الموضوع: سؤال إلى السادة المتزوجون ؟

المشاركة الأصلية كتبت بواسطة human12

الموضوع كله ان الزوجه بتدور على اى حاجه جوزها مهتم بيها و تطلع عينه و عين اللى جابوه عشان بيعملها
يعنى لو حضرتك بتقرا كتاب يبقى يا ويلك و سواد ليلك
لو بتحب التليفزيون تبقى قاعد عمرك و سايبها
لو بتحب تتمشى يبقى مالكش شغله غير السرمحه فى الشوارع
لو بتحب تنام يبقى سايبهم و نايم على طول
لو بتحب تقعد مع صحابك يبقى خارج كل يوم و سايب الجاريه اللى جابوهالك
لو بتحب الكومبيوتر تبقى قاعد عليه ليل و نهار و مش مهم شغلك ولا اى حاجه و اكيد فيه واحده شغلاك على النت
لو بتحب عربيتك تبقى انت مش بتحبها و العربيه عندك اغلى منها
لو بتحب التصوير ابقى خلى الكاميرا تنفعك
لو بتحب تتكلم فى التليفون تبقى عامل زى الستات و مش وراك حاجه
لو بتتكلم معاها تبقى رغاى و كل حاجه تحكيها و الحياه ممله
لو مش بتتكلم معاها تبقى انت مش بتحبها


لو اى حاجه هيه هتلاقى حاجه تقرفك بيها

كل ده شايله فى قلبك ومخبى
ليك حق تخالف كل قواعد المنتدى مش 9 ب بس
ههههههههههههههههه
بس انا ليا سؤال
لو عكسنا الموقف هيكون ايه رد فعلكم
بمعنى لو زوجتك هى اللى مدمنة كمبيوتر وبتخلص شغل البيت والاولاد وباقى وقتها قدام الكمبيوتر ومش بتقعد تتكلم معاك ؟؟
لو عندها عربيتها وبتحب العربيات ودايما مهتمة تغير وتجدد فى عربيتها ؟؟؟
لو ليها صديقات كتير ومن هواة الخروج وانهاردة فى النادى وبكرة فى السينما ويعده فى سيتى ستارز؟؟
فكر وبعدين جاوب

المشاركة الأصلية كتبت بواسطة terrible_darsh

على اساس انها هى رجل البيت اللى بيشتغل و يصرف و يطلع همه فى كمبيوتر و اصحاب !

مواضيع الجواز و الرجل و المراة من ضمن ملايين المواضيع اللى ملهاش اخر و لا نتيجة , و دايما كل واحد شايف نفسه صح مهما حصل .

مواضيع بلا نهاية .

لا حضرتك على اساس انها انسان له رغبات وميول
ووارد جدا يكون لها نفس اهتماماتك واكتر ووارد جدا تكون ثقافتها اعلى من ثقافتك ورأيها ارجح
مفيش اى صفات او اهتمامات حكر على الرجال
وسؤالى واضح جدا
هل تقبل يكون عندها اهتمامات بجانب واجباتها الزوجية اللى هتأديها بدون تقصير
لكن هتشبع اهتمامتها فى الوقت اللى المفروض تقضيه معاك
ولا ننسى ان الكثير من الزوجات تعملن مثل الرجل وربما اكثر