الموضوع: ال rpm بقى عالي تاني

السلام عليكم ورحمه الله وبركاته
انا خلاص زقهت من العربية كل ما أظبط حاجة الاقي حاجة تانية باظت ... بعد ما عملت صيانة للعربية من كام يوم لقيت النهاردة مشكلة ان العربية في السلانسية صوتها عالي وال RPM بيوصل ل 1500 و 2000 وانا واقف , وحتى لما بامشي بالعربية مثلا على الغيار الأول واسيب رجلي من دواسة البنزين الRPM بيكون برضه ما بين 1500 و 2000 , المهم رحت للميكانيكي راح موطي مسمار الأكسراتير تقوم العربية توطى شوية وبعدين تعلى تاني , فضل يغير في حساس الايدل و الTPS بحساسات تانية عنده في الورشة مفيش فايدة , راح مغير البوابة كلها وركب الحساسات بتاعتي راح الصوت هدي لى طول والعربية بقت تمام التمام وبقت حتى بدور من اول لمسة .
لما شاف البوابة بتاعتي وراني ان فيه بوش في بكرة الأكسراتير والبوابة نفسها فيها فراغ ممكن الهواء يعدي منها ... طبعا شكيت في كلامه رحت بالبوابة لميكانيكي تاني وبص عليها وقالي نفس الكلام .... فكنت ايز اعرف فعلا البوابات ممكن تبوظ وتسبب المشكلة اللي حكيت عنها ولا ايه ؟
ولو باظت فعلا في منها أصلي وبكام ؟
أنا ححاول اصور البوابة بتاعتي عشان اوريهالكو
ملش طولت عليكو انا أسف .... وشكراً

[aldl]http://www.9m.com/upfiles/Z2z15214.jpg[/aldl]

[aldl]http://www.9m.com/upfiles/htf15214.jpg[/aldl]