الموضوع: الموازين العسكرية ترجح كفة مصر في حرب محتملة على النيل

مصر مش قد حرب كاملة و الاقتصاد مش ناقص من كتر الشفط و الشعب على اخره و مش مستحمل

والغلطة بصراحة من زمان هى غلطة مصر لانها شالت ايديها من دول حوض النيل وسابت مكانها لاسرائيل

و كمان فكروا معى : انا راجل عايش فى بلدى و ربنا ادنى نعمة طبيعية مش من الظلم انى اديها لغيرى بدون اى تعويض

ومصر للاسف معوضتش حد

وكان رئيس الحكومة الأثيوبية ميلس زيناوي قد تحدث في تصريحات نشرها موقع هيئة الإذاعة البريطانية خلال العام الماضي صراحة عن ما يراه تقسيما غير عادل للمياه قائلا "بينما تأخذ مصر مياه النيل لتحويل الصحراء إلى رقعة خضراء، فإننا في أثيوبيا المصدر لنحو 85% من هذه المياه ليس لنا الحق في استخدامها لإطعام أنفسنا ونضطر إلى التوسل للغذاء كل عام.

قالوا له يتنيل الصحراء اللى اخضرت مشوفناش منها فحل بصل واحد و خيرها كله للغريب

و الشعب المصرى هو كمان قرب يتوسل غذاءه

المشاركة الأصلية كتبت بواسطة horas3000

انا عارف ان راي ده ممكن ميعجبش ناس كتير
شخصيا انا مع خيار الحرب لعدة اسباب

1- تحريك الاقتصاد المشلول بتاع البلد لان زي ما انتم عارفين الحروب اكبر محرك لعجلة الاقتصاد
2

؟؟؟؟؟؟!!!!!!

المشاركة الأصلية كتبت بواسطة horas3000

ا
2- قياس مقدرة القوات المسلحة و قوة الجيش المصري الحقيقية

ولو طلعت القدرة ناقصة حنزودها شوية وندي للراجل نص جنيه مثلا...

المشاركة الأصلية كتبت بواسطة horas3000

3-تقييد سلطات السياسيين قليلا لان في الحرب رجال الجيش هما اللي هيسطروا علي مجريات الاحداث
4

فين السياسيين دول أساسا..مصر من زماااااان قوي عسكر في عسكر...دلوقتي كل شركات القطاع العام والشركات القابضة الكبرى ورؤساء الأحياء والوظائف الهامة كلهم عساكر..والشركات الخاصة بتجيب مدير أمنها واحد عسكري

المشاركة الأصلية كتبت بواسطة horas3000

ا
4- نفض الشارع المصري و توحيد جهوده نحو هدف مشترك و ممكن تكون دافع كويس لتغيير الاوضاع القائمة
5

ده ممكن من غير حرب..أقصد ضروري من غير حرب

المشاركة الأصلية كتبت بواسطة horas3000

5- اعتقد ان حركة السرقة و النهب و الفساد اللي ماليين البلد هتهدي اذا لم تتوقف لان اي نشاط ليه هيقابل بعقاب شديد و فوري

السرق والنهب والفساد حيزيد من منطلق لو بيت أبوك خرب الحق خدلك قالب..وأنا ومن بعدي الطوفان

المشاركة الأصلية كتبت بواسطة بحري

فين السياسيين دول أساسا..مصر من زماااااان قوي عسكر في عسكر...دلوقتي كل شركات القطاع العام والشركات القابضة الكبرى ورؤساء الأحياء والوظائف الهامة كلهم عساكر..والشركات الخاصة بتجيب مدير أمنها واحد عسكري

شوف الكوميديا يا بحرى ان دول عريقه و عندها تقاليد عسكريه عميقه بتجيب فى مواقع عسكريه سياسيين مش عسكريين!!

عشان الحرب ماعدتش اصلا فى ايد العسكريين الحرب اعقد بكتير من جيش بيحارب

واحنا بنخلى العسكر فى كل حاجه و لو واحد فتح بقه يبقى بهاجم الجيش المصرى و يطلعوا فى وشه من اول مينا موحد القطرين مرورا بحطين لحد الضربه الجويه

يجيبوا ناس فى مناصب قياديه ماتعرفش تعمل اى حاجه غير تسمع الكلام و تنفذ الاوامر بحذافيرها و مافيش اى فرصه لنقاش او تفكير او رأى اخر و لو فيه رأى اخر يبقى عميل و مأجور و ضد المصلحه العليا
مافيش حد يقول رأيه و مافيش حد ليه رأى اصلا و ابو رأى ده عند امه يا ادهم

انا قصدي ناس تانية بس مفيش داعي لذكرهم
انا اقصد اللي في الخدمة و اللي هيكون همهم علي البلد (اتمني هذا)

والتانيين دول هييجوا ازاى؟
هيقولوا للى موجودين معلش خمسه كده نظبط الموضوع ده ولا انته دور وانا دور؟

المشاركة الأصلية كتبت بواسطة horas3000

حضرتك ده فكر او منهج اقتصادي معروف
ان في حاله الحرب كل المصادر بتسخر لخدمتها و ده بيوفر طلب علي المواد و العماله و خلافة مما ينمي الاقتصاد
لو حابب تاخد فكرة اكبر

أنا فاهم قصدك وعارف معنى عبارتك الأولانية..هو فعلا فكر ومنهج اقتصادي معروف،،ومعروف إنه منهج فاشل إنسانيا وأيضا اقتصاديا بالمناسبة..وعشان كده أنا كتبت علامات الاستفاهم والتعجب على كلام حضرتك....يعني إحنا بظروفنا الواقعة دي حيكون الحل إننا ندخل الحرب عشان نبني مصانع ونصدر منتجات ونعمل بنية تحتية...!!!!!

على فكرة أنا مش ضد فكرة الحرب أصلا مثل البعض لاسيما إذا كانت الحرب لها هدف مش مجرد استعراض قوى وخلاص وبغي على الخلق وسفك للدماء وهتك للأعراض ورغبة مقيتة في الاستيلاء على ما بأيدي الناس والاستعلاء عليهم ...إنما الكلام اللي بيحصل ده تهريج في تهريج