الموضوع: حمله على العفشه

ربنا يبركلك فى العفشة الجديد تدوبها فى الخير

تعيش يا كبير انا بعت العربيه النهارده للراجل يشتغل فيها و بعت المحامى يجدد الرخصه كمان علشان فى موضوع لذيذ السنه دى كلكم هتواجهوا لما تروحوا تجددوا لو اللوحات بتاعتكم حروف و ارقام لازم ترجعوا للمرور القديم علشان تصفوا المخالفات اللى على النمره القديمهو انا تبع مرور عين الصيره و المرور القديم مرور العجوزه يعنى مشوار مش لذيذ خالص ربنا يسهل و المحامى يخلصه النهارده و اجدد و تكون العربيه خلصت علشان انا راكب العربيه الصغيره حاليا و مش مبسوط خالص مع انها ماركتها جباره و كبيره جداً و انا اللى ماستاهلهاش و مش باتكلم على الدايو الجباره و لا باغلط فيها بس انا خدت على العربيات الالمانى التعبانه معلش فقرى بقى تقولوا ايه ( الكلام ده علشان محدش من اخواننا راكبى الكورى الجبار يزعلوا منى ) انا باعترف انى فقرى و غاوى عربيات تعبانه من الاول اهو .........و شكراً

الله يكرمك يا عم هانى تعيش انا مش واخد خاطرى و لا حاجه انا بافسر كلامى علشان ماحدش يزعل او يكون فى شبهه زعل حتى....................................... طبعا يا عم طنانى ارزاق و مقسمها الخلاق على العموم انا خلصت تجديد و اتعجنت فى 550 جنيه مخالفات و مش فاهم ايه معنى اللافته اللذيذه اللى كاتبينها عند نيابه المرور اللى بتقول ان المخالفات التى تظهر هى الحد الادنى للمخالفات و لا يجوز تخفيضها او تعديلها و على من يرغب فى الشكوى التقدم امام القاضى خلال 15 يوم ( العهده على الراوى اللى هو المحامى ) يعنى خلاص هنروح نشوف المخالفات و نقول امين على المبلغ و برضه سؤال تانى موضوع الكوسه المتمثل فى كارت من وكيل نيابه اللى كلنا كنا بنعمله اتلغى و الا لسه شغال ؟؟؟ عموماً قدر و لطف .