الموضوع: حرمان السيارات الفارهة من البنزين المدعم

المشكله بقى انه لو عملوا كده فعلا هايطبق على كل العربيات الا العربيات ام استيكرات و فاميه و اللى بتعدي المليون جنيه

المشاركة الأصلية كتبت بواسطة mragh

طالب خبراء بحرمان أصحاب السيارات الفارهة في مصر من الوقود المدعم في إطار إعادة هيكلة منظومة دعم الطاقة لتوجيهها إلى مجالات أكثر حاجة في مقدمتها التعليم والصحة، واقترحوا العمل بنظام شريحة الاستهلاك الشهرية.

وقال حمدي البمبي وزير البترول السابق، إن تنفيذ إعادة هيكلة الدعم قبل موسم الانتخابات يتطلب تسويق الفكرة بشكل جيد، باعتبار أنه محاولة لتوجيه الدعم لمن يستحق حتى لا يحصل عليه القادرون.حسب صحيفة "الشروق" السبت.

ودعم البمبي وجهة نظرة بأن هناك حاجة ملحة لتوجيه الدعم الذي يحصل عليه القادرون بدون وجه حق إلى التعليم والصحة، مشيرا إلى أنه يجب ألا تتم المتاجرة بموضوع الدعم ويجب أن يسوق الموضوع للناس على أنه أصبح ضرورة لا يمكن التراجع عنها.

وكبديل لدعم الطاقة بصورته الراهنة، اقترح البمبي العمل بنظام شريحة الاستهلاك الشهرية (فيما يخص المحروقات والوقود) مثل المعمول به في الكهرباء بحيث يتم تحديد كمية من اللترات تكفي مثلا من يملك سيارة "فيات: لمدة شهر، أما من يملك سيارة "مرسيدس" فستكفيه لمدة 10 أيام، ووقتها سيكون على القادر شراء باقي احتياجه بسعر غير مدعم،
مضيفا بأنه يمكن استخدام البطاقات الذكية التي حان وقتها في هذه الفترة.



ووافقه الرأي هادى فهمي نائب الرئيس التنفيذي لهيئة البترول والأمين العام للجمعية المصرية للبترول، قائلا "لابد من توجيه الدعم للأولويات فليس من المنطقي إعطاء الدعم لمالك سيارة في ظل احتياج قطاعات أخرى مثل الصحة والتعليم والزراعة التي تمثل أمنا قوميا لهذا الدعم".

وأضاف فهمي أنه ما دام سعر الطاقة بعيدا عن سعره الحقيقي، فالمواطن لن يقدر قيمتها وسيستخدمها بإسراف ، مقترحا تحديد فئات من السيارات تحصل على الوقود بسعر مدعم، مثل السيارات الخاصة بالبسطاء ومحدودي الدخل والتاكسيات، وفى المقابل تحصل السيارات الفارهة على الوقود بسعر غير مدعم لأنه ليس من المنطقي أن نعطى لمالك bmw ومرسيدس دعما، بحسب تعبيره.

وكان حمدي عبدالعزيز المتحدث الإعلامي لوزارة البترول قد أكد أن ملف إعادة هيكلة دعم الطاقة قيد البحث في مجلس الوزراء، وذلك بعد تصريحات للدكتور أحمد درويش وزير الدولة للتنمية الإدارية، قال فيها إن الحكومة تفكر جديا في إعادة هيكلة دعم الطاقة، مشيرا إلى أن دور وزارته يقتصر على بناء النظم وتهيئة بيئة العمل من خلال تكنولوجيا المعلومات لدعم عملية توزيع السلع والخدمات بما يضمن كفاءة وصول الدعم لمستحقيه، وزيادة أعداد المستفيدين من خلال عملية الوفر في السلع والخدمات.

contactcars | حرمان السيارات الفارهة من البنزين المدعم

و الله انا شايف اولى يعملوا كده مع التاكسيات و الميكروباص اللى بيستعمل بنزين .. باعتبارهم مشروع تجارى الحكومة بتدعمه .. زى ما تبقى فاتح محل و الحكومة بتعدى عليك كل يوم يدولك مبلغ .. و ياريت بيحسوا او بيقدروا .. كلهم بيحطوا 80 و يحاسبوا الناس على انهم بيحطوا 90 و البنزين غالى .. استعباط يعنى .. يبقى الحكومة تجبرهم يحططوا 90 .. و ده حايخلى اللى راكب عربية يلاقى ال80 .. و مش حايخلى حد ما يستحقش دعم يستفاد منه و خلى الجشع ينفعهم ..

هادى فهمى : ليس من المنطقى أن نعطى لمالك الـ(bmw) والمرسيدس (وقود مدعم)

و للا مالك التاكسى و الميكروباص اللى بيحاسب الناس على ان البنزين غالى و مشطبين على ال80 اللى فى المحطات اللى هو من حق اللى راكب العربية الخاصة و مش من حق اللى مشغل فلوسه فى مشروع تجارى زى تاكسى او ميكروباص و مكان الاتوبيسات السياحية و السيارات النقل والسيارات التى تعمل فى اى مشاريع تجارية و بياخدوا من دعم المفروض انة مخصص للافراد مش للمشاريع التجارية .. عمركوا سمعتم عن حد فاتح محل و الدولة بتدعم البضاعة اللى حاطيطها فية ؟؟؟

والله انا مش عارف اقول ايه احتراما لقواعد المنتدى

واللة حاجة تقرف . بكرة يقولك اي عربية موديلها بعد سنة 2006 يبقي صاحبها من الاخوة القادرين و ايلي ملهمش حق ف الوقود المدعم

طيب مش الناس اللى معاهم bmw ومرسيدس دول بيدفعوا دم قلبهم كل سنه فى الترخيص يعنى مش بيخدوا البنزين مدعم ولا حاجه زى مالحكومه فاكره