لوجان بعد سنة 3 شهور دراسة

**best2010** · 24-04-2010 03:18 PM

المشاركة الأصلية كتبت بواسطة zkralla

بصراحه مفجاءه أنا كنت فاكرك مستلم من زمان
عموما الف الف مبروك ياباشا
بخصوص السحب السحب هيبدأ 4 يفرق معاك بعد 500 كيلو للاحسن وبعد ال 1000 هيبقى تمام

العربية كانت عجبانى وكنت مقرر اشتريها علشان كده كنت تحس انى معايا واحدة فعلاً .. وانا كنت هاستلم فى يناير لكن أجلت الحجز بسبب سعر المراية اللى تعبنى نفسياً وقلت استنى شوية لحد ما سعرها ينزل !!

عموماً الله يبارك فيك يا باشا ودايماً منور قسم اللوجان بمشاركاتك الجميلة والمفيدة

انا واثق ان السحب هايتحسن .. ده لأنى واثق فيكم وده اللى قاله اكتر من عضو

**best2010** · 24-04-2010 03:24 PM

المشاركة الأصلية كتبت بواسطة osamafarouk

الف الف مبروك وربنا يبارلك فيها ويكفيك شرها
المهم يا بطل عايزين تقارير باستمرار عن حالتها معاك ومزياها وعيوبها بامانه هه ................لأني انا باذن الله هاشتري سيارة ومحتار بين الساجا الاتوماتيك 68000 واللوجان 67000
لان هي دي امكانياتي فيا ريت ممكن تفدني اكون شاكر ليك

الله يبارك فيك يا باشا متشكر جداً ليك
يا باشا انا تحت امرك فى اى حاجة وان شاء الله هاوافيكم بأى جديد معايا .. ولو ان السادة الأعضاء المحترمين ما سابوش كبيرة وصغيرة الا ودرسوها فى اللوجان وانا حالياً كل ما اكتشف حاجة فى العربية افتكر انى ذاكرتها قبل كده فى نايل موتورز .. يعنى تقدر تقول انا دلوقتى براجع اللى قريته ..

- الحقيقة انا ما اعرفش حاجة عن الساجا وناس بتشكر فيها .. وانا شخصياً فكرت فيها شوية لكن مش كتير لأنها مش منتشرة ودى حاجة قلقتنى .. غير انى مقتنع باللوجان .. وعلى فكرة اللوجان الكاملة سعرها 68 مش 67

**best2010** · 24-04-2010 03:34 PM

المشاركة الأصلية كتبت بواسطة hamadamdph

الف الف الف مبروك

وخد بقى حاجات عمرها ما اتقالت:
1. وانت في المرور بترخص خلي العربية بعيدة عن اماكن الناس عشان طوب الارض حيعملها مكتب ويسند على شنطتها لانها حتكون اعلى شنطة عربية فمريحة في الكتابة !!!
انا كنت حخنق الناس بعد ما لقيت بقعة حبر على الشنطة انما الحمد لله اتشالت بسرعة

2. ياريت لو تشمع العربية
انا عربيتي برضه فضي وحتستريح اوي من التراب
بغسلها كل 10 ايام وبس حتى مبلمعهاش

3. هات دواسات كبيرة عشان جبت دواسات ب 90 جنيه وحسيت انها مش كاسية الارض عشان اللوجان ماشاء الله واسعة

ولو افتكرت حاجه ثانية حقولها لك

- الله يبارك فى حضرتك يا دكتور
- ان شاء الله هاروح يوم الأتنين اطلع شهادة البيانات وبعدها هاطلع على المرور ارخص .. يا رب الحق .. وهاعمل بالنصيحة طبعاً ..
- التشميع انا مش عارف ما مدى عمليته خصوصاً فى فصل الصيف .. يا ريت تقولى تجربتك او اللينك لو كان الموضوع ده اتكلمت فيه او احد الأعضاء قبل كده ..

- كلام حضرتك صحيح 100% صاحبى جابلى دواسات هدية ولما حطيتها فى العربية لقيتها صغيرة ولما قلتله قالى دا كان فيه اكنز من كده وانا جبتلك العريض

**best2010** · 24-04-2010 03:38 PM

المشاركة الأصلية كتبت بواسطة nomercy22

الف مبروووووووووووك يا وحش

طيب اسمح لى انى اقولك ميرسى .. الله يبارك فيك يا باشا متشكر جداً لذوقك

**amrdiab** · 24-04-2010 05:25 PM

الف مبروك يا بسوته يا جميل علي استلام عروستك ربنا يفرحك بيها ويملاها بركه ويديك خيرها ويكفيك شرها
بس في الوقت اللي استلمت فيه عربيتك انا بعت عربيتي
ربنا يكرمك ويحافظ عليك

**Egyzizo** · 24-04-2010 05:32 PM

في الوقت اللي استلمت فيه عربيتك انا بعت عربيتي

ويا رب تلاقى المواصفات وخدمة ما بعد البيع اللى فى بالك فى عربيتك الجديدة ان شاء الله مع صعوبة هذه المهمة فى مصرنا العزيزة

**amrdiab** · 24-04-2010 05:41 PM

المشاركة الأصلية كتبت بواسطة Egyzizo

ويا رب تلاقى المواصفات وخدمة ما بعد البيع اللى فى بالك فى عربيتك الجديدة ان شاء الله مع صعوبة هذه المهمة فى مصرنا العزيزة

زيزو يا جامد لا تزعل ولا تستغرب
الكل سواء يمكن انا من النوع اللي لما يضايق بيعمل حركات جريئه لكن ربنا يحفظنا اولا واخيرا وكلكم اخواتي اللي اتعلمت منكم كتييير قوي فوق الوصف واسمحولي اني ابقي اعمل مشاركات علي قدي في قسمكم الجميل

**DOCTORBADRAN** · 24-04-2010 05:52 PM

1000 مبروك وربنا يعطيك خيرها و يكفيك شرها

**zkralla** · 24-04-2010 08:32 PM

المشاركة الأصلية كتبت بواسطة amrdiab

الف مبروك يا بسوته يا جميل علي استلام عروستك ربنا يفرحك بيها ويملاها بركه ويديك خيرها ويكفيك شرها

بس في الوقت اللي استلمت فيه عربيتك انا بعت عربيتي
ربنا يكرمك ويحافظ عليك

ليه بس كده يا محمود والله اتصدمت
عموما الف مبروك عليك العربيه الجديده وتمشى بيها دايما فى الخير
وهقفل الكمبيوتر عشان اتضايقت

**amrdiab** · 24-04-2010 10:42 PM

المشاركة الأصلية كتبت بواسطة zkralla

ليه بس كده يا محمود والله اتصدمت
عموما الف مبروك عليك العربيه الجديده وتمشى بيها دايما فى الخير
وهقفل الكمبيوتر عشان اتضايقت

اخويا وحبيبي وحبيب الكل هاني
ماعاش اللي يضايقك مع ان هو ده اللي متوقع من شخص جميل زيك انا بالفعل كنت ساعات بكتب الموضوع وبستني ردك عليه عشان اتعلم من اخ فاضل وصديق يستحق الاحترام مثله مثل كل اعضاء المنتدي الرائع نايل موتورز والقسم الوقور قسم رينو
واحب اطمنكم انتم في بالي

الموضوع: لوجان بعد سنة 3 شهور دراسة

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

50 الف 10الاف كل 6 شهور مع التخليقى- دلوقتى 5 الاف كل 6 شهور اغير معدنى ولا لأ?.

هل ؟ -------- دراسة للأوضاع

دراسة لاتخاذ قرار شراء الرينو لوجان 2011 ارجو التعاون .

طلب دراسة جدوى ...

الكلمات الدلالية لهذا الموضوع

المفضلات

المفضلات

ضوابط المشاركة