جين تو عجبانى و مطلعة عينى !!

**Tarek Gen 2** · 28-04-2010 06:53 PM

السلام عليكم رحمة الله و بركاته
انا اشتريت جين تو و تم الاستلام الحمد لله و الترخيص انهاردة الحمد لله
انا ركبت زينون عالى واطى و شبورة - وحدة رفع - لمبة ليد فى الشنطة و الصالون .
انا ركبتهم برة مش توكيل
هل ده يضر الضمان؟؟
انا شايف ان العربية تحفة فى كل حاجة
بس فى كام مشكلة كالعادة بس ان شاء الله محلولين و مش هيقللوا من حبى للعربية
1 حدفة يمين قوية
2 صوت زقزة من ورة كدة
3 صوت زى ما يكون صوت هوا بعد سرعة 80 و الازاز مقفول جى من الشمال ورا
4 صوت رخم جدا جدا من الازاز القدمانى يمين و شمال اما يفتح و اقفل
(صوت تكتكة فى الطلوع و النزول بيظهر لحد نزول نص الازاز كدة و بعدين يختفى باقى النزول صوت تكتكة سريعة مش تراب ده زى ما تكون بترمى بلية على الارض و بترد كدة و بيظهر الصبح لحد اخر الشمس كدة و بعدين يختفى )
اما الباقى بقى العربية تمام فى كل حاجة و فعلا كويسة جدااااااااااااا و ممتازة
و انا اشجع الناس تشتريهااااااااااا

**eng.m7md.ali** · 28-04-2010 07:13 PM

مبروك عليك الجين2 وفعلا هي عربية تحفة بس فيها حجات رخمة شوية
موضوع الحدفة ده هيتحل في الصيانة اللي جاية
صوت الزقزقة تقريبا موجود في عربيات كتير من البروتون
بالنسبة لموضوع الصوت كان فيه حل بس انا بصراحة مش فكره
صوت القزاز عندي نفس الموضوع ومش عارف الحل.

بالنسبة للزينون تقريبا بيخرج من الضمان واستنا اسأل الخبراء هما هيفيدوك اكتر

تحياتي لييك و1000 مبروك مرة تانية