الموضوع: سؤال لملاك الجميلة سيراتو عن الهدوء و صوت الماتور

شوف أنا مش راكب sx
بس الى أعرفه حاجه
أن شكمان الكوبيه هو الى صوته ديفل كدا
مش الsx
هذا والله أعلم
المنتدى مليان بملاك الsx كلها حبتين ويردوا عليك :)

بص يا باشا طول ما انت معدتش 120 صوت الماتور عادي
لكن لما بتقلبها استيب ترونيك صوت الموتور بيعلي طبعا و بيبقي رياضي
ولو قافل الشباك لا هتسمع عند 120 ولا فوقيها ولا تحتيها سواء مشغل الكاسيت او لأ

الصوت فعلا مش بيبان لما تقفل الشباك

المشاركة الأصلية كتبت بواسطة SAMEHNOSHI

متشكر يا باشا على الرد, طيب لحد ما ملاك ال sx يردو ممكن تقولى هدوء الكابينة عامل اية معاك فى ال ex؟؟

بص الزواوى معاه هاى لاين وقال الكلام الى أى مالك لأى فئه للنيو سيراتو عارفه
يبقى تقريبا كلامى صح أن الكوبيه بس هى الى بتعمل صوت ديفل
أنا كمان فاكر تقرير نادر نبيل عن الكوبيه أنه علق على صوت الشكمان وأنه مش شكل بس زى بقيت الفئات
خصوصا أن نادر ركب الsx فى التقييم المعروف من رجال المنتدى
لكن للتأكد أكثر وأكثر نستنى بردو ملاك الsx والهاى لاين والكوبيه كمان يأكدوا كلامى

بخصوص سؤالك عن الex
العربيه تقفيلها ممتاز بدرجه كبيره طالما مزودتش عن 120
ويقل عزل الصوت "صوت المتور مش أصوات الشارع" الى جيد جدا بعد ال120
يعنى لو سواقتك هاديه ومعظمها مدن يبقى مش هتسمع صوت المتور خالص
لو بتشد أو بتسافر كتير وبتعدى ال120 دائما هتسمع صوت المتور
مش بالشكل المزعج ولا صوته وحش
هو صوته حلو للى بيحب هدير المحركات لكن فى ناس زيك كدا مش بيحبوا اى صوت
فى المجمل العربيه عزل صوتالمتور فيها ممتاز تحت 120 جيد جدا فوق ال120

المشاركة الأصلية كتبت بواسطة samehnoshi

متشكر على رد حضرتك...انا بتكلم على السرعات الهادية داخل البلد, يعنى فى السرعات تحت 100 هل لما تقرص على الماتور(من غير كيك داون) بيبقى مش مسموع خالص؟؟؟ يعنى هادى زى الالنترا ولا بتسمعة زى الفيرنا؟؟ و هل فى فرق بين sx و ex فى النقطة دى؟؟

عاوز افهم حاجه بس مش مقتنع بيها في كلامك يعني ايه تقرص من غير كيك داون علشان اعرف ارد بس عليك