حرمان السيارات الفارهة من البنزين المدعم

**حماده المصري** · 26-04-2010 12:09 PM

انا نفسي اعرف الكلام ده لو حصل هنبقى اول واخر دوله في العالم بتعمله

بس للاسف الجحافله الي هنا هيقولوا بكره تطبق في كل العالم وهما اساسا بيضحكوا علينا

طب مثلا واحد شغال على عربيته في السيلز او الماركيتينج

واحد بيتاجر ومعاه عربيه رخيصه بيروح بيها مشاويره وبضاعته الي على قد حاله ده اكيد بيصرف ليترات كتير طب ده يعمل ايه

انا مش فاهم انا عمري ما دخلت بنزينه ولقيت مفيش بنزين طب فين مشكله البنزين

**حماده المصري** · 26-04-2010 12:10 PM

مهو لو الليله كده

يبقى الغني الي بيشتري طبق فول ب 20 جنيه من اي فندق فاخر يروح ياخده من الحكومه ب 20 والسجاير والمشروبات وكل حاجه

مستحيل القرار ده يطبق

**zaza_lanos** · 26-04-2010 01:58 PM

بعد ما خربت يا ظلمة
حسبى الله ونعم الوكيل فى الناس ده

**aliabutaleb** · 26-04-2010 05:55 PM

مادام الغني دافع ضرائبه ليه يتم التمييز ضده؟
أظن قرار زي ده لو اتاخد هايتطعن في عدم دستوريته وهايتم إلغاؤه

بالمناسبة، لو كل غني دفع زكاة ماله عُمر ما هايبقى فيه فقراء
لكن فين النظام اللي يجبر الغني على ذلك

**abou_ruqi** · 26-04-2010 06:10 PM

المشاركة الأصلية كتبت بواسطة أبو حمزة

مادام الغني دافع ضرائبه ليه يتم التمييز ضده؟
أظن قرار زي ده لو اتاخد هايتطعن في عدم دستوريته وهايتم إلغاؤه

بالمناسبة، لو كل غني دفع زكاة ماله عُمر ما هايبقى فيه فقراء
لكن فين النظام اللي يجبر الغني على ذلك

الغني لو دفع زكاة ماله حتتسرق أو العز حيضارب بيها في البورصة

اللي عاوز يطلع زكاة يديها بإيده للمستحقين

**mmffor** · 26-04-2010 11:47 PM

المشاركة الأصلية كتبت بواسطة أبو حمزة

مادام الغني دافع ضرائبه ليه يتم التمييز ضده؟
أظن قرار زي ده لو اتاخد هايتطعن في عدم دستوريته وهايتم إلغاؤه

بالمناسبة، لو كل غني دفع زكاة ماله عُمر ما هايبقى فيه فقراء
لكن فين النظام اللي يجبر الغني على ذلك

+++++++++++++++++1111111111111111111111111

**Terrible_DaRsH** · 27-04-2010 01:10 AM

انا عايز اعلق مليون تعليق بس عايز اعرف حاجتين .

الباشا اللى عايز يصدر القرار ده ( مش راكب مرسيدس هو كمان ) و لا 132 ؟؟

و كمان التعليق المستفز ده :

ليس من المنطقى أن أعطى الدعم لواحد راكب عربية عمال يلف بها طول اليوم

هما مالكى البى ام و المرسيدس بيلفوا طول اليوم فى الشوارع و مقضينها لعب !!

و كمان انهى عربيات هيتلغى عليها الدعم ؟؟ موديل كام من البى ام و المرسيدس ! و لا هتتحسب بال cc و لا ايه النظام

**alisleman** · 27-04-2010 03:49 PM

مفتكرشى الكلام دة هيطبق لكذا سبب
اولا صاحب التوكيلات bmw ومرسيدس هيقفوا فى الموضوع لانك بتشل حركه البيع وكمان انا رئيسى معاة bmw وعندة عربيه كورولا فى البيت لزوم المشاوير انا عارف ومتاكد كويس جدا انه هيسيب bmw وهيركب الكورولا
ثانيا هيعرف يحدد ازاى الناس اللى محتاجه دعم والناس اللى مش محتاجه فى ظل انتا ممكن تاخد جركن وتتدخل تملاه من البنزينه وغير الاعيب المصريين اللى الكل عرفها
ثالثا اصحاب الشركات الكبيرة اللى هيقفوا فى الموضوع ويقولوا انتم مش عاوزين الشركه توزع وتبيع علشان تقبض اللى بنشغلهم عاوزينى احط من اللى مش مدعم يبقى هاغلى السلع وهتبقى فرصه لكل واحد عاوز يغلى اى حاجه حتى المواصلات هتبقى فرصه ليهم لان البنزين والسولار مش بيفرق معاهم غلى ولا رخص بياخدوة من اللى بيركب

**levelpower** · 27-04-2010 04:11 PM

المشاركة الأصلية كتبت بواسطة alisleman

مفتكرشى الكلام دة هيطبق لكذا سبب
اولا صاحب التوكيلات bmw ومرسيدس هيقفوا فى الموضوع لانك بتشل حركه البيع وكمان انا رئيسى معاة bmw وعندة عربيه كورولا فى البيت لزوم المشاوير انا عارف ومتاكد كويس جدا انه هيسيب bmw وهيركب الكورولا
ثانيا هيعرف يحدد ازاى الناس اللى محتاجه دعم والناس اللى مش محتاجه فى ظل انتا ممكن تاخد جركن وتتدخل تملاه من البنزينه وغير الاعيب المصريين اللى الكل عرفها
ثالثا اصحاب الشركات الكبيرة اللى هيقفوا فى الموضوع ويقولوا انتم مش عاوزين الشركه توزع وتبيع علشان تقبض اللى بنشغلهم عاوزينى احط من اللى مش مدعم يبقى هاغلى السلع وهتبقى فرصه لكل واحد عاوز يغلى اى حاجه حتى المواصلات هتبقى فرصه ليهم لان البنزين والسولار مش بيفرق معاهم غلى ولا رخص بياخدوة من اللى بيركب

+111111111111111111

**mgboss** · 27-04-2010 07:37 PM

السلام عليكم و رحمة الله و بركاته,

أنا هأقول وجهة نظري ويا ريت كلنا نفكر بموضوعية شوية....

أنا مش معارض ولا مؤيد لفكرة رفع الدعم دي ... ولا هأتكلم عن لو اترفع الدعم إزاي يطبق بشكل صح.... عشان بكل صراحة كلنا عارفين كويس إنه لو اطبق مش هيطبق صح... ده مش إحباط ولا حاجة... لكن من خلال دراسة التاريخ والحاضر يبقى بنسبة كبيرة جدا ده اللي هيحصل كالعادة....

مجبتش حاجة جديدة....

طيب نخش في الموضوع....

سؤال: هو ليه أصلا الحكومة بتدرس رفع الدعم عن البنزين؟

جواب 1 : هل علشان تستخدم الفرق و توجهه للقطاعات الاكثر احتياجا (الصحة والتعليم) فعلا زي ماهي بتقول؟

جواب 2: ولا علشان هي عندها إحساس قوي بإن ماينفعش اللي راكب bmw أو mercedes يدفع زي اللي راكب أي عربية تانية خارج فئة الرفاهية؟

هتقولي هي يعني تفرق ؟ هاقولك طبعا تفرق كتير جدا.... و ده ممكن يتسرد في مشاركة تانية لوحدها ....

بس الاهم إن تكون نية الحكومة واضحة.... لان هي ممكن تقولنا عشان الصحة والتعليم بس في نيتها إن الغني هو اللي يصرف على الفقير... (و دي في حد ذاتها حاجة كويسة بس ليها شروط كتيير)....

طيب هو هل دي أول مرة يترفع الدعم عن حاجة...؟؟ أنتم لو دققتو النظر هتلاقوا إن من ساعة ماتم تعويم العملة المصرية والحكومة كل يوم بترفع ايدها عن حاجة في البلد....و ياإما تحملها علينا عن طريق فرض ضرائب جديدة (أو رفع رسومها) أو تسيبها للقطاع الخاص وفلسفته الإقتصادية الربحية ....

الحكومة بتفكر ترفع الدعم عن البنزين على السيارات الفارهة....!!

- طيب هو احنا بندفع ضرايب وجمارك تصاعدية بقالنا اد إيه....
- كام مرة اترفع سعر البنزين والسولار .... .(و عملتلينا إيه الحكومة في الاثار اللي اترتبت على كده من ارتفاع اسعار كل شيء )...
- بيروح فين دخل قناة السويس والسياحة اللي مش موجودين في أي بلد تانية فالدنيا...
- توشكى.... فاكرين من 10 سنين أو أكتر لما سوقلنا المشروع ده على إنه دلتا تانية في مصر.... هي فين وفين الفلوس اللي ادفعت فيها ومين اللي كان مسئول عن المشروع ده وهل دلوقتي حد طلب يعمل تقيم للمشروع ده ويحاسب المسئولين عنه.... بلاش.... إنت حسيت بيه؟؟؟
- تصدير الغاز لاسرائيل (سيبك من إن دي حاجة مستفزة في حد ذاتها ) بأقَل من الاسعار العالمية بعقد يتجدد كل 20 سنة وعليكم خير...

طيب بلاش ..... أنت حسيت بإيه في كل دول؟ واللي إنت حست بيه ده هل يدعو للتفاؤل؟

- ويا ريت يا جماعة بلاش نصدق موضوع إن ميزانية الإنفاق الدفاعي ده أمر عسكري عشان الامن القومي... طيب وميزانية الداخلية .. امن قومي برده؟ و بعدين هو لو في دولة فالعالم عايزة تعرف انفاق دولة تانية مش هتعرف يعني؟ أُمّال أجهزة المخابرات دي بتعمل إيه؟...

متأسف لو قلت حاجة احبطتكم...بس حبّيت افضفض معاكم شوية.....

الله كريم,