الموضوع: ما الفائده الحقيقيه من وراء تقويه أرضي البطاريه ؟

نراجه تانى

فرق الجهد = التيار فى المقاومه

المقاومه بالنسبه للاجهزه ثابته و فرق الجهد يقل يبقى التيار يقل
و ده يأثر على الجهاز

و جميل جدا تشبيه الكهربا باfluids

فى الحاله ديه بيبقى فرق الجهد هو الضغط و ال flow هوه التيار و المقاومه هيه الاحتكاك

ده كلام سليم وأتفق معاك بخصوصه

ماتزعلشى منى انا مش متعود ادتخل فى الشروحات التقنيه

بالعكس دا أنا سعيد بتعليقك هذا

على الأقل ....يا أنا حستفيد
يا أنت ستستفيد

بس اعتقد ان الاجابه ممكن تكون مختلفه بعض الشئ او حضرتك بسطها خالص

أنا فعلا بسطها خالص لأبعد الحدود ...بس غير مقتنع للأن بحيود تفسيرى عن المنطق والمضمون الكهربى السليم
لسريان التيار الكهربى من النوع الثابت وذهابه الى المستهلكات

الارضى ده اللى المفروض ground zero
هوه مافيش حد بيوصل عند زيرو بس بنحاول تقرب

بتبقى الrefrence اللى بنقيص عليه

ده مش أرضى بمعنى أرضى
ولكنه بيمثل القطب السالب فى دواير التيار المستمر

ده بيأدى ان يحصل داون فى اداء الاجهزه الكهربيه و تلاقى حاجات تبوظ او مش تشتغل صح

زى الارضى بتاع العماره لما بيحفروله بير عشان تبقى تقطه الجرواند زيرو

فيه أختلاف بين كهرباء المنازل
وكهرباء السياره

فكهرباء السياره .....من النوع الثابث كما نعرف

ولكى يحدث مرور سلس وسريع عبر الخطوط تحت تأثير الجهد الكهربى ( زى علو الضغط فى ميكانيكا الموائع ) يجب من توافر قطبين موجب وسالب يعملان بحاله جيده

القطب الموجب ....وده بنأخده من البطاريه أو الدينامو ( حسب المكنه شغاله ولا لا )

القطب السالب بناخده من الأتصال بين سالب البطاريه وجسم السياره

ورفع كفاءته بتكون من خلال التقويه المطروحه فى الموضوع

لو أردنا تنفيذ ذلك ....مع وجود قلق ملفت للنظر فى الآداء الكهربى للسياره عامة


_____________________________


أما فى كهرباء المنازل فمفيش سالب وموجب

هى فقط فرده كهرباء 220 فولت ....وفرده neutral بيتم أخذها

من مولدات ال380 فولت ذات التيار المتغير ( delta connections )

يعنى مفيش قطب سالب

ومرور التيار الى الأجهزه الكهربيه بيعتمد على كونه متعرج ( فى صورة منحنى جيبى كمانعرف )


_________________________


أتمنى لو فيه حاجه فى كلامى مش صحيحه علميا تعلق عليها
من أجل وضع الأمور فى نصابها الصحيح

طيب ليه سواقين النقل بيدلدلوا سلسلة للأرض من عربياتهم ؟

حلوه وملعوبه

أعتقد وبنسبه كبيره

لتفريغ أى شحنه كهربيه قد تكون زائده عن المطلوب الى الأرض

نظرا لأن الحاجه لتيار كهربى كبير فى محركات الديزل مش مطلوب زى محركات السيارات

نظرا لعدم وجود دوائر أشعال فى محركات الأشعال بالضغط ( التى تعمل بوقود السولار )


لأن أكيد المارش عندهم كبير عن بتاع سيارات الركوب وبالتالى البطاريه أو البطاريتين ( حسب الوضع أكبر )

مما يعنى وجود دينامو بسعه كهربيه كبيره ( لزوم البطاريات الكبيره )

وبعد مابتتشحن بيبقى فيه فائض من خرج الدينامو مش مطلوب
وبيضطروا يعملوا قصة السلسله دى


لأن السقا بعد ماحيفرق الميه حيتبقى ميه معاه فى القربه ومش معقول يرجع بيها وهو شايلها على كتفه تانى


حيروح دالقها على الأرض من خلال السلسله

_____________________________

أتمنى تكون المحكمه أخدت بالها مما أعنيه فى محركات الديزل

علشان حكمها يبقى معقول ومتشركناش