الموضوع: كل ما تريد أن تعرفة عن الباسات 2010 tsi 1.4 p1

ﻷ مش ٣ ألاف إذا كان التربو الستوك سواء في اللينيا أو الباسات معمول بمواصفات إنه يشتغل على الrpm القليل والتربو مبيزودش العزم بعد ال٤٥٠٠ وده واضح في منحنى عزم الموتورين (التي جيت والتي إس أي)

المشاركة الأصلية كتبت بواسطة Horsepower

كلامك صحيح إن التيربو بيشتغل عند rpm عالي ... إللي بيشتغل على rpm منخفض هو السوبرشارجر ... يعني تقدر تقول إن واحد بيسلم التاني مع تغيير ال rpm (السوبرشارجر بيسلم التيربو) ... والله أعلم.

معاك لكن ده لو تربو وسوبر مع بعض لكن الباسات والينيا تربو فقط
وكمان ده fixed geometric turbo وحجمة صغير يعني مصمم إنه يعمل spool بسرعة ويشتغل على rpm قليل على عكس عربيات السباقات الي بتبقى غالبا variable geometric وبيبقى حجمة كبير فبيحتاج عادم كبير عشان يعمل spool
يا ريت تكون الفكرة وضحت ولو محتاج أي تفاصيل زياده أنا تحت أمرك

المشاركة الأصلية كتبت بواسطة Horsepower

السلام عليكم,
صحيح العزم والقدرة بيزيدو مع وجود التيربو و بيزيدو أكتر مع وجود السوبرشارجر مع التيربو ... بس برضو لما تزود عدد تروس الحركة العزم بيزيد على كل غيار ... بمعنى لو فرضنا إن نفس العربية واحدة بها 7 تروس حركة و أخرى بها 4 ... ده معناه تقريبا إن كل ترسين في ال 7 بيوصلو لنفس قيمة العزم لترس واحد في ال 4 ... وبالتالي العزم على آخر الترس في ال 7 بيكون على rpm أكبر من ال rpm إللي بيكون موجود على منتصف الترس في ال 4 ... زي لما نعمل كيك داون العربية بتنزل غيار أو إتنين علشان تحقق عزم وقدرة أكبر على آخر الغيار عند عدد لفات كبيرة.
والله أعلم.

معاك لكن حضرتك خلط بين عزم الموتور الي ثابت على نفس الrpm في جميع النقلات وبين الgear ratio وده الي بيصمم الفتيس بيلعب فيه على حسب هو عاوز تسارع ولا سرعة قصوى لكن في فتيس الdsg عشان عنده ٧ تروس بيقدر ياخد الإتنين مع بعض لكن لو بسيط على أول ترس في ال٧ غيارات وال٥ هتلاقيهم غالبا قريبين من بعض والغيار ال٧ و٥ أخر غيار في الفتيسين غالبا هيكونوا قريبين من بعض وممكن زي الشوروكو يخلي ال٦ قد ال٥ في العربيات التانيه وال٧ بيقتل سحب الموتور في سبيل توفير البنزين

المشاركة الأصلية كتبت بواسطة Horsepower

أولا بجد أنا سعيد بالحوار ده مع واحد فاهم زيك يا محمد بيك,
إسمحلي بس أعلق على موضوع إن الباسات تيربو فقط ... شوف يا سيدي مواتير TSI دي إختصار (Twincharger (Turbocharger + Supercharger
والأثنين بيشتغلو مع بعض بالتبادل السوبرشارجر بيشتغل الأول على RPM منخفض و يسلم للسوبرشارجر على RPM أعلى و بيكون فيه Overlap الإتنين بيشتغلو مع بعض لضمان إن دائما يكون واحد فيهم شغال مع الموتور ... إللي حضرتك بتتكلم عليه ده ماتور ال TJet إللي في اللينيا و البرافو ... تيربوشارجر فقط بدون سوبرتشارجر.


صحيح عزم الموتور مع ال DSG ثابت من 1500 ل 4500 (مكنتش أعرف المعلومة دي إللا لما وضحهالي محمد بيك الشامي) ... بس بلاش ناخد ال DSG في المقارنة ... ده حاجة تانية فعلا ... لو بتقارن بين الجيربوكس الأوتوماتيك العادي ال 6 تروس مع الجيربوكس الأوتوماتيك ال4 تروس و نفس الكلام إللي العبد لله قاله هتلاقي فعلا كل ما عدد التروس زاد العزم المتوسط بيزيد لأن ببساطة بتقسط منحنى العزم على أجزاء أكتر لو لقيت رسمه ليها إن شاء الله أجيبها هنا.
ممكن نقارن بين ال DSG وال CVT جيربوكس ... عايزين نعرف مين أدائه أفضل من الآخر فعليا و ليه.

ال tsi ال١٢٢ حصان تربو فقط التربو وسوبر ال١٦٠ حصان!!!
وأما الdsg فأنا بتكلم على الgear ratio مش فكرة التشغيل
أما الفرق بين الdsg والcvt أنا بفضل الdsg ﻷكتر من سبب أولهم الفقد في الفتيس
أقل ثبات الrpm على عدد لفات عالي لفترة في حالة الشد مضر جدا للموتور
الcvt إستهلاكه نظريا أقل لكن مش بتاع شد وجري

المشاركة الأصلية كتبت بواسطة newcastle

طب وايه الفرق بين t-jet و ال tsi ويه الفرق بين برافو 120 البرافو 150 حصان من ناحية المواتير ويعني ايه cvt
معلش اصلي مجال شغلي بعيد عن الهندسه بس الحوار بينكم شدني

الفرق بينهم إن كل واحد من شركة لكن فكرتهم واحده تقريبا (إختلافات بسيطة)
الفرق بين البرافو ال١٢٠ وال١٥٠ التربو (حجمة مختلف) والecu (كومبيوتر العربيه)
أما الفتيس الcvt فهو فتيس بس من غير تروس عبارة عن إسطوانتين متركبين على بعض

أولا بجد أنا سعيد بالحوار ده مع واحد فاهم زيك يا محمد بيك,

انا أحمد مش محمد وبلاش بيه ديه لإني أصلا ٢١ سنه يعني صغنون

[youtube]http://www.youtube.com/watch?v=MhFK5gfAGpM[/youtube]