عرض للطباعة
بالرغم من ان السيبول عربية ممتازة بشهادة كل من قامو بشرائها او اختبروها وتويكلاها المترم جدا الا اننا نلاحظ عدم انتشار للسيبمبول في شوارع المحروسة , مما جعل بعض الناس تفسر ذالك علي انة عدم نجاح لهذة السيارة. شارك برايك ماهية عوامل نجاح السيارت في مصر , و ماهوا السبب وراء عدم انتشار السيبول ؟
انا ارى ان سبب عدم انتشار العربية دى عدم وجود دعاية مناسبة ليها دى ماشوفتش ليها ولا صورة ولا اعلان فى اى جريدة او مجلة مش عارف لية التوكيل بيموت عربياتةاقتباس:
المشاركة الأصلية كتبت بواسطة zeyad_f
الدعاية وشكلها صعب اوي
اوةلا الفئه المانيوال ناس كتير تقولك اللوجان الفرق بينهم مش كبير لدرجه الفرق في السعر ده يبقى اللوجان عمليا افضل
ثانيا الفئه الاتوماتك انا شخصيا بعشق الرينو وكنت هجيب السيمبول الاتوماتك لاخر لحظه بس بصراحه ادفع 90 الف تقريبا ومخدش غير ايرباج واحده ومافيش abs ده غير ان في ناس كتير بتقول انها تقريبا هي هي الكليو ..طب انا اعرف ناس جابت كليو اتوماتك من بره التوكيل بسعر اقل بكتير .. فحسيت بصراحه ان العربيه كتير عليها الفلوس دي ده غير ان سعر اعاده البيع هيكون في الضياع ... وجبت في الاخر صني سوبر صالون
اعتقد ان السيمبول لو كانت بنفس اسعار الاكسنت او حتى الافيو كانت حققت نجاح اكبر ... كان ممكن الوكيل يجي على نفسه شويه حتى ولو في الاول وينزل السعر وممكن يحط فئه تانيه ب90 يكون فيا 2 ايرباج و abs وشويه كماليات تشد شويه لانه لازم يلاحظ ان الرين كماركه مش معروفه في مصر زي الهيونداي او الشيفروليه فالزم يشد الناس بشكل العربيه(والسيمبول شكلها حلو) + الكماليات الزياده
باتلنسبه للاعلانات انا شايف الوكيل عملها اعلانات معقوله (باستثناء عدم وجودها في معرض الفورميلا .. كانت حاجه غريبه جدا)
ألعربيه متعملهاش دعايه كفايه غير ان شكلها مش لطيف اوى !!
و غير كدا انها نازله فى شريحه اللوجان تقريبا غطيتها
سعرها غير مناسب وشكلعا غير مقبول بشكل كبير
ده غير وجود منافسين عتاوله فى نفس الفئه زى الصني والاوبترا والالنترا فا طبعا مش هتاكل مع الوحوش دول ... وموتور 1400 كمان يعنى اللوجان منزلنها بموتور اكبر مش فاهم ازاى بصراحه حتى لو تجنولوجيا اجدد وكل الكلام الحلو ده بس اغلب المصريين ميفهموش الكلام ده .
اهم سبب من وجهة نظري هو عدم تسميتها كليو
و بالتالي فقدت ميزة استكمال العملاء و الفة الاسم
كما انه لا يوجد منها هاتشباك و الا كانت باعت اكتر بكتير
عقلية الشعب المصرى ومفيش دعاية
مش عارف
http://www.contactcars.com/News_ViewStory.asp?NewsID=2533
حصلت سيارة رينو الجديدة "سيمبول" على المركز الأول في تقييم منظمة Autobest لعام 2009 برصيد 879 نقطة بتفوق هائل على جميع منافسيها.
مين اللى قالك الفرق مش كبير حرام عليك دى عربية ودى عربية تانيااقتباس:
المشاركة الأصلية كتبت بواسطة alfbaa
تانى حاجة الفرق بين الفئة المانيوال والاوتو الفتيس فقط اشمعنا شبهت المانيوال باللوجان
بس العربية ممتازة وفيها اوبشن محترم وموفرة جدا ف البنزين برقبة النيو اكسنت بصراحة وانعم كتير من اللوجان
الرينو مش معروفة ف مصر دى من اعرق الماركات العالمية وبعدين بالنسبة للسيمبول يعيبها انها ضيقة ف الكنبة الورانية شوية ومفيش abs بس زيها زى النيو اكسنت ,الافيو وصاجها احسن وتوكيلها طبعا عريق
اما السبب ف عدم انتشار العربية دى هوا ( معدش فيه عربيات منها بتيجى مصر وده مش لعدم الاقبال عليها لا ده علشان تكلفة انتاج العربية زاد وبالتالى السوق المصرى مش هيتحمله ) وعلشان ناس كتير بتقولى انها زيها زي اللوجان
وللعلم بردو العربية نزلت اقل من سنة ونص فالبتالى مش هتظهر كتير وكان عليها عرض المانيوال ب 79000 والاوتو ب 86000 لفترة تيجى 6 او 7 شهور تقريبا
فيعتبر سعر منافس جداا بس لولا اختلاف الازواق لبارت السلع
وللاسف الشديد فى مصر الشعب يتبع سياسة القطيع ومحدش يزعل منى
علشان كده تلاقى الفيرنا مع انها .....(مش كويسة يعنى علشان ممحدش يزعل ) من اكتر السيارات مبيعا ف مصر هل ده معناه انها احسن عربية ؟
واكيد طبعا اختلاف الاراء لا يفسد القضية او يزعل
ومبروك على السوبر صالون ياباشا وربنا يديك خيرها ويبعدك عن شرها
بالنسبة لي انا ماحبتهش عشان ضيق الكنبة الخلفية وفضلت عليها اللوجان لكن السيمبول عربية فوق الممتازة بس للاسف مش اي حد يقدرها.
انا رائي ان السيمبول افضل بكتير من السيارات اللي في نفس الفئه في الثبات و التحمل و التابلوه
انا ان شاء الله حاجز واحده و هاستلم علي اخر الشهر بس كان نفسي الناس تتداولها و تفهمها في مصر اكتر من كدا لانه قويه فعلا و ادعولي تيجي بالسلامه
يا جماعة المشكلة أولا فى الدعاية أنا عن نفسى ماشوفتلهاش اى إعلان قبل كده:stink[1]:.........!!!!!!! وشوفتها قليل جدا فى الشوارع المصرية (وإن كانت إبتدت تزيد شوية دلوقتى وكمان أنا شوفتها فى إسكندرية أكتر ما شوفتها هنا فى القاهرة) ولولا المنتدى الرائع بتاعنا ده ماكنتش عرفت أى معلومات عنها:_Alshmokh08[1]:............!!!!!
ثانيا : تخيلوا يا جماعة لما تبقوا عايزين تتفرجوا على العربية ومش لاقيينها وتروحوا صالات العرض اللى فى التوكيل يقولك لا والله دى خلصت مش موجودة والدفعة الجاية كمان 3 شهور وهتبقى مثلا 45 سيارة ومش فاضل غير ألوان كذا وكذا لو تحب تحجز.............!!!!! طيب والنبى هاحجز إزاى قبل ما اشوف العربية:majd(4):....؟؟؟؟؟!!! وطبعا العربية خلصانة من عند الوكلاء برضه....!!!! ولو إستنيت لحد ما العربية تيجى علشان تشوفها وحبيت تشتريها يبقى طبعا عليك وعلى الدفعة اللى بعديها اللى مش عارفين هاتيجى إمتى.....!!!!
فطبعا اللى مستعجل أو مش مقتنع بالعربية 100% هايشوف البدايل التانية ويخلص فيها، أما لو حد مش مستعجل أوى ومقتنع بالعربية وإستقر عليها بعد بحث وعمل مقارنات كتير(زيى كده:36_1_37[1]:) فهيستناها كل ده والحمد لله يا جماعة أنا لسه مستلم من السبع الشهر اللى فات ولو الزمن رجع بيا هاختار نفس العربية الرائعة دى تانى:B4_007:
بس المشكلة بقى إنك لما تيجى تقول لحد انا جبت سيمبول تلاقى اللى قدامك بصلك كده بنظرة غريبة:dzey: (طبعا ما هو لاشافها ولا شاف لها إعلان) فلازم تقعد تشرح وتقول وتعيد وفى الآخر لازم تخليه يشوفها علشان هو يفهم وإنت تريح نفسك:ma:
التصميم و السعر غير المنافس
طب ما البروتون اكتر منها من غير دعاية ....
بس انا لسة شايف اعلان عن البروتون في اهرام الاسبوع الماضي , وايضا اعتقد انها متوافرة واستلام فوري ايضا :U_thin1[1]:اقتباس:
المشاركة الأصلية كتبت بواسطة M.Osman
يمكن لإنتشار اللوجان الواسع وسعرها المميز غطى عليها تماماً
اولآ بلنسبة للسعر العربية اقل من سعرها كثيرآ وبلدليل لان المنافس الفعلى للسيارة دى اليارس وسعرها 105 الف يعنى فرق 15 الف جنية مش عارف لية على الرغم عزل السيمبول انضف كتيير موتور السيمبول انعم بفارق واضح واكثر هدوء على السرعات العالية لغاية 180 مزوتش عن كدا صالون السيمبول وتجهيزتها اشيك كتير من اليارس الجلوس فى السيمبول مريح اكتر من اليارس ودا من صاحب اليارس نفسة مش كلامى السيمبول اثبت كتيير من اليارس ومفيش مقارنة بينهم اصلآ فى الثبات شنطة السيمبول اوسع كتيير من اليارس البودى فى السيمبول امتن كتير من اليارس ومفيش وجة مقارنة مشكلتها الوحيدة ان صالونها كنز عن اليارس بس مناسب جدآ لاربع افراد من الحجم العائلى او 5 متوسطين ودا كفاية قدام شنطة مميزة جدآ وممتعة حقآ عفشة السيمبول اقوى وانعم فى نفس الوقت من اليارس ودا تقييم كافى جدآ ليعرف حقيقة جودة العربية دى وانها تستاهل فلوسها وهتكون موفر مبلغ غير هين كمان يخليك تصرف عليها لسنين طويلة او يعوض فرق السعر بتاع اعادة البيع
اما عن الناس الى بتقارنها بالافيو او الريو او النيو اكسنت فدول مع احترامى بيقارنو عربيات كورى عيوبها لا تخفى على احد ومستوى اعتماديتها تعبان من كلام ملكها الى مالى المنتدى واعتقد بيأكد كلامى وبيدعمو التقرير الى حاطو زملنا بتاع الاوتو بست ودا كافى جدآ لانو من 300 خبير قيمو العربية دى تقييم فعلى هيا وغيرها ووضعوها على قائمة هذة الفئة بفارق لا يقارن وممكن ترجعو لللينك الى حاطو زملنا علشان التقييم الى بيقولوة اغلب الاعضاء غالبآ اكثرهم اخرو اعد جمب صاحب العربية راح معاة مشوار اوسمع او حلم او بيظن
ولا يصلح مقارنة مجموعة عربيات شعبية وسبب شعبيتها الوحيد ان قطع غيرها الى فى الغالب درجة تانية او تالتة او مضروبة مغرقا السوق وبتلاقيها عند البقالين
السيمبول عربية محترمة وليست شعبية والى بيشتريها لازيم يفهم كدا لانها معمولة لمخاطبة فئة معينة ولا يصلح معاملتها معاملة السيارات الشعبية ويجب التعامل مع اغلب قطع غيارها الاصلية علشان تحافظ على ادائها المتميز
اما عن الاخوة الى بيتكلمو عن اللوجان وانها لاتختلف عن السيمبول فدا كلام لا يرقى الى الصحة اصلآ لان لايمكن مقارنة سيارة فرنسية التصميم وتخضع للمواصفات الاوربية فى التصنيع والتطوير والمكونات يتم تجميعها فى تركيا بسيارة رومانية المنشئ بتكنولجيا رومانى واغلب مكونتها رومانى ويتم تجميعها فى المغرب لغرض ان تكون سيارة شعبية تنافس الفرنا واللانوس او الفيو فى احسن تقدير ودا مش كلامى هيا دى الفئة الى بتنافس فيها فى السوق مع احترامى الشديد للعربية لانى شايف ان هيا افضل منافسيها على الاطلاق بفارق كما هوا الحال مع السيمبول ومنافسيها
اسباب عدم انتشار السيارة من رأىى
1 عدم اهتمام التوكيل بعمل دعاية كافية وذلك غالبآ لان العربية هامش ربحها مش زى باقى السيارات نظرآ لرخص سعرها عن منافسيها الحقيقيين زى اليارس والهوندا سيتى والفيات اللينيا مع توافر الهوندا واللينيا بتكونولجيا احدث وامكانيات اكثر وبفارق سعر طبعآ
2 دخول اللوجان المغربى فى نفس وقت دخول السيمبول واهتمام الوكيل بتسويق اللوجان نظرآ لهامش الربح الضخم وخاصة بعد لعبة الجمارك
3 نزول السيارة بأسم جديد زى مقال زميلنا ففقد الوكيل السمعة التاريخ السابق للكليو فحصل معاها زى محصل مع الكليو فى بداية نزولها سنة 2001 وانا كنت من اول ملاكها فى ذلك الوقت ومريت بنفس المرحلة
اقتباس:
المشاركة الأصلية كتبت بواسطة ashrafsadany
شكرا يا استاذ اشرف علي المشاركة , و اعتقد ان هذة الاسباب هية فعلا اسباب عدم انتشار السيارة بالصورة الكافية. ولاكن السؤال الذي يطرح نفسة هو هل عدم انتشار السيارة يعتبر عدم نجاح لها ؟ واذا كانت الاجابة "لا" اي ان عدم انتشار السيارة لا يعتبر عدم نجاح لها, فكيف نحكم علي نجاح السيارة ؟ وهل عدم انتشار السيارة ميزه ام عيب ؟
ازيك يا استاذ اشرفاقتباس:
المشاركة الأصلية كتبت بواسطة ashrafsadany
كان ليا تعقيب صغير على النقط الى مكبرها من الاقتباس مع علمى أنك بتحترم اللوجان
أنا الى حاطط اللينك الى بتاع تقيم السيمبول
مش معنى سياره شعبيه أنها مش محترمه
اللوجان تصميم فرنسى صممت فى TechnoCentre وهو مركز رينو للتصميمات الهندسية الواقع بالقرب من باريس
اللوجان تخضع للمواصفات الاوربيه لانها بتتباع فى دول اوربيه كتيرعلى رأسها فرنسا والمانيا
هوا الموضوع محتاج شوية وقت والسيارة ان شاء الله تثبت نفسها ودا مش سهل فى مصر زى محصل مع عربية زى الفيات اللينيا نازلة من 2007 لاكن مبتدتش تنتشر الى اواخر 2009 لما اثبتت جودتها ومميزتها وفعلآ عربية انا شخصيآ بحبها ولولا انها مانيوال مكنتش ترددت لحظة فى اقتنائها لاكن السيارة بلفعل منتشرة فى الجزائر وتونس زى ال128 عندنااقتباس:
المشاركة الأصلية كتبت بواسطة zeyad_f
اخى الفاضل ازى حضرتك انا اعلم جيدآ ان السيارة لا تقارن بباقى المنافسين ودا فى كلامى انها افضل منهم بفارق كبير لاكن انا اقصد بشعبية هيا مستوى التجهيزات ومكونتها التى تجعلها تنافس فى فئة سعرية معينةاقتباس:
المشاركة الأصلية كتبت بواسطة zkralla
وموضوع ان تم تصممها فى فرنسا دا اكيد لان داتشيا شركة من شركات رينو فلازم تستفيد من تقنيات وامكنيات رينو لاكن فى الاصل واغلب مكونتها رومانية لاكن مقصدى من ان السيمبول تخضع للمواصفات الاوربية ما اقصدة هوالمكونات الداخلية للسيارة اغلبها فرنسى والكمبيوتر المانى والباقى تركى وبرضو يخضع للمواصفات الاوربية فى التصنيع
دة كلام مظبوط 100% , ولاكن هذا في حاله استمرار التوكيل في استيراد السيمبول , ولاكن كان في واحد زاميلنا في المنتدي حاجز السيمبول وهما في التوكيل قالو ان الدفعة الي جاية اخر الشهر الي جاي هتكون اخر دفعة, لان ثمن السيمبول غلي برة ومش هيقدرو يستوردها بسعرها الجديد علاشان هتكون غالية. في هذة الحاله اعتقد ان السيمبول هيكون مقدر لها عدم الانتشار. والسؤال هوة هل عدم انتشار السيارة يعتبر عدم اثبات كفائة ؟اقتباس:
المشاركة الأصلية كتبت بواسطة ashrafsadany
اقتباس:
المشاركة الأصلية كتبت بواسطة zeyad_f
لا دا مالوش اتصال بعدم كفائه العربيه هيا بعدم وجود ربح منها وراها عالي للتوكيل بتاعها يعني من الاخر مش هايقدر يطلع فيها مبلغ كويس زي ماهو عايز فيجبها تاني ليه
المشكله ان ديما الناس بتقيس نجاح او فشل العربية بمدي انتشارها ودي حاجة غريبة لان في عربيات كتيرة منتشرة زي الافيو مثلا مع ان فية ناس كتير في المنتدي وغير المنتدي بتشتكي منها ومازالت العربية دي في انتشار مستمر!!اقتباس:
المشاركة الأصلية كتبت بواسطة hossam_ggg
بس الحاجة الي فعلا تخلي الواحد يقلقك هية لما التوكيل يبطل يستورد العربية لانها غليت ومش هتقدر تنافس في السوق المصري , و بالتالي حتكون مش منتشره , مش كدة قطع الغيار هتكون قليلية و مش متوفره او تكون غالية لان العربية سعرها غلي برة ؟
سياسة التوكيل فى توافر قطعة الغيار فى الغالب مبتكونش مرتبطة بأنتشار العربية او عدم انتشارها وكذلك سياسة التسعير لان فى جميع الاحوال هوا فى حالة عدم توافر القطعة عندو خط استيراد مفتوح مع المورد الرئيسى فغالبآ بيديك 15 يوم لحين توافر اى قطعة حتى لو مش موجودة وكذلك التجار الكبار الى بيستوردو قطع الغيار وعمومآ السيارة اغلب الاجزاء الميكانيكية مشتركة مع كليو 2005 اوتوماتك ودا غالبآ متوفر برة التوكيل وجواة
واعطاء لمثال على كلامى ان انتشار قطع الغيار ليس لة علاقة بأنتشار العربية ولاكن مرتبط بحجم استهلاك القطعة من عدمة وحجم الطلب عليها انا كان معاية تويوتا 2007 وطبعآ انتا عارف يعنى اية تويوتا انتشارآ وتوافر قطع غيار ومستوردى لها خارج التوكيل ورغم كدا فى كارتيرة بلاستك مسئولة عن تغطية منطقة اسفل الموتور حتى الاكصدام الامامى ولم تكن متوفرة فى السوق بلكامل عند اكبر وكلاء تويوتا ولا التوكيل نفسة لدرجة ان سبب سؤالى عليها انها اتسرقت من عندى من تحت العربية لان شكل حد كان عايزها وملقهاش فى السوق راح سارقها من عندى وعجبى بس دا حل ممكن يطمن بردة ممكن لو ملقتش قطعة غيار تروح لواحد حرامى يسرقهالك من عربية تانية بس للاسف الحرامى هيبيع ويشترى فيك علشان العربية مش منتشرة ومشبعيد يبتزك :C_laugh[1]:
السيمبول يا جماعة ممتازة جدا انا استلمتها من شهرين و مرتاح جدا يكفى انها موفرة فى البنزين و كمان التقفيل رائع ووكيل محترم التعامل معاهم زى الساعة مافيش ميعاد قالوا عليه وطلع فض مجالس من ساعة ما حجزت العربية حتى الان 0كل عيبها انها ضيقة شوية فى الصالون ودى حاجة نسبية وفقا لطول الركاب و عدد افراد الاسرة لو مش طوال اوى او عدد قليل مش حيكون فى اى مشكلة وانا مع استاذ اشرف فى تحليله للأسباب عدم انتشارها0
مش عارف اقولك اية يا استاذ اشرف , انا مش مضدق الي انا بقراة الناس ضميرها اتعدم , معقول حد يسرق قطعة غيار من عربية في الشارع .... انا طبعا مقصدش اكدب حضرتك بس فعلا انا مندهش :11: و مش متخيل ان دة ممكن يكون حل اساسا حتي لو الحرامي هيبتزني . لان ببساطة الي ماحبوش لنفسي ماحبوش لغيري . ولا انت رئيك اية ؟اقتباس:
المشاركة الأصلية كتبت بواسطة ashrafsadany
يا اخى الفاضل حضرتك بس الى اكيد جديد فى مصر او فى حفاظة الله ربنا يجعلنا دائمآ فى حفاظتة واولادنا واموالنا
السيمبول اتسرق الاريل بتاعها بعد ماجبتها بحوالى 5 شهور فى الدقى وكان فى اخ معاة نيسان تيدا جديدة نزل لقاها على حجارة وسرقين الاربع جنوط وكان مصورها هنا فى المنتدى الحمد لله انها بتيجى على اد كدا ربنا يخلف علينا بلخير ويحفظلنا اموالنا واولادنا