الموضوع: إقتراح لتنمية المجتمع..(حملة نايل موتورز لردم الحفر)

هو احنا ليه اى حاجه كويسه بنحولها لاحاجه وحشه و تقلب بخناقه انتوا مش ملاحظين اننا سبنا الموضوع الاساسى دلوقت يا جماعه المفروض ان اى حد يقول اقتراح او فكره كويسه كلنا نشجعه عشان مصر تبقى احسن لان هو ده الحل فى الوقت الراهن و انا ما صدقت لقيت حد مؤمن بالمبدأ ده
بس احنا واضح اننا ناقصنا التنظيم اما لسه فى اول الموضوع و قلبت بخناقه انتوا متوقعين ان الحمله دى تكمل اشك بصراحه
و بالنسبه للاستاذ كريم انا فعلا بشكرك و بشكر المنتدى على مساهمتكم بالتكاليف و اليفط بس لازم يكون فى تنسيق ما بينكم و ما بين العضو اللى هينفذ انا ماقلتش ان لازم الاداره هى اللى تنزل و تنفذ لا طبعا يعنى احنا نقترح و انتوا تنزلوا تنفذوا و التكاليف عليكم كمان لا طبعا ده كده و لا الفانوس السحرى شبيك لبيك منتداك و بين ايديك احنا ناشر وو اللى يخطر فى بالنا انتوا تنفذوه ما حدش قال كده طبعا
بس انا كان كل كلامى ان لازم يكون فيه تنسق حتى لو بالتليفون و يا جماعه مش معنى ان mhoss اقترح فكره يبقى هو اللى لازم ينفها لوحده ليه هو مقترح لقاء مثلا لاعضاء المنتدى هو مش سوبر مان عشان يلف على الحفر يردمها لانها كتيره جدا و لا حصر لها و لاحتى الحمله كلها ممكن تعمل كده احنا هنحاول نقلل الخطير منها و بصراحه انا لو مكانه و هتقولولى انزل لوحدى اعمل المشروع ده هرفض طبعا و حط نفسك مكانه دى محتاجه مجهود خرافى تخيل انك بتصلح ما اتلفته الدوله و حتى لو انا فاضى و ماوراييش شغل مش معنى انى انا اقترح حاجه لازم انفذها لوحدى طب ما كان نفذها من غير ما يقول و خلاص يعنى معلش هو كان عامل موضوع عشان الكل يكتبله فكره حلوه و يارب تكمل و كلام من هذا القبيل
هو كريم باشا اقترح ان mhoss يبقى المشرف على الحمله دى و انا معاه فى الموضوع ده لكن لازم يكون فى اعضاء هو مشرف عليهم و لازم يكون فى تنسيق ما بينه و ما بين كريم حتى بالتليفون عشان يقوله مثلا هبعتلك العربيه فى المكان الفلانى او فى عربيه جاهزه ورانا شغل فين النهارده و mhoss بدوره يكلم اى حد اى يكتب هنا عن المعلومات دى و اللى عارف حفره مثلا ينسق معاه و ينزل يعملها
انا رايى الشخصى المتواضع جدا ان اى مشروع كبير لازم يكون فى تعاون مشترك و رايى ان كل واحد ممكن يمسك منطقه معينه و ارجح ان المنطقه دى اللى يكون ساكن فيها و يبقى مسؤول عنها و عشان يبقى فيه حاجه ايجابيه انا ساكن فى حدائق الاهرام يعنى ممكن ابقى مسئول عن المنطقه هناك بالهرم طبعا شفتوا انا دبست نفسى ازاى لان دى منطقه كبيره جدا و على فكره ده كلو عشانكوا عشان ماحدش يموت لا قدر الله او عربيته يحصلها بسبب مطب عشوائى واحد جابله شكارتين اسمنت و عملوا و خلاص او بلاعه او حفره و المفروض كمان اننا ندهن المطبات بالوان فسفوريه عشان نشوفها
انا اسف جدا للاطاله و ياريت تتقبلوا كلامى و مستنى مشاركتكم الايجابيه عشان الموضوع ده يكمل و ننسى المشكله اللى حصلت دى لانها حصلت بسبب سوء فهم مش اكتر و مشكور بجد يا كريم و انت كمان يا mhoss

خلاص يا mhoss الموضوع مش مستاهل كل ده و لا تقدم شكوى و لا حاجه هو كل الموضوع سوء فهم مش اكتر و لا شخصنه و لا حاجه من اللى انت بتتقولها دى و يا ريت تهدى كده و نطنش المشاكل الصغيره دى عشان الهدف الاكبر و هو الحمله بتاعتنا و ارجوك باه نرجع لموضوعنا الاساسى يا اما بكل اسف هكون منسحب
و ياريت يا كريم بيه ننسق باه للحمله دى و انا اهه قلت انا ساكن فين و مستعد ابقى مسؤول عن انهى منطقه ياريت اللى عاوز يشارك معانا يقدم اقتراحاتوا و يقول ممكن يقدم ايه و نسيبنا باه من المشاكل
و يا mhoss عايزين تقولنا اقتراحاتك