فتيس السيراتو

**NoRmAl** · 28-04-2010 04:44 AM

المشاركة الأصلية كتبت بواسطة ahmed samy

ده مفتي الديار المهلبية

نقل العصاية بيفضل على نفس النقلة هو بس بيديك انت التحكم

و بيفضل حساس لعدد اللفات يعنى مش هاتعرف حتى تدي نقله غلط

فعلا وحتى لو حرقت على نقله معينه لحد الريد زون الفتيس هينقل لوحده على النقله الى بعدها حتى لو مانيوال علشان يحمى المتور

**mohamed1979** · 28-04-2010 11:45 AM

المشاركة الأصلية كتبت بواسطة waleedelpiloot

انا لما اشتريت العربية سالت صاحب المعرض اية الى يبوظ الستيبترونيك عشان دى حاجة جديدة عليا
قالى اعمل الى انتا عايزوا فيه معادا حاجة واحدة انك تحول من اتوماتيك لمنويال وانتا ماشى بسرعة عشان انتا لما تحول لمانويل وانتا ماشى الستيبترونك بيبدء من النقلى الاولى فا قالى ما تبقاش ماشى مثلا 90 100 وتروح جايب على المانويل ف تبقى العربية ماشية على 100 على اول ناقلة

لو حد عندو راى وخبرة فى الموضوع دة ياريت يفدنا

يا رب ارحمنا من الفاتيين و الجهله

**ghost1900** · 28-04-2010 12:07 PM

المشاركة الأصلية كتبت بواسطة waleedelpiloot

انا لما اشتريت العربية سالت صاحب المعرض اية الى يبوظ الستيبترونيك عشان دى حاجة جديدة عليا
قالى اعمل الى انتا عايزوا فيه معادا حاجة واحدة انك تحول من اتوماتيك لمنويال وانتا ماشى بسرعة عشان انتا لما تحول لمانويل وانتا ماشى الستيبترونك بيبدء من النقلى الاولى فا قالى ما تبقاش ماشى مثلا 90 100 وتروح جايب على المانويل ف تبقى العربية ماشية على 100 على اول ناقلة

لو حد عندو راى وخبرة فى الموضوع دة ياريت يفدنا

الفتايين بيشجعوا وأحنا مش معاهم. الراجل ده بيقول أى كلام وطحينه، هو أكيد فاهم أنه لازم يمشى فى الجزمة الأول ههههههههه

.

مفيش أى عربية سقتها بفتيس ستيبترونيك بتبدأ من الأول كلهم كانوا بيبدوا من النص

كخخخخخخخخخخخ

.

**ghazy12** · 28-04-2010 01:40 PM

يا باشا امشي زي ما انت عايز, و انقل على الستيبترونيك وقت ما تحب على سرعات عاليه او قليله

الفكره ببساطه جداا ان النقل للستيبترونيك مش هينقل من ترس لترس مثلا علشان يقولك غلط و انت
ماشي, و انك ماتبقاش ماشي 100 و تنقل فهتبقى ماشي على الأول و انت جايب 100..!!!!
ده كلام بالبلدي كده (( هجس ))... لأن الستيب ترونيك هو هو ترس الأوتوماتيك العادي و لكن
مع فارق ان العربيه هي اللي بتنقل لوحدها في الأوتو, و الستيبترونيك حضرتك اللي بتنقل الفتيس
من غيار للتاني, و لكن هو هو الترس ماتغيرش... و حتى الستيبترونيك مش مانيوال أصلا...
لأن ببساطه, المانيوال عمرها ما تنقل لوحدها, لازم انت اللي تتحكم, لكن الستيبترونيك هينقل
لو انت نسيت تنقل, يعني بردو اوتوماتيك و هي هي, الفرق بس انه بيديك مساحه اكبر للحرق
او انك تتحكم في السحب عن طريق القرص على كل نقله...

و عايز اقولك حاجه عن تجربه في عربيتي... الـd عندي كان سحبه أشد 100 مره من الستيبترونيك
بعد ما فتحت الموتور... يعني ماتتوهمش بالستيبترونيك لأنك لو بتسوق من زمان و عندك
خبره مش لازم تكون كبيره, هتعرف توظف الأوتو العادي و تخليه يديك سحب خراااافي لأن
الموتور هيساعدك جدااا في السيراتو بالذات...

بس كده يا باشا... و ربنا يديك خيرها و يكفيك شرها

**Atrees** · 28-04-2010 02:08 PM

كلام الرجالة هنا كللو صح الصح - عايز بس اضيف حاجة صغننه

الفتيس الاتوماتيك اذكي حتي من السواق ودائما في صالح امان المحرك والات الجر يعني :

الفتيس حتي لو انت ماشي ستيب ترونيك مش حينقل لنقلة اقل لو سرعة العربية لا تسمح ( ال ار بي ام حيدخل الرد زون لو نقلت يعني ) وبالتالي مش حينقل النقلة الاقل الا اذا هديت سرعتك في حيز المسموح بيه لعدد دورات الموتور

الفيتيس بينقل نقلاتة الامنة حتي لو علي المانوال ( يعني لو هديت خالص وانت علي المانوال حتلاقية عمال ينزل نقلاتة )

نفس الموضوع لو في تسارع - مجرد انك تصل للرد زون نسيت تنقل - الفتيس حيختار النقلة الاعلي للامان - بس حتكون متاخرة عن النقلات العادية

في حالة التحكم اليدوي للنقلات انت امن تماما من انك تخطئ لانة مش حيسمح بانك تخطئ في حقة ابدا

براحتك يا باشا - اعمل اللي انت عايزة - السيراتو فاهماك قوي ودايما حتكون تحت امرك وفي صالح امانها وامانك

عندي بس سؤال للرجالة - انا مبعرفش افتح الموتور ازاي ومفهمتش من المواضيع اللي في المنتدي اي معلومة مؤكدة

انا عامل دلقوتي 7000 كم بواحدة و 4000 بالتانية - افتح واحدة فيهم ازااااااااااااااااي

**ghazy12** · 28-04-2010 04:19 PM

المشاركة الأصلية كتبت بواسطة Atrees

عندي بس سؤال للرجالة - انا مبعرفش افتح الموتور ازاي ومفهمتش من المواضيع اللي في المنتدي اي معلومة مؤكدة

انا عامل دلقوتي 7000 كم بواحدة و 4000 بالتانية - افتح واحدة فيهم ازااااااااااااااااي

معقول.... عتريس بك عنده سؤال في السيراتو.. و ساكت عليه كل ده يا راجل..؟؟

من عنينا يا عتريس بك...

اتفضل يا باشا... دي مشاركه ليا في موضوع عن التفتيح, فيها شرحي لطريقة
التفتيح (من وجهة نظري) بشكل مفصل...

كان صاحب الموضوع متخيل ان التفتيح فيه لعب في الموتور و كده...

يا رب تفيدك...

يا باشا التفتيح مش لعب في الموتور ابدااا...

دي كلمه أو (تعبير مجازي) عن انك تعود الموتور على سرعة الاستجابه, بعيدا عن الشرح الهندسي الرخم...

الموضوع ببساطه من وجهة نظري و ده اللي انا عملته في عربيتي
و جربته أكتر من مره و هو و بالبلدي كده...

فتح العالي الأول (يعني من فوق) ابتداء من النقله الرابعه و هتعمل كالاتي...

تمشي على طريق هاي واي كويس كده, و اول ما العربيه تجيب الرابع, ابدأ زود (أكبسلها) بدون كيك داون, شويه لحد ما تجمع سرعه و خف رجلك على البنزين لحد ما تنزل لسرعه أقل (بداية الرابع مثلا) و أكبسلها تاني و هكذا... كام مره و ابدأ فتح الثالث و بعده الثاني.... بنفس الشكل

تغيير عدد لفات الموتور (بالزياده او بالنقصان) لنفس النقله هو ده معنى كلمة التفتيح من وجهة نظري...

طبعا مش من أول مره, هتحتاج كذا مره لأنك مش هتاخد وقت في المره الواحده أكتر من ساعه مثلا او ممكن أقل... 4-5 مرات لكل نقله في كل مره مثلا...

كده هتخللي سرعة استجابة الموتور و التجميع لكل الغيارات (النقلات) سريعه و ممتازه بجد

و يحبذ انك تسافر سفريه حلوه كده, الموضوع هيكون أفضل نظرا لأنك كده كده مسافر فماشي على هاي واي...

في ناس بتقول الأوتوماتيك مابيتفتحش, و في ناس بتقول مافيش حاجه اسمها تفتيح أصلا..
الموضوع ده مدارس, يعني بيختلف المفهوم و الأسلوب من شخص للتاني, بس المفروض ان الهدف واحد...

دي وجهة نظري ببساطه و أنا عملت ده بالفعل في السيراتو و غيرها و النتيجه 100%

يا رب أكون قدرت أشرح الموضوع بشكل مبسط و مفهوم...

و ده لينك الموضوع, و مواضيع اخرى عن التفتيح...

http://www.nilemotors.net/Nile/116812-sx-550-a.html

و ده عن التليين و التفتيح بردو...

http://www.nilemotors.net/Nile/129557-a.html

و يا رب اكون قدرت افيدك يا باشا...

**M7amD_7amDy** · 28-04-2010 04:23 PM

المشاركة الأصلية كتبت بواسطة ghazy12

و عايز اقولك حاجه عن تجربه في عربيتي... الـd عندي كان سحبه أشد 100 مره من الستيبترونيك
بعد ما فتحت الموتور...

مظبوط كلامك ياغازى باشا

وفعلا انا ساعات بحس ان ال D أحسن من الستيبترونيك

بس انا حسيت كده بس فوق ال 160 كيلو بمعنى تسارع ال D أحسن وإستجابته أحسن وبتجمع السرعة أفضل , فى النقلة الرابعة

بس بصراحة ده كان حصلى مرة واحدة ومجربتش تانى بعدها , عايز أبقى أجرب تانى وأشوف النظام تانى :)

انما أول 3 نقلات طبعا الستيبترونيك جباااااااااار

**MaZaGAngeE** · 28-04-2010 05:08 PM

الأفندية بتوع المبيعات دول نقاوة
المصيبة بقى إن بتاع المبيعات لازم ياكل دماغك و خلاص
يقول أي كلام و بس
يقول نكت سخيفة زيه
لو البضاعة اللي أنت عايزها مش موجودة خد أي حاجة متطلعش بايدك فاضية
بتشتري ايه ؟ قميص بنطلون موبيل عربية ده لو انت عايز تسافر رحلة بره مصر هيفتي و يخترع مع إنه أول مرة في حياته يسيب كفر أبو تشت لما جه بشتغل في المكان اللي حظك السيء خلاك تدخله و تقابل فلتة عصره و زمانه بياع أفندي مش عارف بيبيع ايه

**zezo_22** · 28-04-2010 10:58 PM

شكرا أوي يا رجالة السيراتو كدا طمنت

-

الموضوع: فتيس السيراتو

LinkBack

أدوات الموضوع

عرض

-

-

-

-

-

-

المواضيع المتشابهه

مشكلة فى فتيس السيراتو

مشكلة كبيرة فى فتيس السيراتو

حد غير زيت فتيس السيراتو ؟؟؟

فتيس السيراتو ولا الصني احسن؟

فتيس السيراتو ( استفسار )

الكلمات الدلالية لهذا الموضوع

المفضلات

المفضلات

ضوابط المشاركة