الموضوع: إقتراح لتنمية المجتمع..(حملة نايل موتورز لردم الحفر)

المشاركة الأصلية كتبت بواسطة karim_monir

هو معنى ان ادارة المنتدى بتقوم على سياسة اصلاح المجتمع يبقى المنتدى هو اللي يعمل كل حاجة
طيب ليه مايكونش عندك انت تحرك ايجابي وتنزل وتتحرك
يعني عايز تقترح فكرة والمنتدى هو اللي يتحرك وينفذها؟!!!!
هو احنا ليه شاطرين قوي من ورا الكيبورد
طيب ماهي ادارة المنتدى اديتك تصريح انك تنزل وتتحرك باسمها
هو لازم كريم منير هو اللي ينزل ويتحرك
طيب لو مش فاضي او لو عندة مسئوليات تانية يعمل ايه
استاذ محمد(داماسري)اتحرك او واخونا يوكو ونزلو توكيل فيات بعد مااخدو تفويض مني انهم يتحركو باسم المنتدى وجابو عرض لاعضاء فيات كويس ومحترم
استاذ احمد من نيسان اخد تصريح انه يتحرك ويجيب عرض من نيسان
انت اقترحت اقتراح وانت شايف انك عايز تكون ايجابي في نقطة معينة
ليه عايز غيرك هو اللي يتحرك وينزل وينفذ
لو على شعار المنتدى
المنتدى ايدك واعطاك تصريح بالتحرك تحت لوائة ولو على اليافطة اعتبرها اتطبعت على حساب المنتدى وبتاييد ودعم كامل
ولو في مصاريف برضه للعربية والرمل والاسمنت المنتدى متكفل بيها
لكنك قولت في اخر جملة انك مش هاتتحرك خالص
طيب ده اسميه ايه !!!!!!!!!!!!!!!!
مين فينا اللي سلبي
لكن المنتدى مش كريم لوحدة اللي بيتحرك
تحياتي

على فكرة ده أسمه رد عدوانى و ده مش من حقك و حتى لو كنت صاحب المنتدى.... و أسمحلى أتقدم بشكوى فعليه ضدك...

المشاركة الأصلية كتبت بواسطة M.Alshafie

ايه يا جماعه اهدوا شويه كده و صلوا على النبى انتوا ليه حولتوا الموضوع لموضوع شخصى مع اننا عاوزين نعمل حاجه نفيد بيها المجتمع
مع احترامى ليك يا استاذ كريم و مع احترامى للاسماء اللى انت قلت عليهم و راحوا التوكيلات و جابوا العروض بس ده اسهل بكتير من اللى عاوز يعمله mhoss و اى ممكن يعمله لان مشواره محدد بمكان واحد بس بس من الاستحاله ان mhoss هينزل لوحده يعدى فى شوارع مصر كلها من غير حمله موسعه و بمساعده ناس كتير و لازم يكون فى حد من المنتدى عشان يبقى فى تنسيق و يكون بشكل رسمى لان انا ممكن ما اقابلش حد منكم خالص فى الحمله دى ممكن كل واحد يمسك منطقه اللى هو ساكن فيها مثلا لان هو اكتر واحد هيكون عارف حفرها و يعملها بالتنسيق مع حد من المنتدى بالتليفون
اللى انا اقصده ان التنفيذ ممكن يبقى علينا بس بتهيالى ان التنسيق و التخطيط لازم يكون على المنتدى او على الاقل على المنتدى و الاعضاء لان الموضوع كبير و استحاله واحد يقدر ينفذه لوحده
و تقبلوا تحياتى و اهدوا شويه و الموضوع محتاج تخطيط كويس

جزاك الله خيراً على توضيح الأمر....

المشاركة الأصلية كتبت بواسطة mhoss

على فكرة ده أسمه رد عدوانى و ده مش من حقك و حتى لو كنت صاحب المنتدى.... و أسمحلى أتقدم بشكوى فعليه ضدك...

معلش يا أخي الفاضل..الرد مش عدواني ولا حاجة..والأستاذ كريم عداه العيب تماما في الموضوع ده..هو حب يوصل رسالة معينة وأظن إنها وصلت بوضوح
الموضوع مش مسألة عقبات أمنية أو روتينية..بالعكس..المسألة إننا فعلا مش بنبذل مجهود حقيقي ونضحي بقدرما نتكلم
مفيش حاجة اسمها المنتدى يتحرك ويعمل ويخلي...المنتدى ده عبارة عن أعضاء ولهم مشاغل وليس بينهم علاقة إلزامية سوى ما يجودون به من أوقاتهم..فعشان ننفذ مشروع زي ده وعشرات المشاريع الأخرى الجيدة باسم المنتدى فلابد أن يتحرك الأعضاء جميعا وليس مجرد شخص أو أشخاص محدودة هي التي تتحمل العبء في كل المشاريع والتحركات
كريم هنا أعطاك صلاحيات ودعمك معنويا وماديا بدرجة ما فالمطلوب من حضرتك إذا كان عندك وقت تبتدي تتحرك وتعمل دعاية للموضوع في المنتدى وتلم الأعضاء ولو مش فاضي يبقى برضه تقول كده وتحث الأعضاء على التطوع من أجل المشروع
لكن - واعذرني- ردك هو اللي كان غير متوقع إطلاقا...ما توقعته منك هو التحرك الحقيقي الفعال دون انتظار

المشاركة الأصلية كتبت بواسطة بحري

معلش يا أخي الفاضل..الرد مش عدواني ولا حاجة..والأستاذ كريم عداه العيب تماما في الموضوع ده..هو حب يوصل رسالة معينة وأظن إنها وصلت بوضوح
الموضوع مش مسألة عقبات أمنية أو روتينية..بالعكس..المسألة إننا فعلا مش بنبذل مجهود حقيقي ونضحي بقدرما نتكلم
مفيش حاجة اسمها المنتدى يتحرك ويعمل ويخلي...المنتدى ده عبارة عن أعضاء ولهم مشاغل وليس بينهم علاقة إلزامية سوى ما يجودون به من أوقاتهم..فعشان ننفذ مشروع زي ده وعشرات المشاريع الأخرى الجيدة باسم المنتدى فلابد أن يتحرك الأعضاء جميعا وليس مجرد شخص أو أشخاص محدودة هي التي تتحمل العبء في كل المشاريع والتحركات
كريم هنا أعطاك صلاحيات ودعمك معنويا وماديا بدرجة ما فالمطلوب من حضرتك إذا كان عندك وقت تبتدي تتحرك وتعمل دعاية للموضوع في المنتدى وتلم الأعضاء ولو مش فاضي يبقى برضه تقول كده وتحث الأعضاء على التطوع من أجل المشروع
لكن - واعذرني- ردك هو اللي كان غير متوقع إطلاقا...ما توقعته منك هو التحرك الحقيقي الفعال دون انتظار

مع أحترامى لشخصك الفاضل بس أشم رائحة المجاملة من كلامك....و راجع رد العضو M.Alshafie

المشاركة الأصلية كتبت بواسطة mhoss

مع أحترامى لشخصك الفاضل بس أشتم رائحة المجاملة من كلامك....و راجع رد العضو m.alshafie

غفر الله لي ولك

المشاركة الأصلية كتبت بواسطة بحري

غفر الله لي ولك

أميييييييين و عذراً لو فهمت كلامى بالخطاء....و لا أبرىء نفسى...

و رد العضو M.Alshafie وضح الأمر أكتر من توضيحى له...
و رد الأستاذ كريم لا يصح أن يخرج من متحدث بإسم المنتدى....

المشاركة الأصلية كتبت بواسطة بحري

معلش يا أخي الفاضل..الرد مش عدواني ولا حاجة..والأستاذ كريم عداه العيب تماما في الموضوع ده..

توضيح بس لحضرتك كأخ عزيز أحبه فى الله

يعني عايز تقترح فكرة والمنتدى هو اللي يتحرك وينفذها؟!!!!
هو احنا ليه شاطرين قوي من ورا الكيبورد

ده مش هجوم و رد مش عدوانى....أنا أصلاً مطلبتش إن أقترح و حد هو اللى يتحرك و ينفذ و راجع مشاركاتى فى الموضوع...

و عذراً مرة أخرى...

المشاركة الأصلية كتبت بواسطة karim_monir

لكن ماتجبرنيش عشان انا صاحب المنتدى اني انزل معاك وانفذ معاك واتصل باعضاء وارتب معاهم انزل اجيبلك موافقات واخاطب جهات كتير من اول ادارات الطرق والكباري لغاية مسئولين الحي الخ الخ الخ
وتيجي انت تنزل شوية رمل في حفرة انت عانيت منها تبقى ايجابي وهمام



عايزني اتحرك عشان اجيب موافقات من كام الف جهة عشان اردم حفر في كام الف شارع وهاقابل كام مليون تعنت وسخافة بيروقراطية موظفين عشان اجيب التصاريح واما اكون سلبي والمنتدى مش بيأدي دورة

على فكرة ده خلط واضح للأمور و تلبيس على الناس...و تحميلى ما لم أقل...

هاتلى مشاركة واحدة أنى أجبرتك إنك تنزل و تجيب موافقات و تجمع أعضاء وأجى أنا أنزل شوية الرمل....
الكلام ده أنا قولته أو أقترحته فين....؟؟؟؟؟؟؟؟؟؟؟؟؟؟
ممكن دليل على الكلام ده ...مش قولتلك ده خلط للأمور...

على العموم مفيش مشاكل و كلنا أخوة و ربنا يغفر لنا و لكم...