الموضوع: حرمان السيارات الفارهة من البنزين المدعم

المشاركة الأصلية كتبت بواسطة aif

تعقيبا على كلامك .... مصر زيها زي جميع الدول النامية ( المتخلفة بالمعنى الصحيح ) بتعتمد على الضرائب والجمارك كمصدر دخل اساسي للدولة
المصادر الاخرى تمثل مصادر ثانوية ... قناة السويس السياحة القطن والتصدير .. الخ
المشكلة الحالية ان الانفاق الحكومي اصبح كبير بشكل مخيف .... ده طبعا غير الانفاق العسكري الذي لا يمكن حتى للبرلمان ان يطلع عليه بشكل كامل بداعي الامن القومي
تيجي لأنفاق الحكومة ح تلاقي النسبة الكبيرة منه عبارة عن مرتبات وحوافز ومزايا لكبار العاملين بالدولة .....اقل اقل وزير دخله بيتعدي 2 مليون جنية شهريا .... انا بأقول دخله وليس مرتبه ....المرتب كلام فاضي 5 او 6 آلاف جنيه .. لكن تعالى بقى للمسميات الاخرى حوافز بدلات لجان مكافآت بدلات حضور لجان وبدلات تمثيل .... بلاوي زرقا بتتصرف
اقل وكيل وزارة دخله بيتعدى ال نص مليون .... ارقام غريبة بنسمعها .... مستشارين الوزير كل واحد بياخد عشرات الآلاف ومش بيجي اصلا الوزارة الا مرات معدودة في الشهر
وتعالى شوف العربيات اللي بيركبوها .... لاند كروزر .... شيروكي .... برادو .... كومبريسور
..
كل ده بيحتم ان يكون الدعم نقدي مش عيني ....
لو نقدي يبقى ح يوصل للمستحق في جيبه ... وده بيقلل فرصة السرقة بشكل كبير
لو عيني يبقى ح يتسرق في السكة كما هو الحال حاليا
الدعم الاكبر موجه للعيش والبنزين والبوتوجاز
يبقى لازم النظام ده يتغير لصعوبة السيطرة على هذه السلع
انا اتوقع ان الدعم ح يتلغي حسب دخل الشخص مش حسب نوع عربيته ..... لأن البنزين ممكن يتنقل من عربية لعربية تانية بسهولة ....
المهم مين اللي ح يشتريه
الاتجاه العام في الحكومة انهم يحددو الفئات المستحقة للدعم و يتم صرف سلع مدعمة لها بطريقة او بأخرى ... واطلاق اسعار السلع لباقي الشعب بدون دعم ..... ده توقعات بس طبعا ...
طبعا ح يكون فيه تجاوزات في التطبيق ..... لكن التجاوزات دي موجودة باي حال
ربنا يوفق للخير

انا ليا بس تعليق بسيط على كلامك لانه الصراحه تعليقاتك كلها ممتازة ورائعه جدا
اولا :- الشيخ الشعرواي قالها " ما وجدت فقيرا ولا قام الغني بسرقة ماله " يعني زي ما حضرتك قولت الناس الي بتاخد بنصف مليون ولا الباشا محمد ابراهيم الي بياخد مليون و200 الف ولا البيع التاني عاطف عبيد الي بياخدله فوق المليون وتلاقي ناس تانيه لسه من كام يوم عاملين مظاهرات علشان مرتبتهم 99 شهريا يعني زي ما بيقولوا هذه هي الطامة الكبرى

ثانيا انا معاك ان الدوله واي دوله ناميه دخلها بيعتمد على الضرائب والجمارك ماشي لكن احنا ربنا وهبلنا ورزقنا واهدانا حاجة زي السياحه , الزراعه الي احنا منذ ايام الفراعنه كنا احنا والصينيين من اشطر الناس في الزراعه , والصناعه , والبترول ومشتقاته طبعا بمناسبة البترول مش عاوزين ندخل في مناقشه سعر بيع الغاز الطبيعي لاسرائيل الي يتعبر برخص التراب ,,وغير الاستثمارات , الي اقصد اقوله ليه احنا ما نننمي ونطور ونشتغل وننتج علشان دخلنا يزيد وحياتنا تتحسن , اما بالنسبة للانفاق العسكري فده بيتم عن طريق المساعدات الماليه الي بتيجي من امريكا لمصر كل عام والي تم خفضها مؤخرا

ثالثا :الناس تعبت وزهقت من انها كل شوي تسمع انها هتدفع حاجة زياده ولا في زيادة في سعر سلعه ما وفي المقابل مش بنلاقي الجودة المنتظرة والمتوقعه والكلام ده سواء كان على اكل ولا شرب ولا عربيات ولا طرق وكباري ولا خدمات عامه , الواحد بيستنزف وبنتبهدل كمان يعني مفش نتائج

رابعا : طالما البلد ماشيه بقرارات هوائيه وبدون تخطيط استراتيجي للمشاكل هنفضل عايشين في عالم في فوضى وهمجيه وفقر وحالتنا هتبقى بالبلاء , انا موافق ان الدعم يتلغي على بعض السلع وخصوصا الي بنستوردها لكن في المقابل هخلي حياتنا كلها بالتعامل العالمي سواء كان في المرتبات ولا في حساب الجمارك والضرائب وتحسين البنيه التحتيه للبلد

انا بس في الاخر عاوز اعرف حاجة مش الدوله عندنا بتنتج بترول وتقريبا كمان بتصدره طيب ليه عاوزين يرفعه سعره مادام عندنا وفره منه وعندنا مخزون استراتيجي منه كتيييير ؟؟؟؟؟

الدعم ده كذبه كبرى الدوله مش بتتصدق على حد كله من فلوسنا ما احنا بندفع قيمة العربيه الضعف واكتر وبندفع الضرايب والمخالفات يعني وصلهم فلوس الدعم المزعومه مقدما والمصيبه اصلا ان مفيش دعم على الوقود لان سعره اصلا غالي بالمقارنه بتكلفة انتاجه في مصر او في الخارج

اقترح الغاء الدعم المقدم على الغاز المصري الى الشعب الاسرائيلي اولا قبل ما يلغوه على الشعب المصري (( محدش بقى فاهم حاجه ))

المشاركة الأصلية كتبت بواسطة mragh

هي المشكله الحقيقيه هتظهر مع تعريفهم للعربيات الفارهة

ربنا يستر

+1111111111111

كل تفكير الحكومة متجه نحو سياسة الطواقي .. نشيل طقية مين ونلبسها لمين عشان نظبط الميزانية .. تفكير استهلاكي فقط لا غير .... مفيش اي اتجاه مخطط ومدروس نحو التفكير الأنتاجي وان يبقى فيه مصانع بجد وزراعة وتصدير ويبقى فيه فائض بدل العجز اللي بيقعدوا يلفوا حولين نفسهم كل سنة عشان يشفوا هيقلبوا الشعب ازاي في القرشين اللي ناقصين ... زي بالظبط الاعلانات بتاع تنظيم الأسرة والأتجاه الملح في تخفيض عدد السكان لدرجة ان الواحد بقه حاسس انهم ناقص يموتونا عشان يرتاحوا ... طب ماهو احسن انهم يستغلوا الطاقة البشرية دي اللي هي اسمها موارد بشرية ، موارد، يعني المفروض انها لو تم استغلالها بصورة صحيحة تعتبر مصدر انتاج مش استهلاك ، واحنا بكل غباء عندنا مصدر استهلاك فقط وبيحاولوا يقللوه بدل ما يفكروا في استغلال هذه الطاقة المتميزة ....

للأسف كل التفكير الحالي تفكير خاطئ ومحدود ولا يوجد به اي تخطيط او حرص على الصالح العام ، البلد محتاجه تتغير من جذورها بتفكير تاني خالص