والله يا جماعة انا الصليبة اساسا مكنتش موجودة لما كشفنا علي العربية ولم اجد لها اي دليل علي مكان وجودها
المهم نزلت النهاردة الحرفيين جبت شوية حاجات كدة
1- بدلت الدشمة النهاردة وجبت بدالها جوز مساعدين خلفي ودفعت فرق 300 جنيه ( المساعدين كده ب 500 جنيه ) من عند اوتو ستار
رحت بعد كده علي الخليل واشتريت من عنده
1- طنابير فرامل امامي نوع الماني ب 250 جندي
2- تيل فرامل كان فيه نوع ب 70 ونوع ب 100 جبت ابو 100 طلع تركي
3- خرطوم فرامل يمين وشمال طلع الواحد منهم ب 100 علشان الخرطوم اليمين كان طاقق ( مقطوع )
وبكده ناقص بس اوديها للبوهيجي يديها المعجون واوديها بعد كده للمكانيكي يزبط الدنيا قبل ما تخش الفرن ( اللي هيدهن الجزء السفلي للرفرف اليمين اللي بعد السوكة والإكصدام علشان اساسا كان عايز يترش )

اه سألت النهاردة بالنسبة للإسكورت 1300
1- ينفع تتقلب باور ويكلف بخراطة القاعدة بتاعته بالمصنعيه حوالي 1800 جنيه
2- ينفع يركبلها تكييف وهيكلف حوالي 2400 جنيه
3- اللي يحب يركب موتور 1600 زيتيك هيكلفه حوالي 8500 علشان بيتباع في الحاله دي النص كله بقواعده بالضفيرة بالكنترول والباور والتكييف يعني كامل مكمل
4- لو حبيت تركب زينون في العربية في نوع صيني بضمان سنه ب 480 جنيه عند الفنجري
5- لو حبيت تركب في الفوانيس عدسات علشان الزينون بتتكلف حوالي 1500 بالزينون ( عدسات مرسيدس كومبيروسر + طقم شفاف بدل زجاج الفوانيس + الزينون ) من عند الفنجري برضه ولو حبيت تركب رينجات بتكلف 150 كمان
واللهم اكون افدت الجميع
فيه حاجة كمان عرفت واحد ميكانيكي اسمه رمضان في الحرفيين راجل كان شغال في التوكيل 30 سنه وفتح ورشته الخاصة وسيبكم من اشرف والمسلمي علشان بيعملوا شغل
وعندكوا محمد فوده بتاع جراج جسر السويس بس ده ينفع في الحاجات البسيطة مش الكبيره
حمدي فورد اللي في مدينه نصر ميكانيكي مواتير وعمرات 100% بس مالهوش اوي في العفشة
قطب بتاع الضاهر راجل 100% بس بدأ يقلب الزباين علشان اتعرف والناس بتجيله من اخر الدنيا
المعلومات دي من خلال اسئلتي لبائعي قطع غيار الفورد المختلفين في الحرفيين ( اوتوستار - الخليل - الصفا - السكري ) والصرفي في جسر السويس

مراسلكم من الحرفيين
احمد