وصلة الaux للبرسونا أو الجين و فرق الأسعار الغريب (موضوع هام عشان محدش يضحك عليك)

**A. Ibrahim** · 20-04-2010 01:25 AM

مبروك يا سيدي انت بتزلنا و لا ايه

**M.almaghraby** · 20-04-2010 02:44 AM

ركبتها ب 75 للاسف عند كلاريون.....

مع انها خامتها مش الواو يعني!!

و لو ليك فالكهرباء شوية ممكن تعملها لو عندك الجاك الي من ناحية الكاسيت

**M.almaghraby** · 20-04-2010 02:53 AM

و بعدين يا عم هيثم مالك مهتم بالصوتيات كدا ليه!!

مانتا اصلا عندك mp3 فالكاسيت... انا مش بقر انا بحسد بس يا ماان ههههههههههههههههههههههههه ههههههههههه

اه صحيح يا جماعة محدش عنده كاسيت mp3 مش محتاجه :((

**أبومعاذ** · 20-04-2010 09:18 AM

المشاركة الأصلية كتبت بواسطة eslam_wega

وبردوا روحت جبيت الزنيون بى 350 وهو سعره 300 ونفس الماركة وعليه ضمان برضة ههههههههه .

أيه ده انت خلصت غسيل العربية

يا عم اسلام محدش بيتعلم ببلاش

**أبومعاذ** · 20-04-2010 11:04 AM

المشاركة الأصلية كتبت بواسطة Eng. Rafy Samy

معلش تعيش وتصرف يا غالي...
بس حقولك على حاجة مهمة (تخفف عنك الصدمة)
عندي في الواجا موضوع فك وتركيب الكونسول سهل واخونا العزيز مهاب عامل شرح تفصيلي بالصور لتركيب الوصلة وانا كنت بستخدمة وانا شغال

انما عندك في الجين 2 فك وتركيب الكاسيت اصعب كتير ومحتاج فنيين عارفين اماكن المسامير والكليبسات بتاعت الكونسول واشتغلوا بإديهم قبل كده... صح

فأنت دفعت ثمن الخبرة مش ثمن الوصلة

تقبل تحياتي اخي العزيز

طب يا باشمهندس رافي بما إنك جامد كدا في الحاجات دي أنا محتاج مساعدتك ..أنا بدور على الوصلة اللي في اللينكات دي:

Blaupunkt remote / phone adaptor

Blaupunkt ISO Y-Adapter, connect Bluetooth USB & Remote on eBay.ca (item 150125615839 end time 08-May-10 02:54:30 EDT)

Blaupunkt Stereo Bluetooth Telephone / Remote Splitter - eBay (item 170467840348 end time May-02-10 07:19:49 PDT)

ودي صورتها:

وهي فايدتها انها مشترك بتركب مكان المالتي فنكشن بحيث ان انا ممكن اركب جهاز تاني زيادة مع المالتي فنكشن ياريت لو تقدر تفيدني اجيبها منين وبكام و تسلم يا باشا

**MohabSaeed** · 21-04-2010 02:08 AM

مبروك يا باشا على الوصله , ماتنساش تقفل الشباك قبل ماتتكلم فى التلفون علاشان صوت الى بيكلمك بيطلع بره العربيه .

المشاركة الأصلية كتبت بواسطة Eng. Rafy Samy

الف مبروك على الوصلة
مش مهم الثمن المهم انك تستمتع بالعربية
بس انا حبيت اوضح اني ركبتها بنفسي واتكلفت 7 جنية مصري فقط لا غير ...

تقبل تحياتي

المشاركة الأصلية كتبت بواسطة أبومريم

اهي دي بقى صدمة جديدة

جبتها منين يا باشا بالسعر ده؟؟

لا يا باشمهندسين .. وصله الواجا مختلفه عن وصله الجين 2 و البيرسونا

الواجا الهيديونت بتاعها كلاريون و هما مسهلين الموضوع على الناس و عاملين مدخل ال AUX ب جاكات RCA .

ف الوصله ديه بتتباع عن اى محل الكترونيات باسعار تبدأ من 3 جنيه فيما فوق على حسب جوده الوصله .

انها الهيديونت فى الجين و البيرسونا " بلاوبونكت " مقعدين الموضوع و مخلين وصله ال AUX بفيشه مخصوصه ل البلاوبونكت فقط

فعلاشان كده مش متوافره فى محلات الالكترونيات زى وصله ال RCA و التوكيل بتاع كلاريون محتكر بيعها .

هى ليها حل عملى و رخيص بس لـ الى بيحب يشتغل بايده و عنده بعض المعرفه بالالكترونيات .

حنجيب وصله اوديو من اى نوع و نقطع طرف منها و نشترى ترمنات على قد البينات الى موجوده ورا فى الهيديونت بالظبط ...الوصله الاوديو فيها تلات اطراف ... طرف للسماعه الشمال , طرف للسماعه اليمين , طرف سالب .

حنشترى كاويه مضروبه ب 4 جنيه , بجنيه قصدير .... الحم الاطراف مع الترمنات... وصلها مع البينات المظبوطه " ليها صور على الانترنت " و اربط سلك ال AUX مع ضفيره الكاست ب شريط لحام ربطه كويسه علاشان السلك مايتشدش و الترمنات تتخلع من مكانها .

......بس بقى عندك وصله الAUX و بتكلفه اقل من 10 جنيه .

**Eng. Rafy Samy** · 21-04-2010 11:31 AM

المشاركة الأصلية كتبت بواسطة أبومريم

طب يا باشمهندس رافي بما إنك جامد كدا في الحاجات دي أنا محتاج مساعدتك ..أنا بدور على الوصلة اللي في اللينكات دي:

ودي صورتها:

وهي فايدتها انها مشترك بتركب مكان المالتي فنكشن بحيث ان انا ممكن اركب جهاز تاني زيادة مع المالتي فنكشن ياريت لو تقدر تفيدني اجيبها منين وبكام و تسلم يا باشا

أ/ ابو مريم
صدقني انا لا جامد ولا حاجة كل ما في الموضوع اني اتبعت كلام الاستاذ مهاب بالحرف الواحد وكنت بغش من الموضوع بتاعة... وهو في المشاركة اللي تحت وضح ان في فرق بين الوصلتين وده السبب في فرق السعر الكبير..
بالنسبة للوصلة اللي حضرتك بتسأل عليها انا حسأل عليها في كل حته لحد لما اجبلك كل المعلومات عنها
تقبل تحياتي

المشاركة الأصلية كتبت بواسطة mohabsaeed

.

حبيبي مهاب
شكراً جزيلاً على توضيحك للأمور.. انا كمان كنت مستغرب ليه فرق السعر ده وازاي الناس قبله بيه.. مش معقول انا الوحيد اللي بفهم قوي يعني..!! بس كده الصورة وضحت
تقبل تحياتي
حنتقابل قريب ان شاء الله.

**MohabSaeed** · 21-04-2010 04:35 PM

المشاركة الأصلية كتبت بواسطة jisso82

هوبة حبيبى ازيك و ايه أخبارك ؟
انت عارف إيه المشكلة فى الموضوع ده الناس اللى جوه العربية مش اللى بره

الحمد لله يا هيثم كلو تمام

معاك حق فعلا المشكله الاكبر لو معاك حد ... عن نفسى فى الحاله ديه بفصل التلفون و اتكلم .

المشاركة الأصلية كتبت بواسطة Eng. Rafy Samy

أ/ ابو مريم

حبيبي مهاب
شكراً جزيلاً على توضيحك للأمور.. انا كمان كنت مستغرب ليه فرق السعر ده وازاي الناس قبله بيه.. مش معقول انا الوحيد اللي بفهم قوي يعني..!! بس كده الصورة وضحت
تقبل تحياتي
حنتقابل قريب ان شاء الله.

العفو يا بشمهندس رفيق ... هو الاختلاف بس فى نوعيه الهيديونت . انا برده زمان كنت فاكر ان الهيديونت فى الجين2 بيركب عليه نفس الوصله ... بس بعد كده عرفت ان بلاوبونكت ليه فيشه مخصوصه " لزوم اجبار المستهلك على شراء وصله معينه " .
فى ميزه كمان فى الهيديونت الكلاريون الى فى الواجا الجديده ... انه مجهز باستقبال بلوتوث عن طريق وحده بتضاف عليه ... بس الصراحه مش عارف سعرها كام ... فى الحاله ديه ممكن نوصل الموبايل لاسلكى و نتكلم و نسمع الاغانى بدون الحاجه لوصله الAUX .

ان شاء الله نتقابل فى اقرب فرصه على خير .

-

-

الموضوع: وصلة الaux للبرسونا أو الجين و فرق الأسعار الغريب (موضوع هام عشان محدش يضحك عليك)

LinkBack

أدوات الموضوع

عرض

-

-

-

-

-

-

المواضيع المتشابهه

لو ماشى فى طريق بالليل لوحدك و طلع عليك موتوسيكلات عشان تثبتك وزنقت عليك هاتعمل ايه؟

حد عمل وصلة الaux فى الجين تو؟؟؟ سؤال هام جدا

سؤال فى وصلة الaux

إحسب القسط صح و ماتخليش حد يضحك عليك

الكلمات الدلالية لهذا الموضوع

المفضلات

المفضلات

ضوابط المشاركة