هو كرسى البوجيه ده شكله ايه وهل بيتباع جاهز
عرض للطباعة
هو كرسى البوجيه ده شكله ايه وهل بيتباع جاهز
بيتعمل فى المخرطه من النحاس غالبا
عباره عن جلبه من جنب سن دكر ومن الجنب التانى سن نتايه
1- سن الجلبه الدكر بيركب فى وش السلندر بدل ماتركب البوجيه
2- سن الجلبه النتايه بنركب عليها البوجيه
والهدف من القصه دى بنبعد منطقة توليد الشراره للبوجيه عن الزيت اللى بيبوظ حريق البوجيه
بنطلع بالبوجيه لبره شويه يعنى من خلال الجلبه أو الكرسى ده
ليه بأه سموه كرسى .............أأقولك
البوجيه اللى راكب على وش سلندر وبيجىء عليه زيت بيكون تعبان ومش مرتاح فى حريقه
قاموا المخترعين عندنا
قالوا مانعمل كرسى للبوجيه ده ( علشان يقعد عليه ويستريح شويه فى حريقه ) ....مدام تعبان فى مكانه ومش مرتاح فى حريقه
بس عمر الكرسى مابينفع فى الأحوال دى
كل شويه برضه حطلع البوجيه وتنظفه من تلوثه بالزيت
هى دى كل الحكايه
الف شكر يا باشا
الله يخليك
أستاذ / محسن
بنضف البوجيه من تلوثه بالزيت بالبنزين ولا بحاجة تانية يا باش لوسمحت
ممكن تنظف بالبنزين عادى ....بس تجففه كويس قبل تركيبه
وأتمنى أنك تفكر فى علاج فعال لهذا العيب
لأنه ساعات بيعمل مواقف مش ظريفه وممكن العربيه تبطل منك وأنت فى أشاره مع تنخيعه على السلانسيه الساخن بالذات
وكده أنت بتخسر فلوس على البنزين بدون أن تدرى
حتوفرها لو عالجت العيب ده
وممكن يبقى تغيير طقم كاوتش صباب مثلا ( على حسب نوع مصدر الزيت عندك ) كاوتش صباب ولا شنبر
وده حيوفر معاك ماديا كتير أوى وبالذات لو كنت بتستعمل بنزين 90 مثلا
كلام حضرتك جميل جدا
بس انا مقتنع بان ولا التوكيل ولا اى صنايعى لو فك مكنة العربية وعمل فيها شغل المكنة هترجع زى الاول بل بالعكس اكيد كمان هتظهر مشاكل مكنتش موجودة قبل كده
انا بس عايز اقول لحضرتك ان المشكلة دى حصلت مباشرة بعد ما روحت لواحد ميكانيكى بيشكروا فيه اوى هنا فى موقع الدايو"وبدون ذكر اسماء لتجنب الدخول فى جدال غير مفيد "
غيرت عنده سير تكييف وبكرة شداد وسير دينامو وفلتر بنزين وبوجيهات (على فكرة حضرتك انا بعرف اعمل بنفسى كل الحاجات اللى روحت اعملها عنده ويسهولة بس انا كنت عايز اشوف شغل واحد كويس علشان اغير سير الكاتينة عنده بعد كده ) وطلب 120 جنيه
دفعتهم وانا ساكت لانى مبحبش اجادل فى فلوس مع اى حد ومشيت من عنده وكأنى بدلت عربيتى بعربية تانية لا سحب وصوت عالى وحاجات غريبة وقبل ما اوصل البيت مباشرة لقيت صوت صرخة جامدة دخلت الجراج وفتحت الكبوت لقيت كل من سير الدينامو وسير التكييف متفرتكين
سلكتهم بصعوبة وبصيت لقيت بكرة شداد سير التكييف الباشا مربطش المسمار ال 15 بتاعها
فسير التكييف رخى وطلع من على طمبورة الكرنك وضرب فى سير الدينامو كل ده مقدور عليه
ركبت سير الدينامو القديم ومشيت بالعربية لمدة اسبوع بدون سحب وصوت المكنة عالى جدا وفى نهاية الاسبوع قررت افك البوجيهات الجديدة والمفاجاة انى لقيت كل بوجيه الخلوص بتاعه مختلف
ولقيت بوجيه عليه زيت اتارى الباشا كان عامل الخلوص بتاعه صفر اى والله العظيم الموجب لاحم فى السالب غيرت طقم البوجيهات وركبت الطقم القديم ومن ساعتها موضوع الزيت بيزيد على البوجيه والزيت بينقص والعربية سحبها عمال يقل
ايه رأى حضرتك فى المستوى الجميل بتاع ميكانيكى الناس بتقول فيه شعر
اسف انى طولت على حضرتك
مشكور يا باشمهندس على توضيح معنى كلمه كرسي البوجيه , لاني اول مره اسمعها وبالتالي اول مره اعرف معناها
افادك الله وجزاك كل خير
فى دى أنا مش معاك يا أستاذ / محسناقتباس:
بس انا مقتنع بان ولا التوكيل ولا اى صنايعى لو فك مكنة العربية وعمل فيها شغل المكنة هترجع زى الاول بل بالعكس اكيد كمان هتظهر مشاكل مكنتش موجودة قبل كده
لأن وجهة النظر دى مش صح فنيا
فالسكوت على العيب الصغير بيدخلك فى متاهات كبيره
هو سير الكاتينه راكب صحاقتباس:
غيرت عنده سير تكييف وبكرة شداد وسير دينامو وفلتر بنزين وبوجيهات (على فكرة حضرتك انا بعرف اعمل بنفسى كل الحاجات اللى روحت اعملها عنده ويسهولة بس انا كنت عايز اشوف شغل واحد كويس علشان اغير سير الكاتينة عنده بعد كده ) وطلب 120 جنيه
دفعتهم وانا ساكت لانى مبحبش اجادل فى فلوس مع اى حد ومشيت من عنده وكأنى بدلت عربيتى بعربية تانية لا سحب وصوت عالى وحاجات غريبة وقبل ما اوصل البيت مباشرة لقيت صوت صرخة جامدة دخلت الجراج وفتحت الكبوت لقيت كل من سير الدينامو وسير التكييف متفرتكين
سلكتهم بصعوبة وبصيت لقيت بكرة شداد سير التكييف الباشا مربطش المسمار ال 15 بتاعها
فسير التكييف رخى وطلع من على طمبورة الكرنك وضرب فى سير الدينامو كل ده مقدور عليه
ركبت سير الدينامو القديم ومشيت بالعربية لمدة اسبوع بدون سحب وصوت المكنة عالى جدا وفى نهاية الاسبوع قررت افك البوجيهات الجديدة والمفاجاة انى لقيت كل بوجيه الخلوص بتاعه مختلف
وكل اللى حصل بسبب نسيان رباط صامولة بكرة شداد التكييف أو رباطها برباط صح
وكان يجب عليك طالما بتعرف كويس كده فى شغل الميكانيكا
أنك كنت بصيت وراه على الشغل بتاع السيور الخارجيه
أول ما لحظت حاجه غريبه
لأن تأثير نطر سير التكييف وتقطعه هو اللى عمل المشكله دى كلها
أثر على سير الدينامو والباور وباظ شغل دايرة الأشعال ( علشان الدينامو هو اللى بيغذى البوبينا وخلافه )
عموما قدر الله وماشاء فعل
وده فعلا نصيب ومكتوب
وده اللى أنا عاوزه من كل الزملاء
دايما يبقوا واقفين ويراقبوا الصنايعى وهى بيشتغل فى سياراتهم
منها حيتعلموا حاجه جديده ومنهم يخلوا بالهم من كل خطوه بيعملها
أنا لما بأروح بأى عربيه لصنايعى بأبقى ناسى أهلى وعينى على كل كبيره وصغيره ومتابعه من الألف للياء
لأننا بشر وممكن تفوتنا حاجات بدون قصد
وده اللى حصل مع الصنايعى أو صبيانه
بدون قصد طبعا
بغض النظر مين هو الصنايعى ده
ورجاء منى لا تذكر أسماء لأن كل ده وارد ومفيش شك
ماهى دى غلطه برضه وأعتقد ده عدم درايه وأهمال من اللى غير البوجيهات ودى ألف باء ميكانيكااقتباس:
وفى نهاية الاسبوع قررت افك البوجيهات الجديدة والمفاجاة انى لقيت كل بوجيه الخلوص بتاعه مختلف
الزيت اللى على البوجيه ملوش علاقه بشغل الميكانيكىاقتباس:
ولقيت بوجيه عليه زيت اتارى الباشا كان عامل الخلوص بتاعه صفر اى والله العظيم الموجب لاحم فى السالب غيرت طقم البوجيهات وركبت الطقم القديم ومن ساعتها موضوع الزيت بيزيد على البوجيه والزيت بينقص والعربية سحبها عمال يقل
ممكن يكون كاوتش صباب الغرفه دى باظ فجأه بعد شغله
وبالذات مع الأختلال اللى حصل والشوية الدربكه أياهم
فهو غلطان ....وآسف فى اللفظ
فأنت غلطان برضه
أزاى تمشى بالعربيه أسبوع بدون سحب وكل القصص دى
ومتكشفش على البوجيهات بمجرد ملاحظتك لأداء غير سليم
نعم هو أخطأ ....ولكن عليك جانب فيما وصلت أليه الأمور
وبالذات مع قولك بأنك متمكن فى شغل الميكانيكا
وأنا عارف أنك شاطر فى شغل الميكانيكا وملاحظ ذلك من زمان
يبقى كان المفروض تكشف على البوجيهات على طول ومتستناش أسبوع
بالشكل ده
أنا مش عاوز أعرف هو مين دهاقتباس:
ايه رأى حضرتك فى المستوى الجميل بتاع ميكانيكى الناس بتقول فيه شعر
بس قولتلك أن ده أهمال وخللى بالك دايما أنت والزملاء جميعا بلا أستثناء وأنتم بتعملوا أى شغل فى العربيه عند أى ميكانيكى أو عفشجى
عينكم عليه بأستمرار
ومحدش يسيب عربيته لميكانيكى ويروح ويجيله بعد فتره علشان يستلم
لازم يبقى كله على الطرابيزه
هو ده طبعى
عاجبه يتشتغل وأنا واقف على رأسه أهلا وسهلا
مش عاجبه أشوف غيره
ودول كتير أوى
خير بإذن اللهاقتباس:
اسف انى طولت على حضرتك
وشىء فداء لشىء
فثق تماما بأن الله سيعوضك خيرا
وأتعلم بأه من الدرس ده
وعنينا دايما على الميكانيكى وهو بيشتغل زى ما أتفقنا
أمال أحنا هاريين نفسنا مناقشات كده ليه فى المنتدى
وعمالين نقول ونزيد
ماهو مش علشان كلنا نبقوا أحمد زويل
أبدأ علشان نعرف الميكانيكيه بيعملوا أيه ونخلى بالنا من شغلهم
ما أنت عارف الأهمال المصرى عامة
أنا أشتريت عربيتى من التوكيل وهى لسه زيرو
وداخل بأجرشها ....ولقيت صوت بم بم بم بم جوه الغرفه
ربنا ستر ولحقت نفسى وعرفت السبب على طول
واحد من البهوات اللى بيجموا العربيات ( تقريبا كان متوضى وماسك السبحه )
وربط قفيز خرطوم الطرد بتاع طلمبة الباور بمنتهى الحنيه ....خايف على تعب صوابعه ( جاته شك فى صوابعه )
طبعا مع الضغط للزيت وأنا لسه بأجرش
الطلمبه بدل ماتودى زيت باور لعلبة الدركسيون وداته على الأرض
عملت الازم بنفسى على طول والحمد لله كله تمام الى الآن
وعلشان أنا شكاك شويه فى مواضيع الرباط بالذات
حطيت أفيز تانى بتاع أنبوبة بوتجاز جنب الأفيز الأساسى بعد ماظبط أمورى
المهم عاوز أقولك
طول ما أنت فى مصر ....أما تسلم على حد ............عد صوابعك بعد السلام
كلام من الاخر يا هندسه يدرس في الاكاديميه:satelite:
خد يامحسن باشا
أقرأ الموضوع ده كويس أوى
وشوف أخونا / كريم منير
بيقول أيه عن صنايعية مصر المبجلين
http://www.nilemotors.net/Nile/144582-a.html
لا أنا مقلتش أننا نراجع وراهاقتباس:
حضرتك بتقف تتابع بعينك كل حاجة لكن مش هتمسك مفتاح وتراجع وراه رباط صعب اوى
أنت ممكن بنظرتك ليه وتحريقه وتأكيده على الشغل
حتعرف أذا كان مهمل ولا بيأكد على شغله
من حركة أيديه وحزقانه وهو بيربط
حتعرف هو بيربط بضمير ولا بيحسس على الصاموله
ولا تعبرهاقتباس:
ده الواحد من دول لو تجرأت وقولت وجهة نظر مخالفة لكلامه ولو بسيط يبصلك وكانك شتمته بألفاظ مش كويسة
وبيع قلبك ....بيع ودك
أهم حاجه مصلحتك
ده بيشتغل فى حاجتك وحياخد فلوس زى ماهو عاوز
يبقى أتابع حاجتى زى ما أنا عاوز
لا يبقى مش أسطى للأسفاقتباس:
الاسطى هو اللى كان بيعمل الشغل والصبيان كانو بيناولوه عدة بس
فى الغالب لما الزيت بيجى على بوجيه واحداقتباس:
اصرف ازاى:
دلوقتى فى بوجيه بيبقى عليه زيت
العربية لانوس sohc - 1.5
ماشية 190 الف كم
بيكون كاوتش صباب عاوز يتغير
ولكن درأ للشك باليقين
أعمل أختبار كبس على الأقل نقارن درجات حبك الغرف الأربعه ببعضهااقتباس:
هل ابتدى اعمل اختبار كبس للموتور علشان اعرف الزيت ده من الشنابر ولا من كاوتش الصباب
طلعوا كلك زى أو قريبين من بعض
يبقى الزيت ده بسبب كاوتش صباب فقط وليس شنابر الغرفه دى
وكده حتتعامل فقط مع رأس السلندر كلها
روديه وتغيير كاوتش صباب وبالمره شوية نظافه للبلوك ومجارى التبريد ورأس السلندر نفسها
باشمهندس سمير / انا جاي من موضوع كريم منير على هنا وشكراً جزيلاً لحضرتك ,, منورنا ومنفتح عيونا على اللي بيحصل
ربنا يخليك يادكتور / محمود
وشاكر جدا
لزوق سعادتك
شكرا بارك الله فيك