الموضوع: يتعمل ايه لما زوجتك بتخبط العربيه؟؟؟؟

عربيتى كوم ومراتى كوم تانى خالص

لما العربية تتصلح لمى هدومك وهدوم العيل وهدومى وعلى أمك ياأمينة

المشاركة الأصلية كتبت بواسطة ahmed4000

هو حضرتك متجوز؟؟؟؟؟
لا اظن لان كلام حضرتك غيره انه نظرى غير قابل للتطبيق

الحمد لله انا متزوج و عندى عبدالله و يوسف و الثالث جاى فى السكه (ادعيلى تكون بنت كفايه كده ولاد)

المشاركة الأصلية كتبت بواسطة ahmed4000

ولمكن بيتعامل مع العلاقة الزوجية انها شركة فيها جانب اصول وخصوم وليك وعليا وكل شريك ليه ارباحه محدش يقدر يقرب منها فى حين ان الحياة غير كده خالص

الحياة الزوجيه عباره عن رحله فى مركب عبر بحر الحياه
و المثل بيقول المركب اللى ليها ريسين تغرق و بالتالى فأنا ريس المركب (بحكم الشرع أولاً قبل حكم المجتمع) و الريس كلامه يمشى على ركاب المركب لانى اتربيت على كده من صغرى ان الراجل هو اللى يتحمل المسئولية و هو اللى كلمته تمشى فى البيت و هو اللى يحدد ايه اللى يحصل فى كل موقف و ازاى يتعامل معاه

المشاركة الأصلية كتبت بواسطة ahmed4000

وصدقنى لو حاولت تطبق الكلام ده حتتعب اوى وحتبقى الزوجة مظلومة فعلا

لو كان فيه تفاهم من الاول بين الزوج و الزوجة و اتفاق على كل التفاصيل من مرحله الخطوبة صدقنى الزوجه مش هتزعل من حاجه بالعكس لو فكرت فى كلامى كويس هتلاقى ان الزوجه هترتاح جداً

الأجازه دي جاي و في نفسي قرار جريء بتغيير العربية و بيع البطة و ترك الإختيار ليها مابين لينيا و شارك و هيه مقتنعة تماما بالبومة عشان جربتها بتاعة واحده صاحبتها و قعدت يا محترم أقنع فيها باللينيا أو الشارك
المهم تاني يوم نازل قلت أبص على العربية يمكن عايزة غيار زيت ظيط فرامل أي حاجة كده احتياطي و لفيت حوالين العربية لقيت الخبطة المعتادة المقررة اللي شكلها نازلة أوبشن في عربية مراتي فانوس الإشارة و الرفرف اليمين مخبوطين زي كل شهر و كل شهر و انت طيب
المهم دمي اتحرق و رحت طالع على طول ايه يا ستي اللي حصل ؟
طبعا هيه كانت ناسية خالص و افتكرت لما قلتلها العربية مخبوطة ( شفت حرق دم أكتر من كده ؟ ) قال ايه يا أخويا و هيه طالعة من الجراش مريم عيطت فهيه سابت العربية بترجع من غير ما تاخد بالها لحد ما خبطت الحيطة
مش تقف الأول و بعدين تشوف بنتها لآ تسيب العربية ماشية و تشوف بنتها الأول و بعدين لو افتكرت تبقى تشوف العربية راحت فين
طبعا أنا مش زعلان على الفانوس اللي اشتريته لحد دلوقتي 15 مرة من ساعة مااتجوزت لحد ما الراجل بتاع قطع الغيار بقى أول ما يشوفني يطلعلي طقم فوانيس اشارة من غير ما أطلب
أنا اللي هيجنني لما أغيرلها العربية اللي فانوسها ب 30 جنيه و أجيب عربية فانوسها مش أقل من 500 جنيه أعمل إيه زي ما يكون جابتلي عيل تاني
اسمه فانوس

طبعا كده مش هينفع نغير العربية الا لو حد يدلني على عربية فانوس الاشارة بتاعها مش أكتر من 30 جنيه أو عربية بتقفش فرامل أول ما المدام تسيب دواسة البنزين

المفروض الستات تقعد في البيت و لا تسوق و لا تشتغل
كفاية بقى الواحد بقى بيشتغل عند بتاع قطع الغيار و السمكري و البوهيجي عشان المدام بتحب تغير فوانيس كل شهر

المشاركة الأصلية كتبت بواسطة mazagangee

الأجازه دي جاي و في نفسي قرار جريء بتغيير العربية و بيع البطة و ترك الإختيار ليها مابين لينيا و شارك و هيه مقتنعة تماما بالبومة عشان جربتها بتاعة واحده صاحبتها و قعدت يا محترم أقنع فيها باللينيا أو الشارك
المهم تاني يوم نازل قلت أبص على العربية يمكن عايزة غيار زيت ظيط فرامل أي حاجة كده احتياطي و لفيت حوالين العربية لقيت الخبطة المعتادة المقررة اللي شكلها نازلة أوبشن في عربية مراتي فانوس الإشارة و الرفرف اليمين مخبوطين زي كل شهر و كل شهر و انت طيب
المهم دمي اتحرق و رحت طالع على طول ايه يا ستي اللي حصل ؟
طبعا هيه كانت ناسية خالص و افتكرت لما قلتلها العربية مخبوطة ( شفت حرق دم أكتر من كده ؟ ) قال ايه يا أخويا و هيه طالعة من الجراش مريم عيطت فهيه سابت العربية بترجع من غير ما تاخد بالها لحد ما خبطت الحيطة
مش تقف الأول و بعدين تشوف بنتها لآ تسيب العربية ماشية و تشوف بنتها الأول و بعدين لو افتكرت تبقى تشوف العربية راحت فين
طبعا أنا مش زعلان على الفانوس اللي اشتريته لحد دلوقتي 15 مرة من ساعة مااتجوزت لحد ما الراجل بتاع قطع الغيار بقى أول ما يشوفني يطلعلي طقم فوانيس اشارة من غير ما أطلب
أنا اللي هيجنني لما أغيرلها العربية اللي فانوسها ب 30 جنيه و أجيب عربية فانوسها مش أقل من 500 جنيه أعمل إيه زي ما يكون جابتلي عيل تاني
اسمه فانوس

طبعا كده مش هينفع نغير العربية الا لو حد يدلني على عربية فانوس الاشارة بتاعها مش أكتر من 30 جنيه أو عربية بتقفش فرامل أول ما المدام تسيب دواسة البنزين

المفروض الستات تقعد في البيت و لا تسوق و لا تشتغل
كفاية بقى الواحد بقى بيشتغل عند بتاع قطع الغيار و السمكري و البوهيجي عشان المدام بتحب تغير فوانيس كل شهر

وانت تغير العربيه ليه؟!!
كويسه اوى البطه
و بعدين انت دمك بيتحرك فى فانوس ب30 تخيل احساسك فى حته بخمسميه عشان فانوس باشا

انا مراتى سولت ليها نفسها ان هيه تتعلم
قلتلها ليه؟!! تقولى عشان ابقى اخد العربيه قلتلها وانا اركب ايه؟!! قالتلى روح الشغل فى اتوبيس الشغل
قلتلها من عينيا الاتنين
بس انتى بتخافى قالتلى لا قلتلها طيب و كل مانبقى ماشيين فى شارع زحمه اققوم ملزق العربيه فى وسط العربيات و اقولها شوفى كده تعملى هكذا و تمشى كده طبعا الطريق مرعب و هيه تقولى لا انا لو حد كسر عليا كده هسيب العربيه - قلتلها ليه السواقه سهله جدا بيس اوف كيك -
فهيع مقتنعه دلوقتى ان هيا مش هتستحمل السواقه فى البلد ديه
و طبعا الموضوع ده ليه النيجاتيف بتاعه انك بتبقى جوز الهانم و سواق الهانم و سواق البيه الصغير كمان و سواق الجيران و سواق الغبره كمان