الموضوع: الخفايا المبهمه و دليل نجوم الرمرمه, فاست فود نايل موتورز!!!

المشاركة الأصلية كتبت بواسطة SHNORY

كان عندي محل قبل كده في منطقه شعبيه
وكان فيه مسمط اسمه الشيخ
بيعمل ساندويتشات
طبعا الساندويتش ب2 جنيه في رغيف عيش عربي (ابو نص جنيه دلوقتي)
اللي بيتعمل عيش ناشف ده
معرفش اسمه ايه بالظبط
وكان بيملالك الرغيف علي الاخر
وعلبه شوربه كوارع بنص جنيه
كنت ببعت الواد يشتريلنا واخليه يديله جنيه في علبه الشوربه وكانت بتيجي متلغمه
بس اهم حاجه وانت بتاكل ولا تبص علي اللي بيعوم في الشوربه
ولا تفتح الرغيف تشوف جواه ايه
فضلت سنه اكل من عنده لحد ما جابو ضرفه
----------------------------------
فتح واحد تاني جنب منه بس مكانش بنفس القوه والنتانه
----------------------------------
كبده ميمي وكبده الاتحاد السكندري الاتنين زي الفل ونضاف
مفيهمش اي نوع من انواع النتانه
---------------------------------
مره اكلت رغيف مشكل عند واحد برضه وكان بيشقط منه شمع
علي ما الدهنه توصل للارض بتتحول لماده شمعيه غريبه
----------------------------------
مطاعم الكشري والمكرونه والكبده اللي في دهاليز محطه مصر دخلتهم واحد واحد
واصحابي ضعاف الجسم كانو لما بياكلوا بيجيلهم تسمم بس علي خفيف
عيال تعبانه معرفش عايشين ليه
----------------------------------
صوريخ ده بتاع الشباب الفرفور هههههههههههه
اكلت من عنده ساندويتش صواريخ وكان ناقص شطه ومتبسطتش منه
----------------------------------
مسمط الشيخ في كرموز ناحيه المقابر كان تحفه واكلت عنده كذا مره
------------------------------------
عربيه ميمي اللي في بين صينيه الورديان وخفاجه برضه بيعمل نفس الرغيف اللي بيسقط شمع وكان تحفه
--------------------------------------
وكان فيه ميمي الي بيعمل حواوشي بعد الوكاله في الحضره وكان عنده عربيه مكرونه زي الفل
-----------------------------------
وواحد تاني برضه في الحضره بعد الفيلل الايطالي علطول بيعمل حواوشي جامد برضه
-------------------------------------
من ساعه بقي من نقلت للمحل الجديد ومفيش هنا مطاعم ملوثه وانا صحتي بتتدهور
واكل البيت تعبلي معدتي
لدرجه اني مره اكلت في البيت وبطني وجعتني وكنت حنزل المستشفي
ههههههههههههه اه والله كان يوم منيل
من كام يوم برضه روحت جيبت حواوشي باللحمه البلدي وبرضه عمليه الهضم متمتش في سلام
وكان من عند محمد حامد اشهر جزار في بحري
---------------------------------
فواضح ان الواحد لازم يرجع ياخد كورسات مكثفه علشان صحته تتظبط

دة أنا قريت 18 صفحة ااااكتر مشاااااااركة جبتااااااااااااااااالى تلبك معوووووى !!مابلكوووا لو كلت بقى !
اكتر حتت رمرمت فيهااااااا كانت فى شكل وبيبو ومحل بتااااااااع كبدة بلية فى سوور نادى مؤسسة وكبدة مرسيدس قريب من ميداان فيكتوريااااااا (عايز اعرف ترتيبى فى نااادى رمرمة دووولى)