الموضوع: هديه .... و اكيد عندكم فكره عنها

الفكره أنا جربتها عندى من أكتر من 3 شهور و جبت لعربيتى فى الأول (و كان بريحة الخوخ - و بصراحه أحلاهم) .... و حطيتو فى الكيس بتاعه فى درج الجوانتى - اللى قدام الكرسى اللى جنب السواق - و بعدها بإسبوع جبت لوالدى و لأخويا و لزوج أختى ... إيشى بالليمون و إيشى بالتفاح ... لكن أعتقد إن الخوخ أحلاهم .... و ال(8/1) كيلو كان ب 3.5 جنيه و بتقول لبتوع الصابون السائل عايز ريحة صابون و لو قلت له غير كده م بيعرفش انت قصدك إيه .... لإنى كنت بسأل كتير و أقول عايز إسنس فواكه م كانش حد بيفهم عايز إيه ..... بس حصلت مشكله مره منه .... مش فاكر كنت عايز أحط حاجه فى درج الجوانتى ف شيلت الكيس و حطيته الدرج اللى بين الكرسيين الأماميين و نسيتو ... المهم بعد حوالى إسبوع حطيت حاجات فى الدرج و قفلته بقوه فالكيس فرقع و محتوياته إنفرغت فى الدرج .... بس طبعاً وضع السائل فى الفواحه أأمن و أشيك .... فكره جميله و غير مُكَلْفه

المشاركة الأصلية كتبت بواسطة hanyelrakhawy

الفكره أنا جربتها عندى من أكتر من 3 شهور و جبت لعربيتى فى الأول (و كان بريحة الخوخ - و بصراحه أحلاهم) .... و حطيتو فى الكيس بتاعه فى درج الجوانتى - اللى قدام الكرسى اللى جنب السواق - و بعدها بإسبوع جبت لوالدى و لأخويا و لزوج أختى ... إيشى بالليمون و إيشى بالتفاح ... لكن أعتقد إن الخوخ أحلاهم .... و ال(8/1) كيلو كان ب 3.5 جنيه و بتقول لبتوع الصابون السائل عايز ريحة صابون و لو قلت له غير كده م بيعرفش انت قصدك إيه .... لإنى كنت بسأل كتير و أقول عايز إسنس فواكه م كانش حد بيفهم عايز إيه ..... بس حصلت مشكله مره منه .... مش فاكر كنت عايز أحط حاجه فى درج الجوانتى ف شيلت الكيس و حطيته الدرج اللى بين الكرسيين الأماميين و نسيتو ... المهم بعد حوالى إسبوع حطيت حاجات فى الدرج و قفلته بقوه فالكيس فرقع و محتوياته إنفرغت فى الدرج .... بس طبعاً وضع السائل فى الفواحه أأمن و أشيك .... فكره جميله و غير مُكَلْفه

بصفتى كيميائى
احب افيدكم ان الروايح دى فيه احتمال كبير جداً ان يكون فيها خطورة على الصحة العامة فى حالة الاستنشاق لمدة طويلة لان واضح من الاسم alpha aromatics ان المادة تحتوى على الاروماتيك وترجمتها بالعربى العطريات ودى هيدروكربونات ذات روائح مميزة , وفيه منها مواد مسرطنه , عموما العطريات اساسا موجودة فى بنزين السيارات كمركبات اساسية مع الاخذ فى الاعتبار الا تزيد نسبتها عن 42 % طبقا للمواصفات المصرية , او 34 % طبقا للمواصفات الاوروبية , لانها مواد ضارة بيئيا وعليها محاذير بيئية شديدة .

المشاركة الأصلية كتبت بواسطة ahmediak

احنا كده احترنا هى ضاره ولا لأ فيا ريت تأكيك للمعلومات نستخدمها ولا....


و بعدين المعطرات التانيه مضره برده و لا لأ

انا لفت نظرى الاسم الفا اروماتيك فحبيت بس احذر لكن انا لا شوفتها قبل كده ولا غيره لكن الواجب التنبية
انما اى نوع من الاروماتيك الله اعلم ولا اى حد يعرف غير لما تتحلل
لكن الواضح ان الحاجات دى رخيصة ومش معروف اصلها ايه فبالتالى مقلقة وخصوصا انت حتستخدمها فترة طويلة فى العربية باستمرار وغالبا كمان حتلاقى اطفالك معاك فى العربية ,
المعطرات التانية انا فعلا معرفشى عنها حاجه .

على العموم انا ان شاء الله حبحث فى اصل الموضوع ده تانى شوية علشان ان شاء الله لو النوع ده آمن نبقى متاكدين تماما لان دى صحتنا وصحة اولادنا