الموضوع: الخفايا المبهمه و دليل نجوم الرمرمه, فاست فود نايل موتورز!!!

لهواة الرمرمة زي حلاتي في مطعم بيبو في الساحل تضرب من هنا و تبقي بتدور علي حد يروحك
و في برضة كبدة البرنس في امبابة نحفة
و طبعا الشرقاوي بتاع الكبدة فروعة في كل حتة
و الي غاوي بقي مسامط و سمين الي عمري ما هحتة في بقي
في شكل في شبرا و في عربية تانية بقي بسمع عنها حكاوي اسمها "مجدي كلابو " بس ايه بيقولو عليه تحفة تضب منها و علي اقرب مستشفي

المشاركة الأصلية كتبت بواسطة ghazy12

يا خوفي لا تطلعي ناسيه ايدك اليمين اللي بتاكلي بيها فين :))

مبدئيا انت بتتكلمي عن نفس المكان اللي بتكلم عنه و هو مطعم ماي كوين في المهندسين

شوفي بقى, لما تبقى جايه من الهرم, و ماشيه في شارع السودان بتدخلي يمين على
شارع جامعة الدول... صح كده... بعد ما تدخلي جامعة الدول, المفروض ان المطعم
يكون على يمينك (على نفس الصف اللي ماشيه عليه), و تدخليله من حارة الخدمات

يبقى المفروض كده هو يمين ولا شماااال..؟؟؟؟؟؟؟؟؟؟؟ عروستي :e_braces[1]:

يبقى يمين يا فندم, و هو زي ما وصفتي بالظبط, بكشكه, و محله و بابا غنوجه

My queen ده علم من أعلام الرمرمه الخفااااااااااااقه... انساه ازااااي..!!!!

نشغل الــ gps ولا ايه..؟؟؟؟؟؟؟؟؟

المشاركة الأصلية كتبت بواسطة نور القمر

انت شككتني في نفسي
وبالرغم اني لسه متخيلاه شمال ولازم يوتيرن عشان اروحه
بس مش هقاوح كتير عشان انا معروف عني اني بلخبط الاتجاهات في بعضها وبضحك الناس عليا وممكن ابق بوصف لحد وصفة واقوله شمال وبشاور يمين بالرغم اني معلمة ايدي الشمال بحسنة في كفي :e_braces[1]:
بس لو روحت قريب هصور المكان والاعضاء تحكم بيننا
ولو طلعت انا صح هاخد منك 100 جنيه ولوطلعت انا غلط انت هتدفع 100 جنيه

بص يا شنوري بالنسبة للرمرمة
كنت مع سندريلا من يجي سنتين وشوفت جمبري في مطعم في ميدان الجيزة بتاع رمرمة ونفسي هفتني عليه واشترينا سندوتشات ومن ساعتها حرمت ولولا اني كنت واقعة من الجوع كنت رميته للقطط

مبدئياً انتو الاتنين بتتكلموا صح
لأن ماي كوين في اليمين وده اللي يقصده غازي
وأوتو ماركت في الشمال وده اللي تقصده نور

وللعلم لأني قديم في هذه المسألة
أوتو ماركت أول من اخترع الفشنكاح سنة 1997
لكن ماي كوين هو أول من اخترع فتة الكوارع بالشاورمة سنة 1996
يعني حقوق الملكية الفكرية للفشنكاح لأوتو ماركت