الموضوع: لوجان بعد سنة 3 شهور دراسة

المشاركة الأصلية كتبت بواسطة amrdiab

الف مبروك يا بسوته يا جميل علي استلام عروستك ربنا يفرحك بيها ويملاها بركه ويديك خيرها ويكفيك شرها
بس في الوقت اللي استلمت فيه عربيتك انا بعت عربيتي
ربنا يكرمك ويحافظ عليك

حبيبى الفنان الكبير ..
الله يبارك فيك .. ويبارك لك فى عربيتك الجديدة .. بس يا ريت نعرف اسباب بيعك للعربية .. هل لأنها نقلة للأمام ام لأنك اتخنقت من اللوجان ؟؟؟
وبصراحة انا مش متخيل شكل منتدى رينو من غيرك .. بعد اذنك اياك تغيب عنا بمشاركاتك ومناوشاتك اللى عاملة جو جميل
وعلى فكرة انا هابتدى ادخل على قسم اوبل من دلوقتى علشانك بس يا ريس

المشاركة الأصلية كتبت بواسطة doctorbadran

1000 مبروك وربنا يعطيك خيرها و يكفيك شرها

الله يبارك فى حضرتك يا دكتور .. متشكر جداً ليك

الف الف الف الف مبروك بجد :) الف مبروووووووووووووك :)

المشاركة الأصلية كتبت بواسطة bishoy02010

الف الف الف الف مبروك بجد :) الف مبروووووووووووووك :)

الله يبارك فيك يا بيشو .. فينك يا راجل مختفى فين بقالك فترة ..
دا انا ابتديت اشك انك بعت لوجى انت كمان

المشاركة الأصلية كتبت بواسطة best2010

الله يبارك فيك يا بيشو .. فينك يا راجل مختفى فين بقالك فترة ..
دا انا ابتديت اشك انك بعت لوجى انت كمان

أنا ققدر
بس مكنتش فى البيت الفترة اللى فاتت بس

المشاركة الأصلية كتبت بواسطة zkralla

قسم لوجان خسر كتير وقسم اوبل كسب كتير
هيخسر انسان محترم وخلوق ومعلومات غزيره وردود وافيه
ارجوا من حبيبى وحبيب القسم محمود شاكر أنه يخليه معانا برضه يعنى يبقى ليه تواجد دائم فى القسم عشان هنفقد كتير لو بعد عن القسم وانا عارف أنه ما يرضهوش خساره القسم لحد متميز

اخويا هاني
قسم رينو عمره ما هيقف علي حد لانه بيكم وبكل الاعضاء المحترمين قائم

من اصعب الاشياء النقد للذات ولكن في قسم رينو كنت بشوف الناس امينه في الطرح حتي ولو جاء ذلك علي حساب نقدهم لذاتهم فهنيئا للقسم باعضائه الكرام وهنيئا للاعضاء الاخوه الصادقه المنزهه عن الغرض

وانا موجود باذن الله معاكم علي قدر المستطاع
انا احساسي زي انسان بيعزل من مكان اتربي فيه ورايح لعالم تاني جديد احساس قد ايه مؤلم

المشاركة الأصلية كتبت بواسطة frhateg

الأخ / محمود شاكر
الخيرة فيما اختاره الله . و ربنا يبارك لك في الأوبل . بالفعل خسرناك في القسم و انا عارف اننا مش حنهون عليك في قسم اللوجان و اكيد حتزورنا و احنا برضك اكيد حنزورك في قسم الأوبل . بس ليه طلب عندك و هو ياريت تقول لنا بعتها بكام علشان الناس اللي كانت متخوفه من اعادة البيع لعربية جديدة علي السوق المصري و هي اللوجان .

حبيبي الاستاذ الكبير فرحات
نفدت من العزومه يا كنج كنت ناوي اقضي الصيف معاك لكن السمك له حظ ميتاكلش
من عادتي اني اضم الردود علي الاخوه في رد واحد لكن اسمحلي لمكانتك الكبيره عندي وموضوعيتك اني افرد لك رد خاص لانك انسان محترم ككل الاخوه والاخوات
اما الزيارات فدي امر مفروغ منه اوبل في الفوريام 14 والرينو في الفوريام 17 والنبي وصي علي سابع جار ..

العربيه تحس انها طالعه من التوكيل مهنتهاش ابدا وكنت ناقص انيمها معايا علي السرير اللي شافها انبهر بيها وخاصه انها يا دوب داخله علي 10000 كم لكن اللي يدايق السماسره الله ..... ما علينا زي المناشير ولو مكرمتش حد منهم كرم جامد هيبخس في العربيه ويطلع القطط الفطسانه فيها واحد منهم جي يقول العربيه دي عامله حادثه وعايزين نرفعها
رديت عليه بكل بساطه ... اللي عامل حادثه متعاينهوش احسن وقمت مشيت جه يجري ورايا يقولي يا بيه ده لزوم الشغل كملت طريقي ومردتش عليه.
التاني قالي العربيه راشه بره بالكامل وعندها تعويره في السلاح والموتور مفوت وقعد يحكي فسئلته هو حضرتك ليك في العربيات قالي طبعا دانا خبير قولت له انت مش خبير دانت خبور والراجل المشتري يا عيني قاعد حيران ونفسه ياخد العربيه وصاحبنا عايز يمكس فيها خليت كلامي مع المشتري وتجاهلت السمسار نهائي وقلت له
تعرف حد ميكانيكي شاطر قال لا قولتله هو ده المطلوب الراجل حس اني عايز ادبسه فشرحت له وجهه نظري انه لو كان له ميكانيكي معرفه هيحاول يجامله ويقوله ان العربيه اللي تسوي 60 اديله فيها 55 الراجل تفهم وجه نظري واداني معاد بعد مزحلقنا الابعد وخدته في مشوارين
واحد للمبيعات بتاعت رينو وسئل علي العربيه
والتاني لميكانيكي شاطر زميل المشتري دله عليه وكانت النتيجه اتكل علي الله واشتري
والتالت لسمكري بص علي العربيه فوق وتحت والمشتري كان زي العسل بيقوله والله بصلي ع البارومه قعت اضحك انا والسمكري وقاله عيب يابيه ابص ع البارومه لا تكون عريانه وشرح له ان العربيه ممشيتش عشان تطولها البارومه
اطمنت يا عم
اطمنت ياباشا
كام يا عم 63
لا كتير نخليهم 50
ليه هو انا سارقها
طب نخليهم 60
"ودي اول مره اشوف واحد بيرفع بال10000"
لا 62500
تمام تمام "اتباعت اللوجان"
وداعا يا لوجان
واهلا فيكترا