الموضوع: سؤال إلى السادة المتزوجون ؟

المشاركة الأصلية كتبت بواسطة shaddadfalcon1

دانا مراتي ملاك علي كده

انا لا بخرج ولا باكل بره وطول الوقت قدام الكمبيوتر وياسلام لو جيت في يوم وقعدت معاها نص ساعه نتكلم تبقي الفرحه مش سايعاها
ده غير اني لما اقولي تعالي اشتري لبس تقولي يعني هو انا هروح بيه فين - مش لازم وهالتلك انت- طيب يابنتي تعالي نخرج نتعشي بره تقولي لا نحوش عشان نجيب شقه تمليك احسن

الحمد لله علي النعمه اللي انا فيها

في ستات كتير كدة وانا اعرف ناس منهم
بس النتيجة بتكون ان الرجل بيتعود على كدة وبعد ما كان بيعزم عليها هتلاقيه واحدة واحدة بطل حتى عزومة المراكبية ويتحول لشخص اناني بالتدريج
وتبدأ الست تشعر بمدى التقصير والاهمال وتبدأ تشيل في نفسها ويتراكم عندها وهتيجي في وقت وتنفجر
اوعى تقع في الغلطة دي

المشاركة الأصلية كتبت بواسطة human12

اهلا وسهلا بحضرتك و نهنئك بسلامه الوصول
انا طارق من كوكب الارض

ده انا امى مابتقوليش كده

اهلا ياطارق بيك علي كوكبنا

المشاركة الأصلية كتبت بواسطة نور القمر

في ستات كتير كدة وانا اعرف ناس منهم
بس النتيجة بتكون ان الرجل بيتعود على كدة وبعد ما كان بيعزم عليها هتلاقيه واحدة واحدة بطل حتى عزومة المراكبية ويتحول لشخص اناني بالتدريج
وتبدأ الست تشعر بمدى التقصير والاهمال وتبدأ تشيل في نفسها ويتراكم عندها وهتيجي في وقت وتنفجر
اوعى تقع في الغلطة دي

لا والله انا دايما بعزم عليها ومش ببخل عليها بحاجه
دانا حتي ساعات بتخانق معاها واقولها انتي ليه مش بتطلبي حاجات زي بقية الستات

وفعلا في ستات كتير كده وخصوصا اللي من الأرياف او فيهم زي مابيقولو عرق فلاحي