تقرير سريع عن ايديا بعد معاينه ربع ساعه

**romeo_6887** · 17-04-2010 03:33 PM

عديت علي صديق ليا والده عنده معرض عربيات مستعمله
( المنطقه الحره ربنا يخليهالنا )
فاتلاقيت عنده ايديا زيرو لونها احمر
فطبعا قعدت اتفرج عليها
من بره هي شبه الاتوس القديمه
( الصين شغاله نقش الله ينور )
يعني شلكها مش بطال
نخش بقي علي جوه
طبعا فتحت العربيه و قعدت في كرسي السواق
الصراحه شكل التابلوه مش بطال
بس خاماته مش قد كده طبعا
و الفتيس ملهوش كونسول
يعني طالع زي ال........* من الارض
( هو ليه كونسول صغير جدا و فيه حامل اكواب )
الطاره شكلها مش بطال برضه
بس باغه الكلاكس تحس انها متلصمه
( الله يخربيت التقفيل الصيني )
و ناشفه كده
و الكلاكس واااااااااااااااااااااااا اطي اخر حاجه
العربيه زواياها حلوه تتحفظ بسرعه
طبعا بعد ظبط المرايات و الكرسي
بس عمرك ما هتشوف الكبوت لو عملت قرد
و اماكن الزراير بتاعت التابلوه حلوه
دوست دبرياج كده
مش ناعم زي الكوري
و برضه الفتيس مش زي الكوري خالص
بس حلو كده ماسك نفسه
و العربيه فيها تكييف
و كاسيت شرايط بتاع بلاده ( شكله يقرف )
و العربيه شغاله عندنا تاكسي مقلتش لا
و صديقي قالي انها موتور سوزوكي
و عفشه هوندا ( ربنا يشفي )
المهم فتحت الكبوت
اتلاقيت ان حوض الموتور صغييييييييييييييييييييير جدا
( ربنا يكون في عون الميكانيكي اللي هيشتغل فيها )
بس اتلاقيت ان المحرك مربوط كده ب 4 مسامير قلاووظ مصدين
و المكنه عليها غبار
فصديقي بيقولي من السفر ( و ماله يا حبيبي )
انا الصراحه شايف ان العربيه مش بطاله
بس سعرها غالي شويه ( 46000 جنيه )
عليها عرض تقسيط
تدفع النص مقدم و تقسط النص الباقي
علي سنه من غير فوايد
يا رب اكون افدتكوا بحاجه

**romeo_6887** · 18-04-2010 05:13 PM

ايه يا شباب هو الموضوع تافه للدرجه دي

**AMA** · 18-04-2010 08:57 PM

لأ فى القسم الصينى هنا كله نايم ننا هووووووووووووو
مفيش إلا حوالى 4 بس هما إلى بيدخلوا أو حاجة زى كدة
بس سعرها بجد مبالغ فيه أوى على فكرة المفروض تكون بـ35 مثلا و الماروتى تكون بـ27 ألف كويس عليها والله دا بعد طبعا المكاسب إلى هتتاخد من الجمارك والضرايب و الوكلاء
لو تبص هتلاقى نصب من كل الأتجاهات من قبل الـ3 نصابين إلى قولت عليهم رغم أن سعر السيارة دى أدفع عمرى كله و أراهن بعمرى إنها لا تسوى فى بلدها سوى 18 ألف جنيه مصرى مش تقليل منها لكن دا سعرها