الاتفاق على مكان مقابلة نيسان يوم 30/4 هنا .....

**amir** · 28-04-2010 05:47 AM

لسه راجع من شويه من سفر و علشان كده مكنتش متابع
ياللا ربنا يسهل
اللي عايز يقابلني عند المنصه في مدينه نصر و نتحرك سوا مفيش مشاكل خالص
بس يبعتلي علي الخاص رقمه و ان شاء الله ارتب معاه

**hanyelrakhawy** · 28-04-2010 10:06 AM

المشاركة الأصلية كتبت بواسطة sab3aawy

هحاول اكون موجود بإذن الله، لكن آخر كلام هتقعدوا فى جراند كافيه وللا فى سفارى علشان الواحد ميدوخش عليكم ولو امكن اخونا امير يبعت لى نمرته على الخاص علشان تسهل عملية التواصل

إن شاء الله إحنا منتظرينك و وجودك فى حد ذاته خبر سعيد جداً .... و على العموم جراند كافيه و سفارى لازقين فى بعض و القعده بتاعتهم تقدر تقول مفتوحين على بعض .... و عموماً أعتقد إن سفارى أفضل شويه من جراند كافيه و أكبر و إختياراته الأكل فيه أكتر

**Ali_Abo_Amr** · 28-04-2010 10:17 AM

المشاركة الأصلية كتبت بواسطة sab3aawy

هحاول اكون موجود بإذن الله، لكن آخر كلام هتقعدوا فى جراند كافيه وللا فى سفارى علشان الواحد ميدوخش عليكم ولو امكن اخونا امير يبعت لى نمرته على الخاص علشان تسهل عملية التواصل

المهندس سبعاوى جاى ؟؟؟؟؟ لأ مش مصدق عينيا ...نفسى اشوفه بشكل

**Ali_Abo_Amr** · 28-04-2010 10:21 AM

ممكن يا جماعة وصف الطريق من الدائرى من طلعة الدائرى اللى فى كورنيش المعادى ....

**Ahmed.TV** · 28-04-2010 01:32 PM

دول الاعضاء اللى باذن الله جايين

(amir)-(hanyelrakhawy)-(maka)-(eng.octooo)-(Eng:mohamed)-(aymenseef)-(atefadl)-(mohali1666)
(Mohamed.Ramah)-(sab3aawy)

(samehrashed-tida) -(tiida_mohamed -tida) -(ahmed.tv-tida)-(AhmadKamal-tida)-(moonnight000-tida)-(ali_amr tida)

بالنسبة الى اللى جى من المعادى او حلوان بيطلع الدائرى من على الكورنيش ويفضل ماشى فيه لغاية ما يوصل الى الوصلة الجديدة اللى بتربط الدائرى المعادى بدائرى اسماعيلية , المهم يدخل الوصلة دى وحيلاقى مكتوب عليها كمان اسكندرية الصحروى , حيدخل فيها ويمشى لغاية اخر الوصلة دى , حيلاقى ليها نزلة يمين ونازلة شمال , ينزل النزلة اللى الشمال اللى بردوا بتودى الى طريق مصر اسكندرية وطريق الواحات , بعد ما ينزل من الوصلة دى حيمشى حوالى كيلو وحيلاقى نازلة طريق مصر اسكندرية ويفضل ماشى فيها حوالى 7 كيلو تقريبا وحيكون وصل الى نقطة التجمع عند دندى مول فى ساحة الانتظار الكبيرة بتعته

ولو حد عاوز اى حاجة يكلمنى او يكلم امير او محمد سليمان والناس اللى جية وينسق معانا ,
وده رقمى بردوا عشان اللى عاوز يستفسر عن اى حاجة 0188814049 احمد مصطفى ,

الوحد سعيد جدا بالجدية دى وبكل الناس اللى حتيجى باذن الله المقابلة وسعيد بردوا بالناس اللى حاولت تيجى ومقدرتش عشان ظروفها , وانشاء الله يكونوا معانا المرة اللى بعدها باذن الله , وحيكون وقتها فى تنسيق مسبق بوقت كبير عشان تناسب ظروف الكل