الموضوع: مشكلة مطلعة عينى الحراااااااااااااارة ):

المشاركة الأصلية كتبت بواسطة ahmedangel55

السلام عليكم
انا معايا شاهين العربية الحمد لله حالتها جيدة بس الحاجة الوحيدة الى مطلعة عنيا بقالى سنتين الحرارة
انا كنت مركب راداتير 2 ماسورة شلتة امبارح وركبت 3 ماسورة وظبطت التاكيهات وغيرت زيت وروحت كشفت ع الشكمان لقيتة كويس مش مسدود ولا حاجة وظبطت كهربة العربية عملت كل حاجة تتخيلوها وبررررررضة لسة الحرارة عالية لدرجة انى كل شهر بغير ترموستات وبيكون 90-80
المشكلة ان بعد ما ادور العربية ويدوبك 3 دقائق بس صبح او بليل الاقى الحرارة وصلت 90 والمروحة اشتغلت النهردة خرجت بالعربية مشوار صغير الساعة 3 العصر لقيت المروحة اشتغلت وفصلت بعد 10 دقائق كاملة تخيلوا وبعد دقيقتين بالظبط الحرارة عليت تانى واشتغلت المروحة تانى بجد انا مش عارف اعمل اية انا تعبت جدااااا
يا ريت الى كانت عندة المشكلة دى واتحلت يقولى عمل اية او الى يعرف احلها ازاى يقولى وشكرااااا

اخى الكريم

احد اسباب ارتفاع درجه حراره العربيه

ترمثتات الكوعه

الراداتير

الترمثتات الموجود فى الراداتير

عدم الاهتمام بنظافه الرداتير من الداخل او الخارج

* عدم ضبط التكيهات

* لو الشكمان منفث او فى مشكله

* غالبيه الناس وانا كنت واحد منهم بنلغى ترمثات الكوعه لان مع الميه بتصدىها وتتراكم عليها الاملاح الموجوده فى الميه وكمان تخنق الميه الى خارجه للموتور بعد تبريدها.

* نيجى بأه للردداتير انا كنت مركب رداتير 3 ماسوره وكنت فرحان بيه اوى ورجعت غيرتوا برداتير 2 ماسوره والحكمه هنا مش 3 ماسوره ولا 2 مساوره انا عرفت ان الاهم هو ان تكون الفتحات اللى بين المواسير ضيقه وليس واسعه وهذا كانت متوافر فى الرداتير الـ 2 ماسوره ويكون الرداتير نحاس مش حديد لان دا بيخلى التبريد احس بالنسبه للعربيه الكلام دا عن تجربه شخصيه فى سيارتى الـ 128 موديل 98

* الترمثتات الموجوده فى الرداتير لو فيها مشكله بتدى قراءه غلط عن حراره العربيه ودا احتمال مستبعد ان يكون ترمثتات الرداتير فيه مشكله.

*الرداتير بيحتاج كل فتره ويفضل عند دخول الصيف ان يتم غسيل دوره التبريد بالكامل وتغيير المياه الموجوده فيها وكل فتره ( ممكن تكون شهر) تحتاج حضرتك تضرب خرطوم ميه شديد فى وش الرداتير عشان الاتربه المواجهه للسياره اثناء السير بتؤثر على كفاءه الرداتير

* التكيهات بتحتاج تتزبط مرتين فى السنه مره عند دخول الصيف ومره عند دخول الشتاء وفى كل مره يكون الضبط مختلف

فيرجى مراجعتها ايضاً للأهميه لان ممكن التكيهات تكون مقفوله


والله اعلى واعلم

تقبل منى كل تحيه