أفيدوني جزاكم خيرا

**kabara** · 15-04-2010 10:49 AM

محتار بين نيسان صنيex manuel و الإلنترا علما بأنني سأشتري علي الزيرو ولا أستطيع الإختيار و كل من يملك إحداهما يشكر في سيارته و يستبعد الأخري و يعيب فيها علما بأنني لن أبيعها إلا بعد سنوات طويلة جدا أفيدوني بسرعة جزاكم الله خيرا لأنني سوف أشتري خلال أيام و ما هي عيوب كل منها ؟

**Ahmed.TV** · 15-04-2010 12:46 PM

ارشحلك النيسان صنى لوفرة عوامل الامان فيها ومراكز الخدمة المحترمة

**iskandranee** · 15-04-2010 01:26 PM

لو ناوى تبيع قريب 5 سنين تبقى الانترا
لو مش حتغير قريب يبقى الصنى
عشان سعر اعادة البيع
مختصر العربيتين زى الفل اتكل على الله

**mrsailor** · 15-04-2010 01:56 PM

المشاركة الأصلية كتبت بواسطة kabara

محتار بين نيسان صنيex manuel و الإلنترا علما بأنني سأشتري علي الزيرو ولا أستطيع الإختيار و كل من يملك إحداهما يشكر في سيارته و يستبعد الأخري و يعيب فيها علما بأنني لن أبيعها إلا بعد سنوات طويلة جدا أفيدوني بسرعة جزاكم الله خيرا لأنني سوف أشتري خلال أيام و ما هي عيوب كل منها ؟

خليك فى الانترا على الاقل مش تجميع مصرى .. و كمان عند اعادة البيع بتبقى ماسكة سعر كويس و مطلوبة
بس نصيحة اصبر علشان حاتغير شكل السنة اللى جاية يعنى الشكل الجديد نازل اخر السنة دى

**kabara** · 15-04-2010 01:58 PM

متشكر للرد السريع و لكن أرجو الإفادة أكثر و بالتفاصيل و ذكر العيوب و المميزات

**mrsailor** · 15-04-2010 02:08 PM

المشاركة الأصلية كتبت بواسطة kabara

متشكر للرد السريع و لكن أرجو الإفادة أكثر و بالتفاصيل و ذكر العيوب و المميزات

ممكن تدخل قسم المقارنات و حتلاقى مواضيع كتير عن السيارتين و متهيألى اللى ركيبهم ادرى بعيوبهم و مميزاتهم .. انا كان كلامى من وجهة نظر السوق و كمان من نقطة ان العربيات اللى متجمعة هنا مش اد كده نظرا لانعدام الضمير ..

**fady_anis** · 15-04-2010 02:39 PM

أرشحلك النيسان صنى
عربية يابانية
اعتمادية
قطع غيارها متوافره
قوية
ثابته على الطريق
وزى ما حضرتك عارف ان السلع اليابانيه عموماً سلع معمره على عكس الكورى

اتمنى اكون قدرت افيدك

**khela** · 15-04-2010 07:22 PM

المشاركة الأصلية كتبت بواسطة kabara

متشكر للرد السريع و لكن أرجو الإفادة أكثر و بالتفاصيل و ذكر العيوب و المميزات

راى النيسان اطول عمرا وافضل ........اليابانى افضل من الكورى وسيبك من موضوع التقفيل المصرى دة التقفيل زى الفل
ادخل على مشاركات سبعاوى فيها شرح وافى للصنى

**د.أحمد السعيد** · 15-04-2010 08:56 PM

السلام عليكم و
رحمة الله وبركاته
نصيحتى ليك النيسان لا تقل عن الالنترا بل اظن تزيد فى الاتى :الثبات و الامان و كونها يابانى
و عموما الكورى بدأ ينافس اليابانى ولكن اسأل أى حد هيقوللك اليابانى يابانى وعموما برده شوف مواضيع الاعضاء فى منتدى نيسان و شوف برده مش اغلب المواضيع مدح فيها علشان تجيب زيهم و لكن رأيهم محايد هتعرف ممزاتها و عيوبها و يا ريت حد منهم يرد عليك يكون جرب الاتنين وعموما صلى استخاره و ربنا يهديك للخير و اظن الطلب بدأ يزيد على الصنى فأظن ده مش من فراغ.
النيسان عربية محترمه اوى وعلى فكره فيها اوبشنز اكتر من الالنترا وخصوصاً لو جبتها كامله مانيوال بالabs ومتنساش انها يابانيه ولو كانت بإيدى مصرية

يا باشا اللى مقفل العربيه مش توكيل ...ده نيسان موتورز يعنى باشراف مباشر من نيسان و معنى هذا ان نيسان نفسها مشرفه على التقفيل فأظن ده برده مش زى العربيات اللى التوكيل بيقفلها وانا شايف ان تقفيل النيسان جيد .

و بعدين لو عايز مانيوال هات اللى فيها abs لو معاك فلوس و بعدين برده لو عاوز اللى مفيش كلام تانى بعدها هات النيسان تيدا لو فلوسك تسمح من 106000 الى 110000.

بالنسبه لعيوب الالنترا اسال حد جربها اما بالنسبه لعيوب النيسان فراجع المواضيع دى :

(فضفضة .......نيسانيه)http://www.nilemotors.net/Nile/135348-a.html

(ايه رأيكم فى سحب (تسارع) الصنى الاوتوماتك)http://www.nilemotors.net/Nile/135907-a.html

(صوت محرك الصني مرتفع جدا فوق ال100كم/ساعة ؟؟!!)http://www.nilemotors.net/Nile/135879-100.html

(اى استفسار فى النيسان انا موجود)http://www.nilemotors.net/Nile/114998-a.html
(بصراحه دى عيوب الصنى)http://www.nilemotors.net/Nile/134875-a.html

(ان شاء الله الصنى بس محتاج رايكم)http://www.nilemotors.net/Nile/134594-a.html

http://www.nilemotors.net/Nile/62667-a-10.html (استهلاك البنزين في الصني الاوتوماتك/ مانيوال)

http://www.nilemotors.net/Nile/24263-a-7.html (اسعار قطع الغيار للنيسان صنى بالتوكيل ...)

http://www.nilemotors.net/Nile/97769-a-4.html
(تقييم شامل للصنى بعد ثلاثة سنوات من الاستخدام)
http://www.nilemotors.net/Nile/2023-a-11.html

(ملامح عن اداء النسيان صانى)

و اخيرا ربنا يقدرلك ما فيه الخير

سبحانك اللهم وبحمدك ، أشهد أن لا إله إلا أنت أستغفرك وأتوب إليك