السلام عليكم ورحمة الله وبركاته...
انا النهارده جايب لكم هديه و هى برده من المنتدى بس حبيت الناس المحترمه فى قسم النيسان يشاركونى فيها و يقولولى رأيهم ايه..



معطر السياره.............

اكيد زهقتوا من التجارب اللى يقول الشجره و اللى يقول ال x و اللى يقول جليد و اسبراى و حتى معسل تفاح ( طبعا حرام لانك بتشجع الشركه و تزيد ربحها) .. من اول 5 جندى و انت طالع!!!



النهارده الصبح رحت لاحد محلات المنظفات المصنعه يدويا ( الصابون السائل و الشور جيل SHOWER GEL ) و لقيت عنده زجاجه من الزجاج الاخضرو مكتوب عليها ALPHA AROMATIC و هى 1 لتر و ب 25 جنيه و هى عباره عن اسنس يضاف الى الصابون السائل علشان ريحته تبقى جميله و هى بالتفاح و الخوخ و الليمون , و طبعا المحلات دى منتشره قوى و خصوصا فى المناطق الشعبيه.


لقيت عنده بالليمون قلتله هاتلى 100 مللى و حطهم لى فى كيس و دفعت 2.5 جنيه و لما روحت فضيت حوالى 5 مللى فى الفواحه الفخار اللى معلقها فى السياره و يا سيدى على الريحه القويه و الجميله ..... و صباح الليمون بقى و ملو الفو احه كده كلفنى 12.5 قرش فقط
وجربوا و ادعو لى


سبحانك اللهم وبحمدك ، أشهد أن لا إله إلا أنت أستغفرك وأتوب إليك