نعومة المازدا

**أبو_يوسف** · 26-04-2010 11:03 AM

السلام عليكم ورحمة الله وبركاته..
بداية.. معلوماتي قليلة جدا عن المازدا 3 وعندي استفسار
انا معايا سيراتو 2006 مانيوال وبفكر اغير باتوماتيك وفي نفس الوقت عايز عربية تكون ناعمة لأني جربت النترا 2009 كام يوم وبصراحة كل اللي اقدر اقوله "مع الالنترا .. المطبات متعة" فهل المازدا فيها نعومة ولا لأ .. لأني قرأت بعض الاراء هنا عن ان العربية ناشفة شوية بس مقابل الثبات الجامد طبعا..
وفي نفس الوقت بفكر في الكرولا لاني عارف ان اكيد فيها نعومة عالية بس شايف ان المازدا ممكن تكون اقل في السعر بفرق كويس
انا بتكلم عن عربيات مستعملة مش زيرو .. يعني موديلات من 2006 - 2008
افيدوني مشكورين مأجورين..

**himaz** · 26-04-2010 01:07 PM

المازدا ناعمة يا باشا حتى اللى فيها جنوط 16

يس موضوع المطبات متعة ده معتقدشى ان مطبات مصر متعة خالص
فى الاخر دى جبال

و برضه اى عربية فيها جنط هتحس بالمطبات انشف شوية

ربنا يوفقك

**nightmare_9595** · 26-04-2010 10:18 PM

احب اطمنك يا باشا المازدا 3 ناااااااااعمه و ثاااااااااااااااااااااابت ه.متقلقش.

و جربها و اتاكد بنفسك.
و بعدين مطبات مصر دي اصلا معموله عشان تكسر العربيه يعني مش متعه ولا حاجه,
ربنا يوفقك ان شاء الله و تبقي مازداوي جديد

**Moe86** · 27-04-2010 01:48 AM

أنا ركبت الأتنين و فى رأيى المازدا أنشف حاجة بسيطة بس كثبات فرق رهيب

**janjon1978** · 27-04-2010 05:12 AM

المشاركة الأصلية كتبت بواسطة moe86

أنا ركبت الأتنين و فى رأيى المازدا أنشف حاجة بسيطة بس كثبات فرق رهيب

معاك حق فعلا المازدا انشف شوية مع الفارق فى الثبات لصالح المازدا ( مع ان اللنترا الجديدة ايضا حلوة فى الثبات بس اكيد مش زى المازدا )

**أبو_يوسف** · 27-04-2010 10:21 AM

اشكركم جميعا على الردود يا جماعة الخير..
انا كنت قلت اني بفكر في المازدا علشان فرق السعر بينها وبين الكرولا ونسيت اقول كمان ان المازدا عاجباني اكتر .. من حيث الشكل وزي ماهو واضح الثبات..
بالنسبة للمطبات مقصدش المطبات الرسمية.. اقصد النقر والمقبات اللي شوارعنا مليئة بها..:)
انا هاتجول في المواضيع اللي بتوضح الفروق بين فئات المازدا ومواصفاتها..
دعواتكم

**أبو_يوسف** · 27-04-2010 07:05 PM

ايه هو نظام البصمة في كماليات المازدا يا جماعة؟؟

**himaz** · 27-04-2010 07:36 PM

المشاركة الأصلية كتبت بواسطة timtim

ايه هو نظام البصمة في كماليات المازدا يا جماعة؟؟

ده نظام ال سمارت كى Smart key
وده بيخليك تسيب المفتاح فى جيبج و مطلعوش لانك مش هتستخدمه ابدا

العربية فيها سنسور اما تقرب منها بالمفتاح تقدر تدوس على زرار ب مقبض الباب الامامى يمين او شمال
و كده العربية اتفتحت ,
نفس الحكاية و انت بتقفل بس الموضوع ده لا يحتوى على اغلاق النوافذ لو كانت مفتوحة
نفس الحكاية وانت بتدور الموتور , حاجة زى ودن كدة بتدور بيها العربية عادى
نفس الحكاية مع الشنطة

فى حالة ان بطارية الريموت خلصت او بطارية العربية نفسها باظت تقدر ساعتها تطلع المفتاح المانوال العادى و تستخدمه عادى جدا سواف فى فتح باب السواق او الشنطة او تشغيل الموتور

ملحوظة هذا النظام غير متوفر بكل فئات المازدا 3 وانما متوفرفى بعض فئات الهاى لاين

طبعا النظام ده جامد جدا ل3 اسباب :
1.انه مريح جدا فى تعاملك مع العربية
2.انو بيحافظ على كوالين العربية بالكامل و ده بيزود امانة الاغلاق
3.انك استحالة تقفل على المفتاح جوه العربية و تقفل عليها لان السنسور بيحس ان المفتاح جوه مش بره فبيرفض عملية الاغلاق مع تنبيه مختلف