سؤال إلى السادة المتزوجون ؟

**wael3m** · 26-04-2010 02:05 PM

المشاركة الأصلية كتبت بواسطة brown-eyes

ايوه في ايطاليا بس مراتي مصرية بس صدقني الستات كلهم دماغهم واحدة مابتفرقش الجنسية

صدقت والله

**ZALABANY** · 26-04-2010 02:10 PM

نعم طبعا جدا

**نور القمر** · 26-04-2010 02:46 PM

ده انا مثالية بقه عمري ما غيرت من العربية
بالعكس ديما اتحايل عليه يوضبها ويغسلها ويهتم بيها شوية وبزعل لما يكون موضبها ويخبطها ويبهدلها تاني
اما بقه موضوع الكمبيوتر فأنا ديما اهدده بالانتقام من اللاب توب بشوية ميه ومرة دعيت علي اللاب راح الهارد ضرب بالشغل اللي عليه وقعد يومين تلاتة يسترجع الباك اب المهم
وديما افكره واقوله عشان تعرف ان دعوتي مستجابة وخد حذرك مني واتقي شر غضبي عليك هههههههههههه

عايزين الجد بقه من غير هزار
مفيش ست هتغير من عربية ولا كمبيوتر ولا اي اهتمام او هواية الرجل بيمارسها الا لو مهملها فعلا ومش مخصص لها جزء من وقته
اعتبرها واحد صاحبك يا عم وجاملها بشوية وقت ولا مديرك اللي متقدرش ترفض له طلب
الستات دول غلابة بجد كل مشكلتهم عايزن شوية اهتمام وانتم بخلانين هليهم بيه

**hamedo0** · 26-04-2010 02:52 PM

والله يا استاذه نور هو الموضوع مش موضوع بخل بس هو الراجل طلع عينه في الشغل فابيدور علي نفسه من الاخر بعيد عن الست بتاعته عشان خايف لطلع عينه هي كمان فبيدور علي الكمبيوتر واصحابه بس هي دى المشكله البصدفها عند الناس المتجوزين ............. انا لسه مش دخلت القفص

**human** · 26-04-2010 02:56 PM

المشاركة الأصلية كتبت بواسطة نور القمر

الستات دول غلابة بجد كل مشكلتهم عايزن شوية اهتمام وانتم بخلانين هليهم بيه[/color][/size]

شويه اهتمام!!

شويه بس يا نور!!!

ده انت طيبه اوى

**mohabelnegm** · 26-04-2010 02:57 PM

فى مقولة بتقول أن الراجل على قد درجة أهتمامة بعربيته بيهتم بنفس الدرجة بمراته. يعنى لما تلاقى واحد مهتم جدا بعربيته بتكون دى أشارة كويسة أنه هيكون على نفس المنوال فى بيته و مع مراته. و نفس الشىء لما تلاقى واحد سايق عربيه مش نضيفه من جوة و من برة و مليانه كراكيب من جوه و لازق الفانوس بشيكارتون و مربط ألأكصدام بسلك و العربيه مخبطه من كل حته و مقشرة و هو سايبها على الحاله دى!!تخيل دة عامل أزاى فى بيته و معاملته لمراته.

**OmarElsalhy** · 26-04-2010 03:17 PM

ياجماعة الستات رضاهم السهل الممتنع بس انا غالبا مابفهمش هما عايزين ايه
المفروض اني بقعد مع مراتي طول ايم الاسبوع في القاهرة وبنرجع الجمعة والسبت نشوف اهلي واهلها .... تمام
الاسبوع الي فات اقعدت مع مامتها في الزقازيق وانا قاعد هنا لوحدي زي قرد قطع قولت خلاص ياواد انا بخلص شغل الساعة 4 وانا جنب في القطامية يعني جنب طريق السخنة قولت ياواد انت عندك اصحاب في السويس بيشتغله في السخنة روح قضي يوم بدل مانتا قاعد زي العواجيز كده
المهم قولتلها علي الفكرة دي والدنيا قامت مقعدتش يامعلم فين اما يوجعك ..... عياط وتأنيب وكلام من اللي قلبك يحبه عن
1- صحابي الي شاغلين كل وقتي (والله مان بقالي اكتر من شهر ماشوفتهم ولما بشوفم بيبقي في القاهرة ودي اول مرة اروح السويس من ساعة ماتخرجت)
2- العربية الي وقتي كله معاها وبقعد معاها اكتر مانقعد مع مراتي وبحافظ عليها ( عشان عملت فرش جلد بتقولي انت كسيته طب كنت اكسيني انا الاول مع العلم انا والله مابرفضلها طلب ده بأعترافها هي شخصيا والله علي ما اقول شهيد)
3- اني طول مايقعد معاها ياإما قاعد علي اللاب توب او نايم وانها لوكانت واحد صاحبي كنت قعدت معاه ( والله بقعد معاها وبنخرج يوم ويوم تقريبا عشان افسحها وبناكل بره)
4- الباقي كلام عن مدي تقصيري في اي حاجة وبس ومدي اسرافي وعدم احساسي بالمسؤولية

بعد 4 ايام مصالحة (نكد وعكننة وانت لازم تبتسم وتقول حقك عليا ومش هعمل كده تاني) قالتلي معلش اصلي بغير عليك من اي حاجة وانت الي مدلعني ومعودني علي كده

بالذمة ده كلام يعني هو ذنبي؟؟؟؟؟؟؟؟؟؟؟؟؟؟؟؟؟؟؟؟؟ ؟

**shaddadfalcon1** · 26-04-2010 03:32 PM

دانا مراتي ملاك علي كده

انا لا بخرج ولا باكل بره وطول الوقت قدام الكمبيوتر وياسلام لو جيت في يوم وقعدت معاها نص ساعه نتكلم تبقي الفرحه مش سايعاها
ده غير اني لما اقولي تعالي اشتري لبس تقولي يعني هو انا هروح بيه فين - مش لازم وهالتلك انت- طيب يابنتي تعالي نخرج نتعشي بره تقولي لا نحوش عشان نجيب شقه تمليك احسن

الحمد لله علي النعمه اللي انا فيها

**human** · 26-04-2010 03:35 PM

المشاركة الأصلية كتبت بواسطة shaddadfalcon1

دانا مراتي ملاك علي كده

انا لا بخرج ولا باكل بره وطول الوقت قدام الكمبيوتر وياسلام لو جيت في يوم وقعدت معاها نص ساعه نتكلم تبقي الفرحه مش سايعاها
ده غير اني لما اقولي تعالي اشتري لبس تقولي يعني هو انا هروح بيه فين - مش لازم وهالتلك انت- طيب يابنتي تعالي نخرج نتعشي بره تقولي لا نحوش عشان نجيب شقه تمليك احسن

الحمد لله علي النعمه اللي انا فيها

اهلا وسهلا بحضرتك و نهنئك بسلامه الوصول
انا طارق من كوكب الارض

ده انا امى مابتقوليش كده