الموضوع: اخلص فيها ولا ايه.....؟

اولا واخيرا الف شكر انتم فعلا رجاله جدعان قوي قوي فوق الوصف
ثانيا نبدا الرد

المشاركة الأصلية كتبت بواسطة elshreef_hemo

- التابلوه ميحيرش ولا حاجة ، ممكن يكون ملمعه بأسبراى ويبان شكله جديد

ده جديد زياده عن اللزوم واضح ان العربيه ماكانتش بتمشي الا بالليل بس

- العربية طلما فابريكة من الداخل يبقى مفيش مشاكل ( متقلقش من التابلوه أو انها تكون مغيرة حاجة )
- أهم حاجة خلى بالك من الحاجات اللى سعرها غالى ، كبس الموتور ، حالة العفشة ، التكييف ثم التكييف ثم التكييف

معاك حق بس ازاي اختبر التكييف هو شغله كانت العربيه زي التلاجه بس المشكله ان الجو كان مغربيه ومش سخن

- الكيلو قليل ، بس بتحصل فى أحسن العائلات عادى ( ممكن تكون العربية ممشيتش كتير ) ، لو صاحبها جايبها وعايش بيها فى أسيوط من الزيرو يبقى الكيلو عادى يبقى قليل لأن أسيوط صغيرة ( مش زى القاهرة مثلا ممكن تعمل 3000 كيلو فى الشهر على شوارعها

دي ملاكي القاهره وجايبها مكتب عشان يبيعها في اسيوط ودالمحير

- الكاوتش طبيعى جدا انه يكون جديد ( دى ميزة مش عيب ) ، احسن ما يكون متبهدل وتغيره انت
- السعر على ما أعتقد من 48 ل 50 بس السوق بيقول مش أكتر من 50 الا أذا كانت حالة شاذة جدا وفابريكة من الاكصدام للأكصدام

طالب 55000

وفى النهاية أتمنى انى اكون أفدتك

اكيد واقبل تحياتي

المشاركة الأصلية كتبت بواسطة kareemz

نصيحة مادام العربية عاجباك و ناوى ان شاء الله تخلص فيها روح التوكيل لسببين:
1.تتطمن و تبقى واخد العربيه و انت مش قلقان
2. تعرف لو فى حاجه عايزة تتعمل فيها أو تتغير (تيل - سيور - حاجة فى العفشة) و امتى
و ربنا يباركلك فيها ان شاء الله

المشكله ان اسيوط مفيهاش فرع لتوكيل اوبل لكن في اكتر من ورشه لقياس الموتور بس مش عارف هل كلامهم ثقه ولا اخد فلوس ع الفاضي

المشاركة الأصلية كتبت بواسطة lancerevolution

بالحالة دلى لو طالب أقل من 45 بص عليها تانى دى تعمل 48 ل 50 ممكن تزيد
و بالنسبة لبلية الكاتينة فأنت كدا كدا هتغيرها هى و سير الكاتينة و السير العمومى و البوجيهات و الفلاتر أول ما هتاخدها يعنى فكك من بلية الكاتينة دى

طالب 55000 وممكن تنزل 53500 واكيد لازم اغير كل اللي قلت عليه حضرتك

المشاركة الأصلية كتبت بواسطة tamertamer

انا عايز اعرف 79 الف كيلو ازاى واضح طبعا ان احتمال كبير يكون مغير الطبلوة ولاعب فى العداد بنسبة تفوق 95% حتى تثبت العكس انت تخدها على التوكيل تعمل فحص كامل بالكلهات دية العربية ضغط المتور بتعها مش هيقل باى حال من الاحوال عن 11/13 غير كدة ملعوب فيها بس انت خدها التوكيل هيعملك كشف على كل حاجة عشان تتطمن واعملها صيانة 50 الف كيلو للمتور عشان تمشى مطمن

ياريت كنت في القاهره كنت علي الاقل لقيت حد من حضراتكم يقف معايا في العمليه دي وكنت عملت فحص شامل عليها وغيرت كل اللي حضراتكم قلتو عليه لكن اعمل ايه حاسس اني ضايع في الموضوع كده والمكتب لازم يكسب معنديش مانع يكسب بس ميدبحنيش في السعر
بصراحه انا في مرحله كلمه توديني وكلمه تجيبني خايف اسيبني منها ملقيش اختها وفعلا عربيه تحفه وخايف يشوفني مدلوق عليها يسوق فيها ويجيبني تحت عجلها
يارب رسيها علي خير

المشاركة الأصلية كتبت بواسطة hanykd

السلام عليكم ورحمة الله
أنا أتفق مع كل الناس اللى هنا واللى بتقولك لازم تكشف فى التوكيل قبل ماتخلص فى العربية
تكشف كشف شامل على العربية ودة مش غالى على ما أعتقد تقريباً 250 جنيه
عشان تبقى مطمئن ومستريح

أخوك فى الله هانى

اسيوط اسيوط هيه هيه
اخرنا ورش تصليح وممكن يبيعك لاي تاجر مهما كان الامر ثقه

المشاركة الأصلية كتبت بواسطة ibrahim hassan

واضح إنها عربيه بسم الله ما شاء الله بس برضوا متشتريش عميانى
إكشف عليها فى التوكيل وربنا يوفقك

نفس الكلام يا استاذ ابراهيم اخرنا ورش في اسيوط

المشاركة الأصلية كتبت بواسطة lancerevolution

ممكن تكون كانت مرفوعة و لو أسيوط صغير كدا زى شبين يبقى عادى انا فى وقت الذروة بقضى مشاويرى مشى العربية بتعمل ال 100 كيلو بالعافية فى أسبوع يوم لما أبقى مشيت

دي ملاكي القاهره وجاي يبعها في اسيوط تبع مكتب وفاضل في رخصتها 50 يوم تقريبا

المشاركة الأصلية كتبت بواسطة tananybasha

الأحتمالات كتيره بس ممكن عادى تكون عده كيلو قليل و نظافة التابلوه مش قصه بس راجع حد يكون امين سروجى و ميكانيكى و اكشف على التكييف السعر لن يقل عن 49- 50

مش متنازل عن 53500 وبيقولي ده فيها فرش جلد و4 فرد كاوتش ب 2000 جنيه ع الاقل

ايه رايكم يا رجاله