بسم الله الرحمن الرحيم
احلى سلام على أحلى عصابه
و نبتدي الكلام

أنا كنت عامل موضوع عن عربيتي اللي اشتريتها من يومين و لقيت الناس عايزه تعرف مواصفاتها و سعرها
فقلت أعمل موضوع جديد عن العربيه و مواصفاتها و سعرها و حالتها و مغامرات الحرفيين في اليومين اللي فاتوا

أولا المواصفات

العربيه أوبل فيكترا 2001 cdx موتور 2000 سي سي اوتوماتيك
المواصفات العاديه بتاعت ال cd
2000 سي سي أوتوماتيك 137 حصان و فرامل abs و traction control و زرار مانع التزحلق
و طبعا تكييف و باور و سنتر و ازاز كهربا و تحكم في ارتفاع الطاره
تحكم في مستوى اضاءه التابلوه و تحكم في ارتفاع الفوانيس الأماميه ب 3 درجات

المواصفات الزياده عن ال cd العاديه كالأتي:
1- جنوط أوبل سبور
2- طاره ملتي فنكشن
3- 2 ايرباج
4- مثبت سرعه
5- 4 ازاز كهربا تاتش مش 2 بس
6- وحدات رفع
7-تلاجه في التابلوه (يعني في جزء من التابلوه مفصول لوحده ليه مدخل هوا من التكييف)
يعني ممكن تسقع ازازه ميه جواه بس لازم تكون مشغل التكييف
8- فرش جلد اصلي لونه أسود بصراحه تحفه و خامته ممتازه
9- مرايات ضم كهربا بتقفل لوحدها لما أقفل العربيه و تفتح تاني أتوماتيك لما أفتح العربيه