اقتباس المشاركة الأصلية كتبت بواسطة ahmed_moslem مشاهدة المشاركة
وهل هناك حل للموضوع ده علما بانى لسه عامل صيانة ال40000 يعنى كل الفلاتر والزيوت لسه متغيرة
اولا بهنيك على اختيارك الموفق للواجا وربنا يديك خيرها ويكفيك شرها .

طبعا رقم 180 كيلو فى الصفيحة رقم نوعا ما كبير بالنسبة لمحرك 1600 .. وبالاخصر لمحركات بروتون المعروفة بالتوفير الشديد فى استهلاك البنزين ... بس حضرتك كاتب 180 كيلو فى الصفيحة .. فى احسن الحالات ( يعنى فى الطريق السريعة ) بسرعة 90 وبدون تكيف وبدون حمولة ؟؟؟؟؟؟ لان دية احسن الحالات , ................................... حضرتك انا عاوز اوضح ان معدل استهلاك البنزين بيتأثر جدا بعوامل كتير جدا جدا وممكن حتى ماتخطرش على بالنا وحذكر لحضرتك على سبيل المثال لا الحصر

1-الرياح .. يعنى حضرتك ماشى عكس اتجاه الرياح ولا مع الرياح ( فى الطريق السريعة والسفر )
2- معدل ضغط الهواء داخل الكاوتش .. لو ضغط الهوا قليل دية بيزيد من احتكاك الكاوتش وبيزيد من استهلاك البنزين .
3 - الحمولة .. كل ما الحمولة زادت الاستهلاك بيزيد وبشكل ملحوظ جدا لو مع التكيف وفى المدينة
4- نوع البنزين والمحطة الى حضرتك بتمون منها .. من اكتر العوامل الموأثرة " عن تجارب مريرة " احسن محطة واظبط مكن فى امارات مصر وشل عن تجارب عديدة ..
* طبعا بجانب ان الاوتوماتك بيستهلك بنزين اكتر من المانيوال
* حاجة تانية ممكن يكون الكمبيوتر مانجمنت فى مشكلة ومحتاج اعادة برمجة ودية سهلة جدا " التوكيل بيكشف على الموضوع دة "
*البوجيهات ممكن تكون قوة الشرارة ضعفت والبنزين مش بيتحرق بالشكل المظبوط
* النجكترات ممكن يكون فيها حاجة
--------------------------------------------------------------

بس بدون مدخل حضرتك فى متاهات ... من كل الكلام الى مكتوب فوق حضرتك جرب الاول الحاجات السهلة

1 اظبط ضغط الكاوتش ويستحسن فى مركز كبير علاشان تكون القراية مظبوطة
2 فول التانك من اى محطة من محطات امارات مصر و صفر العداد وامشى 100 او 200 كيلو ( يستحسن 200 كيلو ) وفولها تانى من نفس المحطة الى حضرتط فولت منها وشوف حتاخد كام , وان شاء الله انا متأكد ان الرقم دة حيرتفع ل 210 كيلو .
لكن لو نفس النسبة هية هية .. يبقى حضرتك توضح النقطة دية فى التوكيل .. وتخليهم يكشفو العربية و بالاخص على الكمبيوتر مانتجمنت .. وان شاء الله مش حتحتاج لكدة



كنت عاوز اسأل حضرتك بخصوص الواجا ... انا معروض قدام واجا بريميوم 2006 ب 80000 جنية .. وماشية 31000 كيلو .. وحالة السيارة من الداخل اكتر من ممتازة .. والحالة الخارجية ممتازة وان كنت شاكك انها ممكن تكون مغيرة اكصدام .. لان الاكصدام مفهوش ولا خدشة .

اية رأى حضرتك .. سعرها كويس ولا مبالغ فيها .., وكنت عاوز اسأل لو فى مشاكل شوفتها فى العربية ( غير موضوع استهلاك البنزين ) . وياريت لو تقولى الصيانة بتتكلف كام فى التوكيل ..

انا عملت بحث موسع جدااااااااا عن الواجا فى كل القاهرة لانى كنت ناوى اشتريها .. لكن اتصدمت ان الشكل الحالى اتوقف ومافيش منة فى القاهرة الكبرى غير عربيتين واوتوماتك بس .. وجالى احباط نوعا ما .. وشوفت العربية الى قولت لحضرتك غليها بس كانت المشكلة فى ان مكانش فى تسهيلات فى السداد ... و مالقيتش شركة بتقسط مستعمل .... غير انى كمان خايف من حته المستعمل دية .