الموضوع: يتعمل ايه لما زوجتك بتخبط العربيه؟؟؟؟

المشاركة الأصلية كتبت بواسطة mazagangee

الحمدلله كل حوادثها بسيطة و مع الرصيف بس

أهم حاجة إنها كويسة و سليمة و مفيش حد حصله حاجة
و أنا منبه عليها هيه و إخواتي لو أي حاجة حصلت كاوتش فرقع منها أو خبطت عربية ترن عليا و أنا آجي أتصرف في الموضوع كل اللي مطلوب منها تقفل العربية كويس و تاخد تاكسي للمكان اللي كانت رايحاه و تنسى موضوع العربية خالص

تغور العربية و العربيات اللي حواليها كلها بس مفيش دمعة أو نقطة دم تنزل منها و لا واحد يكلمها كلمة مالهاش لازمة

+11111111111
هو دا كلام الناس العاقلين

هههههههههههههه فكرتونى بالذى مضى بس مش مع مراتى مره اختى اخدت العربيه فى المصيف العصر كدا علشان تلفلف شويه بقى وبعدين رجعتلى وقالتلى عمرو عايز اقولك حاجه بحنيه كدا وانا مش متعود كدا من اختى هههههههههه خير فيه ايه قالتلى لا بسيطه خالص عملت حادثه خفيفه خالص قولتلها فداكى ولا يمهك بس ايه اللى حصل قالتلى وانا ماشيه كنت هخبط واحدا بس الحمد لله فديته وخبط فى اتوبيس هههههههههههه يعنى كنت اخبط الراجل انا قولت اخبط الاتوبيس ارحم ههههههههههه عموما قولتلها حصل خير وبسيطه وقدر الله وماشاء فعل وعادى جدا نزلت بقى اشوف الخبطه البسيطه دى لقيت العربيه الربع اللى قدام الليمن مش موجود فانوس ورفرف واكسدام وحاجات كتير كدا مش موجوده اصلا وبعد ما صلحتها وخلاص عدت فضلت بقى كل شويه ماسكهالها يعنى كنت اخبط الراجل لا الاتوبيس ارحم حرام عليكى دمرتى العربيه ههههههههههههههههه
والمره التانيه مع صاحبتى كنت بعلمها السواقه فى حته فاضيه خالص فى المصيف برده فهيا سايقه وانا جمبها والدنيا جميله وواسعه جدا كل الناس بتتعلم فى الحته دى واسعه جدا زى مطار كدا المهم وهيا بتتعلم مش عارف ايه اللى حصل فى ثانيه داست بنزين جامد وحودت مره واحده ملحقتش اشد الهاند بريك لقيت العربيه فوق الرصيف سابت الدنيا الواسعه وخبطت فى الرصيف هههههههههههههه وعمود التيش بتاع العجله اليمين اتكسر ف الدركسيون كدا شكرا معدش يمين ولا شمال والعربيه باظت واتصلت بصحابى يجو ينقظونى ههههههههههه عطلان فى اخر الدنيا فى المصيف ههههههههههههه كنت بغلى والعربيه لسه زيرو موديل السنه اول خبطه ليها بس الحمد لله جبت واحد بتاع حديد لحم التيش لحد ما اشتريلها جديد تمشى بس العربيه كانت عجله حاوده يمين والتانيه شمال وانا كنت مدمر من المنظر دا كنت عاايز اولع فى صاحبتى هههههههههه ايه ذكريات الحمد لله انا مش متجوز كفايه كدا صدمات

لو باظت ممكن تغيرها و تستريح

المشاركة الأصلية كتبت بواسطة human12

لو باظت ممكن تغيرها و تستريح

مين فيهم.؟

المشاركة الأصلية كتبت بواسطة أبو حمزة

مين فيهم.؟ :e_braces[1]:

اللى انت فهمته :)

المشاركة الأصلية كتبت بواسطة human12

اللى انت فهمته :)

ماتودوناش في داهية بقى

المشاركة الأصلية كتبت بواسطة أبو حمزة

ماتودوناش في داهية بقى :e_braces[1]:

لازم تبعبر عن مشاعرك :)

العربيه لما تطلع عينك بتغيرها من غير مشاكل :)

اولا انا جايب ليها العربيه علشان اريحها من قرف المواصلات ومحاولة التخفيف على نفسى من مشاوير حماتى وما شابه وبرده انا اللى باصلح لو فيه حاجه لقدر الله
هو فعلا بيحصل معايا الكلام ده بس يعنلى يمكن 4 حوادث حتى الان فى عمر 6 سنوات سواقه ربنا يسترها ويحرسها يارب
فى كل حوادثها اول سؤال ليها انتى كويسه هل حد من الاولاد حصله حاجه طب خبطتى عربيه ولا بنى ادم وعمرى ما سالتها مين اللى غلطان لانه اللى يهمنى سلامتها وسلامة الاولاد وفداهم الدنيا والف عربيه المهم يبقوا حواليا بكامل صحتهم وبجمالهم ودفئهم كاسره