الموضوع: استفسارهام بخصوص لانوس 2010 أرجو المساعدة!

المشاركة الأصلية كتبت بواسطة khaled4nour

1- اريد ان اقوم بعمل صيانة الألف كيلو فى التوكيل؟ علماً بأن صاحب المعرض قالى ان
اللانوس اول كشف عليها عندما تكمل الـ خمسة الاف كيلو لانه لا يوجد فى كتيب الضمان
خانة للـ ألف كيلو وأول خانه هى 5000 كيلو .

الشيفرولية لانوس ملهاش صيانة فى ال 1000... و ايام الدايو مكنش بيتعمل فى الصيانة دى حاجة غير مراجعة فى السريع... دة لا يعنى ان مش منحقك تراجع التوكيل فى اى مشكلة فى العربية فى اى وقت

2- طوال فترة قيادتى لما اذود الـ rpm عن 3 للحفاظ على السيارة . الامس كنت اقود السيارة
فحاولت اذود السرعه فجأت بأنى لم احصل الا على سرعه 130كمبالعافية وكان الـ rpm
وصل الى 4 مع انى ضاغط ع البنزين للاخر وعلى الغيار رقم 5 والطريق ممهد مش مطلع ,
وحاولت اليوم ايضا ونفس النتيجة.

هو انت كنت بلين العربية ازاى؟

لو كنت مخللى الRPM تحت 3000 دايما و بتمشى بالراحة يبقى انت خنقت العربية و لازم تحرق عليها عشان تجمع معاك

عشان تحصل على اقصى سرعة لازم تحرق على الغيارات... مينفعش تكبس على ال5 و انت على 2500 او 3000 و تتوقع ان العربية حتجمع بسرعة او توصل الى سرعة عالية... لازم تحرق على الغيارات يعنى التالت توصل الى 120 و الرابع الى 150 و بعد كدة تحط خامس و تدوس للاخر

3- ما راي سيادتكم فى فكرة حرق الغيار اى الوصول للغيارة بسرعه الـ rpm الى 5
او للسرعة القصوى ؟ وهل لو هذه الطريقة صحيحة هل تؤثر على الموتور علماً بأن السيارة
لسه عملة الف كيلو ؟ وما مدة عمل حرق الغيار؟

الحرق على الغيار بيستخدم لما تحب تطلع القدرة القصوى للمحرك... يعنى لما تحب تتسارع بقوة او تحقق اعلى سرعة ممكنة... و الحرق بيبقى عن طريق الوصول الى 6500 لفة ثم النقل الى النقلة التالية

من ناحية الاضرار فا مفيش اضرار على الموتور طالما المكنة اساسا سليمة و بتعملها صياناتها الدورية فى مواعيدها و بتستعمل قطع غيار اصلي

طبعا الاعتياد لعى الاستخدام دة بيعتبر مجهد للمكنة و حيستهلك بنزين كتير و حتحتاج تعمل صياناتك الدورية عند فترات اقرب من الطبيعى لانك بتستهلك المكنة بشكل اكبر من المستخدم العادى... دة لا يعنى ان المكنة حتتلف لكن حتحتاج رعاية اكبر من اى حد بيستخدم العربية بشكل اقتصادى

4-أستهلاك البنزين غير طبيعى منذ استلامى للسيارة وانا احسبه جيداً, انا استخدم بنزين 92 معدل
الأستهلاك 180 كيلو فى الصفيحة اى اللتر بيعمل 9 كيلو بالرغم انى طريق قيادتى ممهد وليس به
اى توقف ولا اسخن السيارة الا خمسة دقائق فقط صباحاً وقيادتى محترمة.

مدة التسخين كتير جدا... العربية محتاجة 30 ثانية فقط

معدل الاستهلاك طبيعى... ممكن يتحسن عن كدة لو بتسوق على 90 فى طرق مفتوحة بدون توقف او حرق على النقلات

5- صوت الموتور عالى نسبيا اى يقال عنه انه غير طبيعى بشهادة ثلاثة من زملائي ويوجد هزة
بسيطة من حين لاخر بعد كل غيار وفى السلانسية ايضاً.

راجع الوكيل

6- زوايا العجل غير مظبوظة عندى لانى اختبرتها فى طريق ممهد والسيارة تتجه يميناً.

راجع الوكيل

MMamdouh