ازاى افاصل ؟؟؟؟؟!!!!

**3ateef** · 26-04-2010 02:26 AM

المشاركة الأصلية كتبت بواسطة أم حمـــاس

ملآخر

خد معاك واحدة ست

طيب اجيبها منين ده ؟؟؟!!!

**محمد بلال** · 28-04-2010 07:44 PM

المشاركة الأصلية كتبت بواسطة 3ateef

الفكرة ان مش كلهم عندهم ضمير....
:(

من فين فى قنا يا باشا ؟؟؟؟

عذرا على التأخير فى الرد

انا من بندر قنا

**محمد بلال** · 28-04-2010 07:52 PM

المشاركة الأصلية كتبت بواسطة moh_zaher

ده انت لقطه
لازم ياباشا تسال على السعر قبل ماتشتري حاجة و ماتشتريش من اول محل يقابلك اسال في كذا مكان الاول

والله يا باشا انا بحاول اتخير التاجر اللى حشترى منه وبعد كده بشترى دماغى بفلوسى

**the-hero** · 28-04-2010 10:09 PM

شوف يا سيدى موضوع الفصال ده بقي شئ اساسي لغياب الامانة من معظم البائعين والجشع والطمع الزايد
المهم اول حاجه فكر فى انك اول انت وبيتك بكل فرق هتنزله وده على فكرة مش بخل
فى حالات توافر فرصة تسعيير فى اكتر من مكان يبقي تمام وتختار واحد يكون عنده سماحة كدا وابن حلال تاخد وتدى معاه فى الكلام
طيب لو مفيش فرصة للتسعير يبقى على حسب منظورتك للشئ
مثلا انت رايح تجيب حاجة ب 100 ج تسال نفسك تنفع معاك بكام وتكون مرضى وموفر ومبسوط مثلا 80
يبقي تروح وتاخد وتدى فى الكلام معاه
بص ياسيدى بعد السلام عليكم انا جيت لك مخصوص وديه اول مرة وان شاء الله انا هبقى معاك على طول وتكسب زبون جديد
هيقولك تحت امرك تشرف
ها كام هيقولك ب 100
انت شوف يا سيدى انا مبحبش الفصال فشوف انت هتكرمنى فيها بقد ايه والجيات كتيير ولازم تعمل معايا واجب وتضايفنا
هيقولك يبقي عشان خطرك 90
تروح مطلع ال 80 ومديهملوا مرضيش يعنى انا جيت معاك دوغرى وانت برضوا مصمم يعنى خلاص بقي خليها عليك المرادى
لو موفقش اديله خمسة كمان وشكرا على قد كدا
وتمشى وانت حاسس انك انتصرت عليه والشعور ده لذيذ جدا بغض النظر عن الفلوس ممكن ترميها فى اى حاجه بعد كدا

**the-hero** · 28-04-2010 10:15 PM

انا مرة كنت رايح اعمل بار لمحل اتصلاات بتاع واحد معرفة ورايح اتفق مع النجار راح قيل عشان خطركم انت بس ومن الاخر يبقي مصنعية 200 ج قولت له انت بتتكلم ازاى يا عم انا جيلك انا واتلات شباب زى الورد ولازم تعمل معانا واجب وتضيفنا وتكرمنا فى السعر كمان
رد واحد جنبة لازم تكرم الشباب حالتهم تعبانة انت مش شيفهم كلهم دقنهم طويلة اهوا رديت وقلت اه ممعناش فلوس نحلق هههههههههه
قال خلاص يبقي لكل واحد 10 ج يحلق بيها قلت له تمام طب وواجب الضيافة كل واحد حاجة سقعة كمان يبق هنديلك130 ج
فاق بقي من التهريج لما سمع المبلغ زقال ليه هى الحاجة الساقعة بكام
قولت له محنا مبنشربش غير كانز المهم خد فى الاخر 140 ج
بس كان حوار جامد جدا

**devilishtigers** · 29-04-2010 07:59 AM

انا مش ليا في الفصال خالص. اخش المحل الراجل قالي سعر كويس وعجبني ماشي. غير كدا اسيبوا وامشي حتى لما بحب افاصل والراجل يوافق صحابي يقولولي ايه اللي خلاك تفاصل وتتكلم كانت هتنزل عن كده لولا انك اتكلمت هو وافق.
مفيش احسن من البنات الستات والبنات في الفصال وخير دليل والدتي ساعات بقول لو انا البياع انا هطردها من المحل.
لكن المفاجأة الاقي اللي مش متوقعه والراجل وافق

**mensho** · 29-04-2010 11:11 AM

فى البلد دى و زمم بعض التجار لاااااااازم تفاصل وتفاصل كويس
انا مكنتش بفاصل كان اخرى اقلة نزلها شوية و اديلة اللى يقولة
بس مرة سألت على حزام كدة واحد واقف فى الشارع قالة 15 انا كنت بسأل بس مش هشترى بعرف سعرة
قلتلة شكرا و مشيت
قالى 13 قلتلة لا قالى 10 قلتلة مش عايز اصلا قالى 8 و بعدين قالى 7 وانا ماشى قلتلة واللة انا مش هشترى انا بسال بس قالى طب شوف عايزة بكام !!

**mensho** · 29-04-2010 11:14 AM

فى طرقتين بعملهم مثلا الحاجة ب 120 فى مثلا انة اقلة اخرها كام يقلى كذا احاول انزل معاة شوية وبعدين نحط سعر فى النص مثلا احط انى عايزها ب 90 و لو جت ب 100 مش هزعل
وفى طريقة تانية بقى صحابى بيعملوها و دى ساعات بتصيب و ساعات بتعصب البياع
انة يقول مثلا 130 تقلة 50
هيقلك ازاى و بتاع دى جملتها عليا 100 وتبداء معاة من 100
بس جامدة اوى دى
الستات بقى فى الفصال سبحان اللة
احنا مثلا اقول سعرى و هوة يقول سعرة وياشترى يمشى
دول بقى بحسهم مش هيمشو هتقرفو لحد ماتخد بالسعر اللى فى دماغهم و تعمل نفسها مغلوبة عشان لو جتلة تانىd:

**zaza_lanos** · 29-04-2010 12:29 PM

طول ما التجار معليهمش رقابة
هيسرقوا فى عز الضهر

واكبر دليل انه المفروض اى سلعة يوضع عليها السعر يبان للكفيف
مش يقولك خامة ايه وبلد مش عارف ايه
ده قلة ادب ياراجل

ويقعد يحلف ميت امين انه ميعرفش ميرفت يمين