حاجة مستفزة فعلاً!!! ادخل و احكم ...

**M.Osman** · 26-04-2010 09:46 PM

دلوقتي انا متفق مع الرأي اللي بيقول ان دعم البنزين للجميع بالوضع الحالي دا سفه و تبذير من الحكومة

طب حد يفسر لي الموقف الغريب دا...

بمون في المحطة ... بنزين 92 ..عشان عربيتي اقل من كدا بتقعد تكركر و تعمل اصوات غريبة

الاقي اية بقى؟
عربية كورولا الشكل الجديد بتمون بنزين 90 !!
...
و عربية تيريوس i بتمون 80

طب دا من اية ؟؟
و بعدين نرجع نقول ال80 اللي عربيته قديمة محتاجه مش لاقيه ...

معلش انا هسأل سؤال رخم ... ممكن يزعل ناس كتير مني ... لو انا مش قادر على عربية بتاخد 92 .... اجيبها لية ؟؟؟ عقدة منظرة و لا ثأر مع الحكومة ولا أية ؟؟؟؟

**3ateef** · 26-04-2010 09:48 PM

اللى يحط بنزين 80 وعربيته المفروض ميتحطش فيها اقل من 90 بصراحة انا مش حقول رأى فيه......

**Maged_Samy** · 26-04-2010 09:52 PM

المشاركة الأصلية كتبت بواسطة m.osman

دلوقتي انا متفق مع الرأي اللي بيقول ان دعم البنزين للجميع بالوضع الحالي دا سفه و تبذير من الحكومة

طب حد يفسر لي الموقف الغريب دا...

بمون في المحطة ... بنزين 92 ..عشان عربيتي اقل من كدا بتقعد تكركر و تعمل اصوات غريبة

الاقي اية بقى؟
عربية كورولا الشكل الجديد بتمون بنزين 90 !!
...
و عربية تيريوس i بتمون 80

طب دا من اية ؟؟
و بعدين نرجع نقول ال80 اللي عربيته قديمة محتاجه مش لاقيه ...

معلش انا هسأل سؤال رخم ... ممكن يزعل ناس كتير مني ... لو انا مش قادر على عربية بتاخد 92 .... اجيبها لية ؟؟؟ عقدة منظرة و لا ثأر مع الحكومة ولا أية ؟؟؟؟

كل يوم بشوف عربيات اخر موديل بتمون 80 ومش هقدر اقولك ماركاتها لانى شفت ماركات كتير جداً ، بس معظمها بتبقى عربيات شركات والسواق حرامى او متأجره واللى سياقها طبعاً ميهموش يجرللها ايه او يكون صاحبها ورثها من جده اللى فى الصعيد ومش لاقى ياكل ولا يأكلها .

**factorialx** · 26-04-2010 09:55 PM

إيه المشكله طيب ما ممكن صاحب التيريوس ده عنده أقساط و بيشتغل صبح و بليل و عايز يتجوز و لسه الجهاز مكملش و الفرح كمان شهرين

هو يعني جت عالبنزين طيب ما كليات الحكومه فيها ناس غنيه و بتدفع ال166 جنيه المصاريف في السنه زيها زي اللي من أقاليم و بيدفعهم بالعافيه

الحكومه هي اللي فيها حاجه غلط

**maged** · 26-04-2010 10:01 PM

ايه المشكلة ان واحد يمون 80 لعربية حديثه طالما ان العربيةهو شايف انها ماشية كويس مع ال 80 وطبعا هو عارف المشاكل اللى ممكن تحصل من كده ومتحمل كافة العواقب ومستعد يجازف بالموتور مقابل فرق السعر مع ان الموتور الزيرو مش هيجراله حاجه خلال 5 سنين وبعد كده يبيعها عادى ولا من شاف ولا من درى
على فكرة انا لسه بايع عربيتى لانوس 2 وكنت بحطلها 92 بس بقول وجهة نظر اخرى بصراحة مقتنع بيها

**romeo_6887** · 26-04-2010 10:05 PM

عربية كورولا الشكل الجديد بتمون بنزين 90

صاحبها راجل بيستهبل و الله لان حرام عليه محرك العربيه و كمان اكيد نسبه انضغاط المحرك اكبر من 10 فلازم بنزين 92

و عربية تيريوس i بتمون 80

ده استهبال رسمي فهمي نظمي

**3ateef** · 26-04-2010 10:24 PM

المشاركة الأصلية كتبت بواسطة factorialx

إيه المشكله طيب ما ممكن صاحب التيريوس ده عنده أقساط و بيشتغل صبح و بليل و عايز يتجوز و لسه الجهاز مكملش و الفرح كمان شهرين

هو يعني جت عالبنزين طيب ما كليات الحكومه فيها ناس غنيه و بتدفع ال166 جنيه المصاريف في السنه زيها زي اللي من أقاليم و بيدفعهم بالعافيه

الحكومه هي اللي فيها حاجه غلط

يبقى يجيب 128 حمراء ويحط فيها البنزين اللى هو عايزه...واللى مش اد مصاريف عربية ويجيبها يبقى سورى يعنى.........

وحكاية المصاريف مفتكرش ان ليها علاقة بالموضوع.....

المشاركة الأصلية كتبت بواسطة maged

ايه المشكلة ان واحد يمون 80 لعربية حديثه طالما ان العربيةهو شايف انها ماشية كويس مع ال 80 وطبعا هو عارف المشاكل اللى ممكن تحصل من كده ومتحمل كافة العواقب ومستعد يجازف بالموتور مقابل فرق السعر مع ان الموتور الزيرو مش هيجراله حاجه خلال 5 سنين وبعد كده يبيعها عادى ولا من شاف ولا من درى
على فكرة انا لسه بايع عربيتى لانوس 2 وكنت بحطلها 92 بس بقول وجهة نظر اخرى بصراحة مقتنع بيها

ربنا شايفه وشاهد على اللى هو بيعمله....بس لو يفكر..

**hugan** · 26-04-2010 11:57 PM

المشاركة الأصلية كتبت بواسطة maged_samy

كل يوم بشوف عربيات اخر موديل بتمون 80 ومش هقدر اقولك ماركاتها لانى شفت ماركات كتير جداً ، بس معظمها بتبقى عربيات شركات والسواق حرامى او متأجره واللى سياقها طبعاً ميهموش يجرللها ايه او يكون صاحبها ورثها من جده اللى فى الصعيد ومش لاقى ياكل ولا يأكلها .

+111111111111 معظمها عربيات شركات والباقي ايجار مش لو العربيه اتحرقت مش بتاعته