يا خبراء السيراتو

**MOSTAFABASAL** · 25-04-2010 12:26 AM

المشاركة الأصلية كتبت بواسطة amr mokhtar

حضرتك هتدفع 1500 جنيه عشان يبدلوا الجنط بواحد أصغر

الكلام ده مش منطقى تمامآ الجنط 17 أغلى من 16 ده المفروض إنهم ينزلوا فى سعر العربية او على الأقل مايبقاش فيه زيادة فى السعر

انا شايف حضرتك ترجع فى القرار ده أحسن
و إستلم العربية بالجنط 17 و لو مستريحتش معاه يبقى بيع و إشترى جنط 16
أو حتى غيره بطقم مومو أصلى
يعنى هيبقى فيه قدامك إختيارات تانية

ده رأيى و الله أعلم
و شوف برضه رأى الأعضاء

**NoRmAl** · 25-04-2010 01:03 AM

أنت أيه طيب مشكلتك بالظبط من الجنط ال17
قلقان من أيه؟
بص القسم فيه sx كتير جدا
أكتر بكتير من الex وال lx
يعنى معظم الاعضاء معاهم ال17
أسألهم بإستفاضه وأقرفهم مش هيزهقوا منك :)
ولو فى الاخير بردو حسيت أنك عايز ال16
نبقى نفكر أزاى نطلع بأقل الخسائر
بس بجد أسأل الناس هنا على كل حاجه فى ال17 الاول

**engmedoo** · 25-04-2010 03:01 AM

اخي العزيز انا معايا الاس اكس وبرده من عند محمد زكي فرع القطاميه بجد العربيه هايله ورغم ان مليش خبره ف موضوع العربيات قوي لكن كل زمايلي اللي ركبوها قالوا ان الجنط شكله تحفه ومدي العربيه ثبات هايل جدا
واكيد اللي مصنعينها عاملين حسابهم انه ملائم للعربيه فتوكل علي الله واستلمها بمواصفتها وادي نفسك فرصه تجرب
ولو لقيته مش ملائم وحبيت تغيره اكيد مش هتخسر ازيد من ال1500ج ويمكن اقل كمان
وربنا يبركلك فيها ان شاء الله ويعطيك خيرها ويكفيك شرها

**elmihy** · 25-04-2010 04:52 PM

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟

**Cutevampire** · 27-04-2010 12:17 PM

اتكل علي الله هات الجنط ال17
اساسا الموضوع مش فارق فرق وهمي بين ال 16 و ال17
في الحالتين العفشة برضه ناشفة و هتحس بالنقر

**Ahmed Samy** · 27-04-2010 03:07 PM

هو الجنط ال 17 ماله !!!

ليه خايف منه كده !!!

عايز (تدفع) فلوس علشان تخلص منه !!!!!!!

أنا مش معاك في التفكير من أساسه

أنا عربيتي لما عملت حادثة عندي جنطين اتعوجوا

احتمال اجيب جنوط تانية ...وهاتبقى 17 برضه

لن الجنوط ال17 غالية جدا سواء جديدة أو استيراد

الجنط اللي عايز ترميه و تدفع عليه فلوس تمنه 1780 في التوكيل
الفردة الواحدة
و بتتباع استيراد بـ 700 - 1200 يعنى الطقم زيرو =8900 جنيه من غير كاوتش و الكاوتش تمنه 2500 جنيه

و ال16 مش بالرقم ده

ومش مميز للدرجة يعني ممكن تبيع ال17 على ايدك و تركب 16 تمنه مش هايجيب 2000 جنيه

فكر تاني و انزل اسأل في السوق

أكيد هاتكسب مش هاتخسر

**mameen** · 27-04-2010 03:28 PM

انا مع الاخوة
متدفعش فلوس عشان تجيب حاجة اقل
المفروض هما اللي يدولك فلوس وعموما اشتري العربية ولو معجبكش غير وعمرك ما حتخسر فيهم لدرجة نك تدفع نفس المبلغ
على الاقل العالم دي متستفيدش منك حاجة

**mostafa_alaa16** · 27-04-2010 03:36 PM

أنا شايف ن الجانت 17 ليس سىء وكمان اللى بيمشى وحش فى نقر ومطبات حيبوظ اى جانت او كاوتش ... وعموما ربنا يهديك
عايز أسألك دفعت كام over price

**adnevada** · 03-05-2010 02:10 PM

انا لسه شارى سيراتو exكورى جنط 16 لو عايز تبدل معايا مفيش مشكله انا موافق 0109050302

**elmihy** · 03-05-2010 05:31 PM

يا جماعة أنا استخرت وجبت جنط 16 من الوكيل ودفعت 1000 جنيه وبعدين انا عملت كده علشان مافيش حد في التوكيل يتلككلي في حاجة بعد كده وقلت كمان انا لوبعت الكاوتش حينزل تمنه الأرض لأنه مش بورقه وحسيت كده ان انا مرتاح اكتر وجايز أكون غلطان لكن الفيصل في اتخاذ القرار مابين ال16 وال17 قلت ان انا لو سبت ال17 ممكن لو لقيت أدامي مطب او نقر جامده في الطريق الاقي نفسي مفاديها بشكل مفاجئ ومكنش واخد بالي من اللي ورايا او جنبي ده على اساس ان انا بالجنط ال17 لكن لو بال16 ممكن رد فعلي يكون اقل حده وهيا في الآخر اسباب والواحد بيعمل اللي يقدر عليه وأشكر كل من قام بالرد وجزاكم الله خيرا.