مشكور ا. أمير على المعلومات الجامده
وفعلاً مفيده أشكرك أخى
مشكور ا. أمير على المعلومات الجامده
وفعلاً مفيده أشكرك أخى
الموضوع مفيد فعلا وشكرا لصاحب الموضوع وكل من شارك بمعلومه صحيحه
ازاي يا باشا ماشي على 80 على الخامس ؟اقتباس:
انا لو عندي عربية مانيول وماشي على 80 على الخامس وعايز اطلع من عربية فجأه >>>>>
انزل للثالث فوراً واكبس بنزين للاخر وانا على الثالث هتلاقي العربية خدت كل عزمها وتسارعت بشدة للتخطي والتجاوز
وازاي مقدرش اطلع من عربية على الخامس واطلع منها على الثالث ؟
انا مليش في المانيوال قوي بس عايز اعرف
ما هو الاوتوماتيك فيه برضو اول وتاني وثالث ورابع ....اقتباس:
الاوتوماتيك ممكن تعمل كده بحاجة اسمها كيك داون ... اللي هو دوسة دواسة البنزين للآخر فجاه للآخر هتلاقي الفتيس سقط نقلة و الآر بي إم على والعربية بتسحب ( وممكن يسقط نقلتين كمان )
سؤال مهم و اجابه شافيه وافيه
على الخامس او التالت حتطلع... بس حتاخد وقت قد ايه؟؟؟
كل ما كانت النقلة اللى انت بتتسارع عليها اقل كل ما كان زمن التسارع اقل... بالتالى عشان تطلع من عربية و انت ماشى 80 ممكن تطلع على التالت فى ظرف 4 ثوانى او الرابع فى ظرف 9 ثوانى او على الخامس فى ظرف ربع ساعة... الموضوع مرتبط بظروف الطريق و قرارات السواق
MMamdouh
الوضع 2 ده معناه إن العربية واخدة الغيار الثاني فقط يعني صحيح العربية مش هتنقل بعد التاني بس في نفس الوقت مش هتنقل على الأول ولا حتى لو وقفت تمام ... ال وضع 2 ده بيستخدم في حالتين:
1- المنازل علشان العربية مبتحتاجش عزم علشان تتحرك من الثبات ... و علشان تستغل المحرك في إبطاء تسارع العربية و تريح الفرامل ... خصوصا لو منزل طويل.
2- عند الحركة من الثبات على الأراضي الجليدية (أيوة زي عندنا في مصر بالظبط :)) ... علشان تخف العزم بتاع الطلعة من الثبات وبالتالي العربية ماتعومش ... طبعا النقطة دي معمولة للدول إللي فيها جليد.
لو هتقف شوية و إنت جوة العربية تجيب ال n و رجلك على الفرامل أو ترفع الهاندبيرك (كدة إنت بتريح الجيربوكس) ... ولو هتنزل من العربية خلي بالك إنك تجيب ال p وترفع الهاندبريك قبل ما تشيل رجلك من على الفرامل ... لو جيبت ال p و سيبت العربية شوية من غير فرامل العربية هتريح حاجة بسيطة إما قدام أو ورا لو الأرض تحت العربية مش أفقية تماما وده غالبا في كل شوارعنا ... تيجي بعد شوية على الوضع ده تجيب غيار حركة و تسيب فرامل ممكن تسمع صوت طقطقه عالي زي ما تكون حاجة بتتكسر ده نتيجة إن العربية ريحت على التعشيق على نقطة عكس إتجاه الحركة إللي العربية عايزة تاخده.
وتقبل تحياتي.
و الله يا جماعه جيتو علي الجرح
انا متربي علي المانيوال
و سقت مانيوال طول عمري
و حاليا راكب اول اوتوماتك في حياتي
فعلا سواقه الاوتوماتك دلع و كأنك بتلعب اتاري
يادوبك بتحرك الدركسيون كنوع من انواع النشاط بدل ما تنام
لكن
واحشاني قوي قوي السواقه
سواقه يعني مانيوال
و حاسس اني لو هغير العربيه ممكن ارجع اركب مانيوال