قياديون بـ (الوطني): مصر قد تحارب في أفريقيا من أجل مياه النيل

**Dr Zezo** · 27-04-2010 02:12 AM

المشاركة الأصلية كتبت بواسطة SeiffoZ

الكلام ده كله غلط ..

مقاتلات الإف-16 موجودة فى 6 قواعد عسكرية فقط لا غير ...

مصر مافيهاش ميج-29 بسبب الضغوط الأمريكية

طائرات السوخوى 35 فى روسيا مدخلتش الخدمة أصلا هناك!!! إزاى هتجيلنا ؟؟؟

مافيش طائرات ياك 130 فى مصر ...

مافيش كلام عن الرافال ده كان مجرد معلومات إن مصر هتشتريها بتمويل إماراتي ... و لحد دلوقتى مافيش حاجة عن الكلام ده ..

نسخ طائرات الإف-16 عند إسرائيل أقوى من طائرات الإف-16 المصرية بسبب نوعية التسليح

مافيش طائرات ثندر بيرد فى مصر ... كلام فاضى

بالضبط كده

التقرير ملئ ملئ بالمغالطات تحديدا في تسليح القوات الجوية

و استغربت فعلا كون هذا الخبر منشور في موقع قناة العربية التي من المفترض ان تتحري الدقة فيما تنشر من اخبار لكن الدهشة زالت عندما قرأت ان المقال مستمد من ويكبيديا و مراكز دراسات استراتيجية علي الانترنت

و إن كان أصلا لو فى حرب هتكون جوية أنا مش هنزل أحتل أنا هضربلهم سدودهم و مشروعاتهم جويا و بحريا ... القوات البرية مش هدخلها .. حتى لو دخلت هتبقى مجرد فرق صغيرة نازلة لمهمة محددة و ترجع تانى بعد متخلص .

الله ينور عليك

**AirForces** · 27-04-2010 11:20 AM

بمناسبة الحديث عن القوات الجوية حبيت اشارككم الفيديوهين دول مش عارف كان الأفضل اعملهم فى موضوع منفصل ولا كدا احسن
[youtube]http://www.youtube.com/watch?v=6AlsW_Xx3dg[/youtube]

دى محاكاة لمعركة جوية يوم 16 فبراير 1973 بين طيار مصرى بطيارته ميج -21 وطيار إسرائيلى بميراج طبعا فى فرق شاسع بين التكنولوجيا فى الطيارتين ومعركة زى دى الميج شبه مستحيل تكسب فيها

كان الحديث ملتهبا بحماس هذا الرجل و الذي يفوق حماسا و حبا للوطن عن حب الابن لامه ، و بعد دقائق من الحوار فتحت موضوع كثيرون يعرفونه و غاضبين منه ألا و هو الفيلم الذي انتجته قناه متخصصه في القتال الجوي تحت اسم CRAZY EGYPTIAN PILOT و تم وضعه على موقع الانترنت YOUTUBE
و الذي يصور معركة جوية حدثت في شهر أكتوبر عام 73 بين طيار مصري و آخر إسرائيلي و قام الطيار المصري بمناورة جريئه جدا طبقا للوصف الاسرائيلي لكنها فشلت و مات الطيار في النهايه لتحسب انتصارا للطيار الاسرائيلي ، و إذ باللواء احمد كمال المنصوري يضحك بسخرية و يسألنا هل تودون مقابله الطيار المصري الذي شارك في تلك المعركه ؟؟؟ سؤال صدمه ما بعدها صدمه لنا.
فانا واحد من الذين انبهروا بدقه اخراج هذا الفيلم و عرضه علي موقع عالمي واسع الانتشار بالاضافه الي ان شهاده الطيار الاسرائيلي بجرأه الطيار المصري و كفاءته كانت عاليه لكن الطيار الاسرائيلي كان الافضل ولدت لدينا احساس بان القصه حقيقيه حتي النخاع, لكني وقعت فريسة لإعلام الصهيونية مرة أخري و تناولت السم في طبق الحلوي كعادة و العرب.
ضحك الرجل من انبهارنا بسؤاله و انطلقت أسئلتنا سريعا لكن خفف من سرعتنا بضحكه متواضعه قائلا
(( الطيار المجنون ده اللي في الفيلم اسمه حسن سالم الرافعي و هسمعك صوته بعد قليل ، و أنا كنت قائده في الاشتباك ده ، حسن طار معايا 52 طلعه عمليات في حرب اكتوبر 73 و مازال حي يرزق حتي الان ))
ثم استطرد غير مبالي بدهشتنا البالغه مما نسمعه (( المناورة دي احنا اخترعناها و تدربنا عليها كتير جدا جدا ، و نستخدمها لما يكون الموقف صعب ومش قادر تفلت من الطيار الاسرائيلي ، في الاشتباك ده يوم 24 اكتوبر 73 كنا فوق الثغرة و الطيارة اللي في الفيلم خذ بالك من المثلثات البرتقاليه اللي علي الجناح ، دي علامات جنوب افريقيا – المهم ان المناورة دي لها ثلاث نتائج محققه اولها ان الطيار الاسرائيلي يرشق في الارض او ان الطيار المصري يفلت من الطيار الاسرائيلي و يركب ذيله أو أن الطيار المصري يرشق في الارض ، لكن اللي الاسرائيليين لم يعرفوه اننا تعلمنا من الطيارين الباكستانيين في سوريا تكتيك الطيران بسرعه صفر وده هما فوجئوا بيه في حرب اكتوبر و عملنا بيه نتائج كويسه جدا جدا ، المناورة دي كنا مسمينها في السرب مناورة الموت و كنا متدربين عليها كويس جدا جدا لدرجه اننا كنا بنفذها ليلا يعني و الدنيا كحل و محدش شايف حاجه ، وحسن الرافعي عايش ويقدر يحكي لكم عليها بالتفصيل )) الرسالة واضحة وضوح الشمس فالمناورة مصريه و ليست مناورة يأس كما صورها لنا الفيلم و الطيار المصري حي يرزق و قد استمعت إلي صوته يصف تلك المعركه في تسجيل صوتي من عام 1973 و لم يمت كما صور الفيلم.

**AirForces** · 27-04-2010 11:22 AM

ودا استعراض رائع للقوات الجوية بس للأسف ملقيتش غير اللينك دا
http://www.facebook.com/video/video....3054967&ref=mf

**hobiko** · 27-04-2010 11:48 AM

المشاركة الأصلية كتبت بواسطة SeiffoZ

الكلام ده كله غلط ..

مقاتلات الإف-16 موجودة فى 6 قواعد عسكرية فقط لا غير ...

مصر مافيهاش ميج-29 بسبب الضغوط الأمريكية

طائرات السوخوى 35 فى روسيا مدخلتش الخدمة أصلا هناك!!! إزاى هتجيلنا ؟؟؟

مافيش طائرات ياك 130 فى مصر ...

مافيش كلام عن الرافال ده كان مجرد معلومات إن مصر هتشتريها بتمويل إماراتي ... و لحد دلوقتى مافيش حاجة عن الكلام ده ..

نسخ طائرات الإف-16 عند إسرائيل أقوى من طائرات الإف-16 المصرية بسبب نوعية التسليح

مافيش طائرات ثندر بيرد فى مصر ... كلام فاضى

المشاركة الأصلية كتبت بواسطة SeiffoZ

ليا كام تعليق ... الجيش المصرى ليه ميزانية ملهاش علاقة بالإقتصاد .. (طبعا تفرق الدولة قوية ولا إقتصاديا ) بس بتكلم على إن القوات المسلحة قادرة على دخول الحرب بميزانيتها الخاصة لفترة زمنية محددة .

فى بعض الوحدات المصرية مجهزة للقتال فى الأدغال ... أعرف ضباط جيش كتير بعثات فى أمريكا كلها قتال فى الغابات ... و إن كان أصلا لو فى حرب هتكون جوية أنا مش هنزل أحتل أنا هضربلهم سدودهم و مشروعاتهم جويا و بحريا ... القوات البرية مش هدخلها .. حتى لو دخلت هتبقى مجرد فرق صغيرة نازلة لمهمة محددة و ترجع تانى بعد متخلص .

الجيش التانى و التالت مش هينسحبوا لأن الحرب هتكون ضربات عسكرية مركزة و ليست حرب شاملة .

دعم سعودى إماراتى هيكون موجود أولهم توفير التمويل و تزويد الطائرات بالوقود جوا ...

خامسا .. الدبلوماسية أفضل ... سعر القنابل المحملة على الطائرة الواحدة ممكن أشتري بيهم 5000 رأس عجل أثيوبى و أأكل شعبى ... و أبقى إستفدت بالفلوس إللى كده كده دافعها ... و حافظت على إقتصادى و حالة الدولة من الإنهاك للقوات المسلحة ..

مظنش إن فى حرب هتحصل ... و لو حصلت مجرد ضربات جوية بحرية على السدود و المشاريع على النيل .. و بعض القيادات ...

واضح يا فندم من كلامك و من توقيعك إن حضرتك بتشتغل في المجال العسكري و بالتحديد في السلاح الجوي

كلام حضرتك واضح إنو دقيق و صح دة غير موضوع إن احنا ضربنا بالفعل قبل كدة سد اثيوبي بالطيران

أنا مش طالب من حضرتك أي معلومات سرية طبعاً

بس ربنا يخليك

طمني على حالة الجيش

احنا فعلاً نقدر نضرب سدود أثيوبيا بالطيران ولا احنا كدة خلاص الإقتصاد باظ و الصحة باظت و التعليم باظ و الخارجية باظت و كمان أنا أسف ....... الجيش باظ

ولا لأ الجيش بتاعنا قادر و قوي

الله يخليك تطمني لحسن أنا حاسس إن مفيش حاجة في البلد دي كويسة و الإكتئاب و اليأس تحولو لعيل عمال يغظني و يطلعلي لسانو

**Karim_Mohy** · 27-04-2010 12:24 PM

المشاركة الأصلية كتبت بواسطة AirForces

أوضح الدكتور مفيد شهاب وزير الشؤون القانونية والمجالس النيابية أن مصر لن توقع على الاتفاق الإطاري إلا في حالة وجود نص صريح يحافظ على حقوقها، وأن يتضمن الاتفاق الخطوات الخاصة بالإخطار المسبق عن أي مشروعات مائية على مجرى النهر، وعدم تعديل مواد الإطار إلا بالأغلبية مع إعطاء مصر والسودان حق الفيتو.

المصدر: صحيفة القدس العربي، مصراوي.

مش ناقص غير المية

طب انت قلت في الاول ان اللي هايحاول يغير في منسوب المياه هاترد بالطريقة اللي شايفها

ترجع بعد كده تقول اعملوا المشاريع والموافقة تكون باغلبية.......وتدخل نفسك في حوارات كل يوم

يا رب يكون الانذار ده يكون حقيقي مش كلام في الهوا.......ليكون رادع قوي

**Dr Zezo** · 27-04-2010 04:18 PM

المشاركة الأصلية كتبت بواسطة hobiko

واضح يا فندم من كلامك و من توقيعك إن حضرتك بتشتغل في المجال العسكري و بالتحديد في السلاح الجوي

كلام حضرتك واضح إنو دقيق و صح دة غير موضوع إن احنا ضربنا بالفعل قبل كدة سد اثيوبي بالطيران

أنا مش طالب من حضرتك أي معلومات سرية طبعاً

بس ربنا يخليك

طمني على حالة الجيش

احنا فعلاً نقدر نضرب سدود أثيوبيا بالطيران ولا احنا كدة خلاص الإقتصاد باظ و الصحة باظت و التعليم باظ و الخارجية باظت و كمان أنا أسف ....... الجيش باظ

ولا لأ الجيش بتاعنا قادر و قوي

الله يخليك تطمني لحسن أنا حاسس إن مفيش حاجة في البلد دي كويسة و الإكتئاب و اليأس تحولو لعيل عمال يغظني و يطلعلي لسانو

طبعا انا عارف ان الاستفسار مش موجه ليا

بس موضوع استعداد اي دولة في العالم الثالث للحرب افضل ما قيل فيه هو قول الراحل ابو غزالة - رحمة الله عليه - في استنباطه للدروس المستفادة من الحرب العراقية الايرانية

" و الدرس الذي يمكن استنباطه هنا ان فاعلية القوات المسلحة في دول العالم الثالث مثلها في ذلك مثل باقي دول العالم يجب الحكم عليها علي اساس التقييم الدقيق لأسلوب و طبيعة القيادة العامة. و بافتراض ان قوة الجيوش تتوقف علي حجمها و معداتها و اسلحتها و مستوي التدريب و مستوي الاحتراف الذي يتمتع بها الافراد فإن ذلك لا يمكن تطبيقه بسهولة علي الدول التي يتدخل فيها المدنيون السياسيون تدخلا مباشرا و مستمرا في كل الانشطة العسكرية علي جميع المستويات. و هذه حقيقة واقعة في الدول التي يسيطر فيها حكم الفرد او مجموعة من الافراد كما انها حقيقة واقعة في كثير من الدول لدي قياداتها السياسية و قواتها المسلحة خبرة في ادارة حروب ذات مستوي كبير . فتحت هذه الظروف و الاحوال قد يؤدي تدخل الصفوة من القيادات الي نسف فاعلية القوات المسلحة و تقليل كفاءة سلسلة القيادة بصورة مؤثرة. فالمبدأ القائل أنه اذا بدأت الحرب فأنه تترك للجنرالات ادارتها و ليس للسياسين مبدأ سليم."

**human** · 27-04-2010 04:23 PM

معلش

الحروب فى وقتنا ده اللى يديرها سياسين مش عسكريين و العسكريين بيديروا المعارك بس الحرب فى وقتنا هذا وضع مختلاف

بس المشكله ان مافيش اصلا سياسين فيه سيس بس

**Dr Zezo** · 27-04-2010 05:57 PM

المشاركة الأصلية كتبت بواسطة human12

معلش

الحروب فى وقتنا ده اللى يديرها سياسين مش عسكريين و العسكريين بيديروا المعارك بس الحرب فى وقتنا هذا وضع مختلاف

بس المشكله ان مافيش اصلا سياسين فيه سيس بس

معلش انا فهمت من خلال رد لحضرتك في موضوع اخر انك تقصد ان السياسين الان في بعض الدول الاوربية يتولون مناصب مثل وزارة الدفاع

لكن منصب وزير الدفاع منصب سياسي اكثر منه عسكري و من يتحكم في اي جيش هو رئيس الاركان

و كلام ابوزغزالة واضح و مدلل عليه عبر الحروب القديمة و حتي الحديثة

اصلا عبارته هذه كانت في ختام كتاب الفه عن الحرب العراقية الايرانية و كيف ان العراق رغم حداثة الاسلحة التي يمتلكها و كثرتها مقابل قدم سلاح الجيش الايراني لم يستطع التغلب علي خصمه سريعا

و السبب التدخل القيادي لصدام - و هو اصلا رجل عسكري !!!- الذي افسد كثيرا من خطط العراق و ادي الي اطالة امد المعركة

الاعداد و التخطيط و التنفيذ لأي حرب هي مهمة العسكريين فقط لا غير

و اخر حقيقة يمكن استنباطها من قول ابوغزالة ان العبرة ليست بمدي حداثة الاسلحة و تطورها بل العبرة بالتخطيط ايضا و التنفيذ ضمن منظومة مؤسسية

بص حضرتك كفاية كده لأن ممكن يستحدث قانون جديد يسمي 9 د

يمنع الحديث في الموضوعات العسكرية

**hobiko** · 27-04-2010 09:58 PM

المشاركة الأصلية كتبت بواسطة airforces

ودا استعراض رائع للقوات الجوية بس للأسف ملقيتش غير اللينك دا
Anmelden | Facebook

الإستعراض رائع فعلاً و اخراجه متميز

شكراً على الفيديو و أيوة كدة إرفعو من روحنا المعنوية شوية

**SeiffoZ** · 28-04-2010 02:24 AM

المشاركة الأصلية كتبت بواسطة hobiko

واضح يا فندم من كلامك و من توقيعك إن حضرتك بتشتغل في المجال العسكري و بالتحديد في السلاح الجوي

كلام حضرتك واضح إنو دقيق و صح دة غير موضوع إن احنا ضربنا بالفعل قبل كدة سد اثيوبي بالطيران

أنا مش طالب من حضرتك أي معلومات سرية طبعاً

بس ربنا يخليك

طمني على حالة الجيش

احنا فعلاً نقدر نضرب سدود أثيوبيا بالطيران ولا احنا كدة خلاص الإقتصاد باظ و الصحة باظت و التعليم باظ و الخارجية باظت و كمان أنا أسف ....... الجيش باظ

ولا لأ الجيش بتاعنا قادر و قوي

الله يخليك تطمني لحسن أنا حاسس إن مفيش حاجة في البلد دي كويسة و الإكتئاب و اليأس تحولو لعيل عمال يغظني و يطلعلي لسانو

خلينا بمبدأ إن أى حرب مكلفة ... و أى حرب مهما كانت نتائجها ليها خسائر ..

و أحيانا بتكون الخسائر لا تعوض بسهولة ...

أبسط حاجة عن الخسائر هو الطيار ... إللى إعداده بيستغرق 5 سنين تدريب ..

و أصلا الطيار المقاتل ده عمله نادرة .. صعب ألاقيه ... فمش هخاطر بيه إلا لو كان ده الحل الوحيد

بمعنى ... إن لو إفترضنا إن مصر هتقوم بضربة عسكرية ضد أثيوبيا ..

فمصر لن تحارب أثيوبيا و لن تشغل نفسها بتدمير أثيوبيا ... لسببين ..

1- أولهم العامل الإقتصادى ... و هو تقليل التكاليف فالضربات العسكرية هتكون موجهة ضد

المشروعات على النيل فقط .. و هيتم إستهدافها ليلا لتقليل الخسائر البشرية . و

أيضا لتفادى وسائل الدفاع الجوى الأثيوبى ..

2- هو السمعة فى الأوساط الدولية و فى أفريقيا عامة .. إن مصر تضرب البنية التحتية الأثيوبية

و توقع خسائر بشرية وسط المدنين ده شئ مش مقبول فى المجتمع الدولى و ممكن يترتب عليه

مشاكل سياسية , ثانيا مش من أخلاق العرب بصفة عامة قتل الأبرياء .

فكرة إنى أقدر أضرب سدود أثيوبية ... مش هينفع إحنا لوحدنا .. لسبب هام جدا .. و هو إن

الأهداف (أثيوبيا و أريتريا و الدول الأفريقية) بعيدة ... و المدى القتالى لطائرات الإف-16 مايكفيش إنى أضرب السد و يرجع تانى (ده لو إفترضنا إن الطائرات مقالبتش وسائل معادية )

فيأما هنضطر لإستخدام قواعد عسكرية سودانية (و ده الأرجح لان السودان فى صفنا لأنها فى نفس الخطر معانا ) .. أو طائرات تزود بالوقود جوا تابعة لسلاح الجو السعودى ..

الجيش المصرى فى حد ذاته قادر على القتال داخل أرضه ... ده بالنسبة لحالة البلد الإقتصادية الضعيفة حاليا ... يعنى إن شاء الله مافيش حد يقدر يدخل جوا مصر ... ( لكن إن الجيش يخرج برا مصر صعب) .. القوات المسلحة مش معتاده على حرب من النوع ده ... فإستبعاد تماما إن القوات البرية تخرج من الأراضى المصرية .. خصوصا إن ملهاش مكاسب فعلية تستحق المخاطرة ..

و فى نقطة أحب أزودها إن الجندى المصري بيظهر وقت الشدة ... فعلا ..