مشكله في الفيكترا 2001 عايز خبره أعضاء العصابه في حلها

**ahmedpharma** · 30-04-2010 12:13 PM

العربيه فيكترا 2001 اوتوماتيك 2000 سي سي
حصلت حاجه غريبه في العربيه امبارح

و أنا واقف و مدور العربيه و العربيه على p أو n يعني مش واخده غيار
لقيت مؤشر السرعه بيرفع لوحده لحد 40 و ينزل و يرفع كأن العربيه ماشيه
و ده لما أدوس بنزين و أنا بأسخن العربيه

و الأر بي أم بيعلى و يوطى لوحده و بعدين علي و ثبت بعد الواحد بمسافه صغيره

و لمبه (tc ) منوره علطول

و تالت مشكله بأه الفرااااااااااااامل
أنا لسه مغير التيل الأمامي من 3 أيام و عملت على العربيه بعد تغيير التيل حوالي 300 كيلو
يعني المفروض يكون التيل الجديد طبع

الفرامل بقت زبااااااااااااله و لما أدوس عليها تهدي العربيه
و بعدين لما أكمل دوس ألاقي مفيش أي تأثير زياده نفس التهديه و احس أن الفرامل حجرت
و بعدين الدواسه بتنزل سنتين تلاته من غير أي تأثير تماما

يعني كأني دايس دوسه خفيفه من الأول و بعدين اي ضغط زياده على دواسه الفرامل ملوش لازمه ما بيديش تأثير

ده العربيه قبل تغيير التيل كانت فراملها أقوى بمراحل حاجه غريبه

أنا محتاج خبره عصابه الأوبل في حل المشاكل دي

**ENG\AHMED** · 30-04-2010 12:36 PM

بالنسبة للفرامل جرب امشى فى طريق فاضى ودوس فرامل بسرعة وعلى الاخر لو محستش انها بدأت تعلى معاك يبقى غالبا فى مشكلة فى الماستر العمومى

لمبة ال tc محتاجة سكانر علشان تعرف السبب
مبدأيا اتأكد من حالة الكاوتش وضغط العجل
موضوع عداد السرعة من اول لما لمبة ال tc نورت ولا قبلها

**Ahmed_lol2007** · 30-04-2010 01:08 PM

ربنا معاك ياباشا
وإن شاء الله تكون حاجة بسيطة بس فعلا العربية المفروض تدخل على الاسكانر زى ما البشمهندس قال

**cayman69300** · 30-04-2010 03:29 PM

بالرغم من انى مش من القاهرة - بس سمعت كلام كويس جدا على توكيل مقار اللى فى القاهرة و غالبا فى الدقى
الناس هنا اكيد هيقولولك على العنوان
الميزة اللى فيهم الامانة و كمان ممكن تجيب قطع الغيار من برة و هما يركبوها ليك من غير اى مشاكل على عكس التوكيل
الحاجة الاخيرة متضايقش نفسك و ان شاء الله هتلاقى سبب اللخبطة دى سهل جدا جدا و مجود تظبيط مش اكتر
و يا ريت تطمنا عليك لانى عارف احساس اللى بيشترى عربية جديدة و نفسة يعمل كذا و كذا بيها
و بعدين العربية تقعد تقرفة
ربنا يسترك و يوفقك

**Atef Saleh** · 30-04-2010 05:05 PM

مجربتش مقار بصراحه بس الموضوع مش مستاهل و اى حد هيفيدك فى القصه دى خلى مقار لحاجه تستاهل .

**cayman69300** · 30-04-2010 09:15 PM

السلام عليكم و رحمه الله و بركاتة
المشكلة اللى مقابلة اخونا فى تشخيص السبب
و دى اكبر مشكلة و عن تجربة - هتلاقى ناس تفتى كتير جدا فى الصنايعية و بعدين تفضل تدفع و تدفع و فى الاخر هتلاقى ان العيب حاجة تانية و انت دفعت اد كدة على الفاضى و ضيعت وقتك و حرقت دمك
فعلى اية
العربية سى دى اكس معمولة بطريقة معينة و الكلام دة من مهندسين محترمين
ان العربية معقدة شوية عن الموديلات اللى قبلها - بس حلو الحكاية دى بفيشة الكمبيوتر و او الاعطال علشان تحدد المشكلة فين - لان المشكلة الواحدة ممكن يكون ليها اكتر من سبب
فمابالك لو كان فى اكتر من مشكلة هيبقى ليها اسباب كتيرة جدا و فى الاخر تطلع حاجة تانية خالص
فاكرين اللى كان كاتب فى المنتدى ان العربية كل لما يهدى على مطب تطفى منة و قعد يصرف هنا و هنا و فى الاخر طلع ان المشكلة ان سلك فيشة متشعر و ضعيف
و الله هتشوف كلامى صح و لا غلط
روح توكيل او مركز متخصص و حط العربية على الجهاز و ريح دماغك و فلوسك و اعصابك و وقتك
و الله الموفق

**tamertamer** · 30-04-2010 09:15 PM

لازم العربية تدخل على الجهاز عشان نعرف اللمبة بتنور لية اولا الفرامل اظبر عليها شوية وبص على العجل كلة لو لقيت زيت ممكن يكون مستر مهرب او الاغلب مستر عمومى او السرفو عايز طقم اصلاح بس استبعدها خالص خير خير خير

**ahmedpharma** · 30-04-2010 10:36 PM

شكرا ليكم جدا يا جماعه على اهتمامكم و مساعدتكم
أنا رحت النهارده بالعربيه عند الراجل اللي بدأت اتعامل معاه في الميكانيكا و الكهربا في الحرفيين

المهم قالي هات منظف كاربيراتير و جبتهوله و نضف الكاربراتير!!!!!!!!!!
مع أني أعرف أن العربيه دي انجكشن مش كاربراتير
هو فعلا نضف حاجه شكلها شبه الكاربراتير و قالي دي الحته اللي فيها حساس السلانسيه
و كان فيه زي ماسوره فيبر لونها أسود و اصله بالجزء ده و متقسمه تقريبا ل 3 أجزاء
فكها بردو نضفها بالاسبراي ده و نفخ فلتر الهوا

و العربيه اتظبطت الحمدلله

بالنسبه لمشكله الفرامل طلع و جرب العربيه و قالي دي غالبا مشكله تيل نوعه وحش
اصبر على التيل شويه و بعدين غيره و هات نوع كويس و هو قالي الجي ام الأصلي هيبقى حلو
و سعره حوالي 165 جنيه

و بالمره و أنا هناك غيرت كلاكس العربيه
رحت الوطنيه سألت عليه جديد لقيت الفرده الواحده ب 190 جنيه يعني الجوز ب 380 جنيه
حراااااااام ادفع 380 جنيه في كلاكس
المهم رحت جبته من عند هاني العايدي استيراد الجوز ب 120 جنيه بعد فصال من أصل 150 جنيه
و بصراحه صوته تحفه و مميز