الموازين العسكرية ترجح كفة مصر في حرب محتملة على النيل

**dode2002** · 27-04-2010 04:20 AM

مفيش حرب انسوووووووووووووووووو

**hugan** · 27-04-2010 04:47 AM

هي مش حرب بمعني الحرب الشامله مش ها تبقي اكتر من عمليات عسكريه بنظام الكماين قوات كو ماندوز وقوات صاعقه لتنفيذ تفجيرات والقيام بعمليات تفجير في الا عماق زي عمليه الحفار اللي اتنفذت في ساحل العاج سنه 1969 ويستحيل القوات الجويه تقوم بعمليات وطلعات بسبب المسافه + ان اثيو بيا وكينيا اكيد اسرائيل مزو داهوم با نظمه دفاع جوي متطوره ولابد من قاذفات بعيده المدي بدون قدرات قتاليه ومناورات ودي لا زم بتطلع في حمايه مقا تلات بس لو المعلومات دي عن الجيش المصري الواحد يقدر يطمن وبعدين احنا السبب من الاول علشان مصر اهملت موضوع مصير ي زي النيل وتركت الحبل لا سرائيل علي الغارب ونيجي نفكر في حرب اكيد المخابرات ليها شغل في الموضوع ويستحيل السكوت عليه

**محمد عز** · 27-04-2010 10:06 AM

الكلام ده لو صح

معملوش ليه حاجة مع القراصنة اللى موقفين حال قناة السويس

وخطفوا كام مركب مصرى

على الاقل كانوا عملوا دعايه لمصر وللجيش المصرى

ودول فى الاخر شويه قراصنة يعنى ملهموش ديه

واثيوبيا والدول الافريقيه تعملنا الف حساب

لكن ارجع واقول انســــــى ياعمرو

انتوا مدخلتوش جيش ولا ايه

**human** · 27-04-2010 10:16 AM

معلش بس موضوع كوميدى جدا
1- هل مصر تستطيع تحمل حرب طويله و اقاماه قوات مسلحه خارج الحدود مده زمنيه طويله ؟؟ هل نستطيع ان نتحمل ذلك اقتصاديا؟!
2- هل سنحارب فى فضاء كونى غير محمل بقوى اقليميه اخرى ؟؟؟ هل العالم سينظر و يندد و يشجب و يلجأ لمجلس الامن؟؟!
3- هل البهوات اللى ماسكين البدب فاهمين يعنى ايه حرب و يقدروا ياخدوا قرار زى ده؟!!
4- هل نستطيع تقديم دعم لوجيستى لقواتنا خلف الحدود؟؟؟

اللى يقول هنحارب يبقى مش قارى للواقع
ممكن ضربه عسكريه من غير دعايه و دمتم
انما حرب- لا لا لا

**elassar2010** · 27-04-2010 11:20 AM

المشاركة الأصلية كتبت بواسطة محمد عز

الكلام ده لو صح

معملوش ليه حاجة مع القراصنة اللى موقفين حال قناة السويس

وخطفوا كام مركب مصرى

على الاقل كانوا عملوا دعايه لمصر وللجيش المصرى

ودول فى الاخر شويه قراصنة يعنى ملهموش ديه

واثيوبيا والدول الافريقيه تعملنا الف حساب

لكن ارجع واقول انســــــى ياعمرو

انتوا مدخلتوش جيش ولا ايه

+99999999999999999
ياجماعة الجيش المصرى مايعرفش يحارب العسكرى الى بيدخل الجيش بيتسبلة بالدين ويتشتم بامة طول اليوم ويقف فى الشمس فقط لا غير دة حال الجيش المصرى حاليا اصحابى الى دخلة الجيش قالوا الكلام دة والى مسك سلاح فسهم مسك كلاشينكوف!!!!!!الجيش المصرى هيحارب برشاش كلايشنكوف!!!!!:b4_611:

**بحري** · 27-04-2010 11:54 AM

المشاركة الأصلية كتبت بواسطة elassar2010

+99999999999999999
ياجماعة الجيش المصرى مايعرفش يحارب العسكرى الى بيدخل الجيش بيتسبلة بالدين ويتشتم بامة طول اليوم ويقف فى الشمس فقط لا غير

للأسف للأسف للأسف الكلام ده حقيقي
يوم ما رحت الكشف الطبي شفت مهازل وفي الآخر اسمه يوم واحد ويعدي،،،،يومها كنت حاعمل كارثة بسبب موضوع سب الدين ده...عيل معفن شاويش مخليينه ينظم الشباب وواقف يسب الدين بالأم والأب كأنه بيسبح وماسك خرزانة طويلة وتخينة..رحت مزعقله وهو واقف على الكرسي..نزلي وجاي يتهجم عليا رحت عافقه من بدلته وثبته في الحيطة وقلتله ملكش عندي دية يا كذا ويا كذا..يومها انفجرت في الضباط اللي اتلموا وواحد منهم بس اللي كان متعاطف والموضوع اتلم بعد هيصة جامدة وهليلة وتهديدات بالحبس والمحاكمة....في الآخر يقولك كرامة مصر وكرامة الجيش وكرامة العسكري...بلا قرف

**elassar2010** · 27-04-2010 12:09 PM

المشاركة الأصلية كتبت بواسطة بحري

للأسف للأسف للأسف الكلام ده حقيقي
يوم ما رحت الكشف الطبي شفت مهازل وفي الآخر اسمه يوم واحد ويعدي،،،،يومها كنت حاعمل كارثة بسبب موضوع سب الدين ده...عيل معفن شاويش مخليينه ينظم الشباب وواقف يسب الدين بالأم والأب كأنه بيسبح وماسك خرزانة طويلة وتخينة..رحت مزعقله وهو واقف على الكرسي..نزلي وجاي يتهجم عليا رحت عافقه من بدلته وثبته في الحيطة وقلتله ملكش عندي دية يا كذا ويا كذا..يومها انفجرت في الضباط اللي اتلموا وواحد منهم بس اللي كان متعاطف والموضوع اتلم بعد هيصة جامدة وهليلة وتهديدات بالحبس والمحاكمة....في الآخر يقولك كرامة مصر وكرامة الجيش وكرامة العسكري...بلا قرف

كلام حضرتك هو كلام صحابى الى دخلوا الجيش
وكان فى موضوع فى الاجتماعى عن الجيش والاعضاء برضة اتفقوا على كلام اصحابى ان مصر مافيهاش جيش وماشفوش اسلاحة اصلا حتى مجرد الفرجة

**بحري** · 27-04-2010 12:17 PM

في جيش وفي أسلحة..لكن مفيش كرامة..مفيش عقيدة قتالية كما يقولون..مفيش هدف..دلوقتي اللي بياخد إعفاء من الجيش الناس بتهنيه كأنه خارج من تحت أنقاض الزلزال..واللي رايح يكشف الناس تدعيله بالإعفاء كأنه ذاهب إلى جهنم...مش هي دي البلد اللي بيغنولها من زمان..فين الوطنية بقى..حاليا أسمى معاني الوطنية شوية أعلام من شوية شباب وبنات خايبين بيرقصوا على العربيات بعد الماتشات لو كسبنا ولو اتغلبنا تبقى الفيفا منتهدانا وجوزيف بلاتر بيحكد ع المسريين

**human** · 27-04-2010 12:19 PM

المشاركة الأصلية كتبت بواسطة hugan

اكيد المخابرات ليها شغل في الموضوع ويستحيل السكوت عليه

المخابرات لو كان ليها دور او اى حاجه مكانش الموقف وصل لكده

لو كانوا ليهم دور كانوا عرفوا اللى بيحصل قبل ما يحصل و يقدروا يتدخلوا عشان تصحيح وضع او ترجيح كافه (افريقيا ماليانه فساد و الفلوس ممكن تشترى زمم كتيره زى عندنا برضه)

المخابرات مش فاضيه لغير مراقبه المصريين بالخارج و ملف الفصائل الفلسطينيه و الانفاق

وحد الله و خلينا ساكتين

-

الموضوع: الموازين العسكرية ترجح كفة مصر في حرب محتملة على النيل

LinkBack

أدوات الموضوع

عرض

-

-

-

-

-

-

المواضيع المتشابهه

تعديلات محتملة للداستر في2012

متحدث الخارجية السويسرية : حكومة سويسرا تقرر تجميد ارصدة محتملة لمبـــارك

مواجهات مختلة الموازين

الــمــازدا 3 هتقلب الموازين ..!

الكلمات الدلالية لهذا الموضوع

المفضلات

المفضلات

ضوابط المشاركة