((الحمدلله علي كل حال)) : اتقلبت بالاكسل و اتكتبلي عمر جديد

**Beam28** · 18-04-2010 01:38 PM

الف حمد لله على سلامتك وانا مش عارف الناس ازاي في مصر بتجيب سرعات فوق الـ 120؟؟ انا ركبت عربيات كتير رخيصة وغالية وفي ولا واحدة منهم حسيت بالأمان بعد الـ 110 نتيجة طبيعة الطرق السيئة في مصر ربنا يكفينا الشر وإياكم وسلامات مرة أخرى

**mesho_kimi** · 18-04-2010 02:07 PM

حمد لله علي سلامتك الصحراوي ده على قد ما انا بطلع عليه كتير بس بكرهه بكل معني الكلمه بيطوروا فيه بقالهم سنين وباليل مفيش لمبة واحده تبقى ماشي فى عز الضلمه وتلاقى عربيه 128 فى الحاره اللى فى النص ماشي مطفي النور كله فى عز الضلمه ده تقوله ايه ، ده غير التحويلات الغريبه والعربيات اللى ماشيه شمال 80 و التريلات اللي ماشيه شمال وأوقات تبقي ماشي فى اليمين 100 وتلاقى واحد ابن حلال العربيه بتعوم منه ويلبس فى جنب عربيتك طريق زباله بكل معني الكلمه

**SPoOKy** · 18-04-2010 04:34 PM

حمدالله على سلامتك و انشاء الله تقوم بالسلامه انت و صحابك و ربنا يسترها معاك و معانا جميعا

**mynameh** · 18-04-2010 05:47 PM

الله يسلمكم جميعا و متشكر جدا لشعوركم

انا زي ما قولت فعلا كنت المفروض اكون اهدي شوية

وبرد فكرت اني اكبس فرامل جامد بس حسيت انها مستحيل تجمع و هخش في الراجل و اشيلة و خصوصا انو كان ماشي ببطيء اوي لدرجة تحس انو واقف مش ماشي انا تقديري انو مستحيل كان معدي 60 70 بالكتير اوي
لكن الحمدلله قدر و لطف