عربيات كتير بتنزل دلوقت الصاج بتاعها معالج ضدالصداء والمعالجة بتتم عن طريقين الاولي الفسفتة ودي بتتم بنقع جسم السيارة بعد التجميع في محلول بالكامل ويتم تجفيفه بالهواء قبل الدهان ودى الطريقة الشائعة في معظم صانعي السيارات والطريقة التانية اضافة الزنك للصاج وبيقال عليها الجلفنة وبتتم في بعض المصانع الاوروبية والامريكية وللعربيات الغالية شوية نسبيا ودى افضل لانها بتقاوم الصداء بطريقة افضل كتير عن السابقة وفيه بعض الصانعين بدأو باستخدام طرق تانية شأن اودي بدأت باستخدام الالومنيوم في الشاسية بالكامل امقاومتة الشديدة للصداء وخفة الوزن وصانعين تانيين زي رينو بدأو باستخدام البلاستيك في الاجزاء العرضة للصداء..طولت معلهش نيجي لافضل اسلوب لمقاومة البرومة في المحروسة واحنا عندنا نتفرد بالكم الهائل من الاتربة اللي بتتحول لطين لزج مع اي شوية مية واول خطوة في المقاومة النظافة ثم النظافة والمقصود المحافظة علي جسم السيارة خالي قدر الامكان من التراب والطين العالق بة الخطوة التانية استخدام الكارتيرات البلاستيك تحت الرفارف وعدم ازالتها لان اثناء تحرك السيارة العجل بيدور بسرعة عالية وما ادراك كم المقذوفات اللي بتخبط في جسم السيارة من حيث النوع والشكل والوزن وعلشان اقرب لك الصورة شوية برة فية اسلوب لازالة الدهان والصداء اسمة ساند بلاست اورش الرمل بضغط عالي لازالة البوية والصداء باستغلال خصائص الشكل الخادش لحبيبات الرمل في ازالة الدهان فتخيل من غير الكارتيرات تحت الرفارف شكلة اية غير بقي تجمعات الطيت الجميلة في الشاسية والمية واديلوا تفاعل ..بتبقي حاجة زي الفل ..بعد كدة استخدام الاندر كوت لدهان العربية من تحت وصبعا بعد ازالة تجمعات الطين والتاكد ام مافيش برومة تحت السطح المراد دهانة والمهم في الاندر كوت انة يكون القةدوام بتاعة زي الكاوتش او الربر يعني لوبقي لة فترة ونشف بيفلق ويربي برومة وبيبقي زي عدمة ..لازم يكون لين نسبيا ..فية مركبات قاتلة للصداء زى الرست ريموفر او الرست كيلر والوكساويل بس الحاجات دي بتيجي من الخارج ولسة فكر المستوردين في المحروسة ما وصلش للحاجات دي كذلك رجال الصناعة الطيبين محدش فكر يعمل الحاجات دى هنا وطبعا الحاجات دى بتوفر حماية اكيدة ضد البرومة و بتوقف البرومة حال تواجدها ..معلهش طولت بس حبيت اضيف حاجة يمكن تنفع

تسلم أيدك على الرد يا باشمهندس بجد رد مفصل و واضح و تفصيلى 100% و أنت والله خوفتنى أجيب عربيه أصلا ههههههههههههههههههههههههه ه
و ربنا يزيدك من الثقافه و العلم إن شاء الله (خيركم من تعلم العلم و علمه)

المشاركة الأصلية كتبت بواسطة ahit

هل يمكن إستخدام wd40 لإزالة الصدأ السطحى ؟؟؟

بص يا باشمهندس أستخدام الـwd40
دا بيمسح الصدأ السطحى الخفيف أوى و فى نفس الوقت لو فيه مفاصل و دهنتها كدة بتحميها من الصدأ أو بتحمى عمتا الأجسام المعدنيه القابلة للصدأ إلى بتخبط فى بعض كتير و أسهلها المفاصل لو أتعرضت لتراب أو طينه و هكذا
عندك برضة clr و عندك برضة lime away الأتنين دول بينضفوا الصدأ الخفيف برضة
و دا إلى بيستخدموه بتوع التلاجات و الفريزر لما بيصدى
لكن لو صدأ متمكن من الصاج نفسه يبقى الحل الأمثل تغيير الصاج عند سمكرى

فى حاجه الناس مش واخده بالها منها العربيه جديده معالجه ضدد الصدا ماشى اتفق معاك لكن مش معالجه العمر كله هى معالجه بين 5 سنوات لحد 15 سنه ودى بتختلف من عربيه للتانيه

وانسب حل للبارومه لو اكلت الصاج لازم تشيل الصاح وتلحم حته مكنها ومش مهم تمن العربيه ينزل او لا علشان لو معالجتهاش هتفضل تنشر زى السرطان بالظبط والعياذ بالله وبرضوا لما تيجى تبيع اللى هيشترى هيقولك دى فيها برومه وهينزل من السعر يعنى هى هى برضوا

بس للوقايه عامه ممكن رش بلاك اسود افريقى ده منتج ممتاز لحمايه اقول تانى لحمايه مش لعلاج العربيه من الصدا وده بردوا مهم جدا لو العربيه فيه حته صاج باينه مكان حادثه او خربوش

وطبعا متغسلش عربيه بخرطوم ميه مهما كان وهى كفايه فوطه مبلوله وخلاص

طيب أنا عندي حتة صغيرة جداً في طرف الرفرف ، وبصراحة مش عايز أروح لموضوع قص الصاج علشان الحتة دي ، بس أنا خايف من إنها تسرح ، أعمل فيها إيه
أصنفرها كويس وأدهنها بحاجة والا أعمل إيه بالضبط
أرجو الإفادة